#مُتمردة_العيسى ❤️🔥
عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما...
إنه ذلك العشق الذي لا يشبه عشقًا...
ذلك الذي يجعلنا نستشعر العشق ونحن بعيدين
هو ذلك الشعور الذي لا يشبه مشاعرًا
هو عندما نتنشق عطرهم...
#لارين_تحكي حليت عينيا على صوتو لي صاح وين حسبت روحي نحلم حتى رجعت سمعت أصواتهم لكل لبراا.. عديت بعينيا عالبيت وين لقيت روحي وحدي رغم الخوف لي حسيتو ف اللحظة هاذي لقيت روحي عاجزة بش نقوم ونتحرك..حشيت راسي ف المخدة اول ماتفكرت لي صار بكري وين حسيت بنفس رعشة سرات فبدني من الخوف لي رجع مكني مرة اخرى.. قلبي ضرب بقوة ك استرجعت صوت الخبطات لقوية وصوت خطواتو لي خلاوني نرجع بالتوالي ونسترجع لي صار قبل وين لقيت روحي كاني ف دوامة تسحب فياا وخنقتني..للحظة هاذي مانيش مصدقة روحي كيفاه وقفت بكري..كيفاه عجزت حتى نخمم.. وقتلي ف بالي سايي ارتحت ك هربت هناا وبش ننسى لقيت روحي قدام موقف واحد تفكرت كل شي صار.. ف اللحظة هاذي عرفت اني مهما نبعد مانيش بش نهرب من خيال "إلياس".. هو بش يبقى مرافقني حياتي لكل اي حاجة بش تصير بش تبقى ديما تفكرني فيه و ف شنوة انا عشت من جرتو وين تأكدت اني بش نبقى طول حياتي ضعيفة هكاا ومستحيل ننسى ولا نبرأ من لعنتو.. خذيت نفس طويل وحاولت ننسى "إلياس" ف اللحظة هاذي لازمني نقنع روحي انو سايي انا بعدت عليه وهو مستحيل يلقاني هناا.. شهقت بالقوي وقت عرفت اني حتى هناا مكتوبلي نعيش نفس الاحساس كانو الخوف صار ملزوم علياا.. مسحت دمعتي لي نزلت وبقيت نفكر ف لي صار بكري وزعمة شكون لي عمل هكا..هزيت روحي فيسع وخذيت نفس طويل محاولة مني بش نتخلص من الافكار لي هجمت علياا فجأة.. حسيت روحي تخنقت والنفس ضياق بياا وقت تخيلت شنوة كان ممكن ينجم يصير كان عيسى ماجاش ف الوقت.. شنوة كنت بش نعمل كانت ريت عبد قدامي حاول يضرني ولا يضر ماياا..دموعي لقاو طريقهم على خدي وقت عرفت اني مش بش نعمل حتى شي واني وحدة ضعيفة هكاا ماكنتش بش انجم ندافع لا على روحي ولا على مااياا.. احساس يوجع تملكني وقت تفكرتها هي شعملت وانا كنت واقفة على بلاصتي ماعملت شي غير اني نطقت اسمو بش يجيني.. مسحت دموعي وتنهدت بالشوي وقت تفكرتو كيفاه لحقني كالعادة..رغم غشي منو لقيت روحي ماتفكرت حد غيرو كاني كنت متأكدة انو بش يجيني ومش بش يخلي حتى حاجة تصريلي.. ف اللحظة هذيكا نسيت كلامو الأخير لكل واسترجعت كان وعدو لياا ومواقفو معاياا.. رغم كل شي صار ووجيعتي منو لتو احساس داخلي يقلي صدق كان الوعود هاكم خاطرهم هوما لحقيقة وانسى كلامو لخر خاصة ك نتفكر خوفو ولهفتوو علياا.. دقات قلبي قوات وقت تفكرت روحي ك كنت بين يديه..احساس غريب حسيتو فاللحظة هذيكاا كاني حسيت براحة الدنياا لكل عندو وف حضنو..غير كلامو لياا وغزرتو لي خلاوني ننسى كل شي ونطمن انو حد ماينجم يقربلي فوجود عيسى..تنهدت بالقوي وقت لقيت روحي رجعت نطقت اسمو وقتلي حلفت اني بش ننساه حتى بيني وبين روحي اما ف لحظة وحدة نسيت كل شي وماتفكرت كان اسمو هو من دون عيلة كاملة..لقيت روحي من غير مانشعر نطلب منو بش يبقى معاياا ومايخلينيش وين لقيتو عمل بكلامي كانو كان يستنى فيهاا..عديت بيديا الزوز على وجهي وكبست على راسي لي وجعني من التخمام وقت تفكرت كلامو الأخير.. إذا هو بلحق ماقصدش لكلام هذااكاا علاش قالو من الاول.. كيما لقيت روحي مش فاهمة شيقصد كل مرة بكلمة انت تخصني وتهمني قد ماحاولت نفهمو حتى شوي مانجمتش كل شي فيه غامض خاصة وقت يقلي بأنو بش يجي وقت ولازمني نسمعو ونفهمو.. تهزيت وتحطيت على صوتو لي رجع صاح لبرا لحظتهاا بعدت الملحفة فيسع وقمت من بلاصتي.. لبست ف ساقيا وخرجت فيسع.. اول ماقدمت شوي وقفت على صوتو يحكي عيسى : "وخلي يطلع عندهم دخل ف الحكااااية كان مانهدش الحومة على راااس رقية وولدهااا انا مانتسماش... " استندت بيديا عالباب وشهقت بالقوي على كلامو وين حسيت روحي تصدمت ك سمعت اسمهاا خاطر مهما حطيت احتمالات ماتوقعتش انهاا تنجم تكون هي وراء هذا لكل.. ريتهم ك هزو ريوسهم لكل وغزرولي.. هزيت راسي معاه اول ماقربلي ووقف قدامي يحكي عيسى :" لارين شبيك قمت؟" عديت بعينيا عليه نحكي انا :" عيسى ياخي..ياخي رقية عملت هكا ؟" عيسى :" لارين ايجا اقعد... " هزيتلو براسي لا نحكي انا :" لا قلي قبل.. هي وولدها لي خوفونا؟ علاش احنا شعملنالهم ؟" طبس راسو شوي وعدا بعينيه عليا يحكي عيسى :" لارين احنا قلنا ممكن هوما.. هاني ماشي تو وبش نتأكد وكان طلعوا هوما انا بش نحاسبهم " تلفتت على صوتهاا لي كان عالي تحكي سميحة:" وييين عندك تمشي؟ماااشي بش تعمل مشاكل هكاكا وانت مش عااارف اذا هوماا ولا لا... " تهزيت وتحطيت على صوتو بجنبي يحكي عيسى :" انتتتت شدخللللك " سميحة:" يدخلننني..يزيونا من الفضايح.. كان انت ماعندك على شكون تخاف انا عندي بنتي يابابا نخاف علاهاا من البونتوات " هز بيديه ف وجهها يحكي عيسى :" بنتك اهيكااا بجنبك..ومانيش بش نشاااورك انا شنووة بش نعمممل..هومااا كلمتين..اسكتفييي بروووحك وانت بذاااات تبعديي من ثنيتي " قلبي ضرب بقوة ك ريتو اشر للادم بعينيه بش يخرجوا.. اول ماقدم شوي مانعرفش كيفاه جريت وراه وشديتو من يديه نحكي انا :" عيسى ماتمشيش امان.. ماتخليناش وحدنا " عديت بعينيا عليه اول ماتلفتلي وين لقيت روحي بلحق نسيت خوفي وخفت عليه هو بعد كلام سميحة كان يدخل فمشاكل وبونتوات.. وين تأكدت اني مستحيل نتحمل كان تصيرلو حاجة..
❤️🔥 الحلقات الجايين تلقوهم ف الستاتي الثالث ❤️🔥
لارين ومايا 🩷
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
عيسى و لارين ✨️
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ادم ومايا ✨️
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
جابر ولارين 🥹
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
غالية و بناتها 🩷
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
