#لارين_تحكي
كبست على ساكي وبقيت نمشي بجنب آنجيلا ونغزر للفيلا.. عمري ماريت فيلا مزيانة هكاا..حبيت الوانها الهادئة وديكورهاا لي كان بسيط اما يبان غالي.. تلفتتلها تحكي
آنجيلا :" هاذي اول مغة إيسى يجيب شكون معاه "
تبسمت نحكي
انا :" اي قلي انو كان يجي وحدو "
آنجيلا :" انشالله تآجبك الكعدة حذانا "
ضميت على شفايفي شديت ضحكتي بالسيف نحكي
انا :" اي انشالله.. داغكم.. قصدي فيلتكم ياسر محلاها "
آنجيلا :" هذا من ذوكك "
دورت وجهي وضحكت مانجمتش نشد روحي اكثر.. كحيت وغزرتلها كيف وقفت تحكي
آنجيلا :" هاذي بيتك.. هي بيت للضيوف وديما نظيفة"
عضيت على شفايفي نحكي
انا :" آنجيلا ميسالش تقلي بيت عيسى وين ؟"
عدات بعيناها علياا وتبسمت تحكي
آنجيلا :" اكيد "
اشرتلي بيداها عالبيت لي قدامي بالضبط تحكي
آنجيلا :" إيسى كودامك طول "
غرزت للبيت ورجعت غزرتلها نحكي
انا :" خير انو كودامي"
ضحكت وحلتلي الباب تحكي
آنجيلا:" ادخل اغتاح شوي حتى يهضر لعشا "
انا :" اوكي مرسي آنجيلا "
آنجيلا :" نخليك تو "
هزيتلها براسي باهي ودخلت للبيت.. حطيت الفاليز وسكرت الباب ورايا.. حليت عينيا على وسعهم اول ماشفت البيت كيفاه كانت محلاها.. كل شي كان منظم ومزيان.. كركرت الفاليز وقربت وين الفرش.. قعدت وحطيتها بجنبي.. حليتها وجبدت روبة ف الأبيض سامبل.. هزيتها هي وباقي دبشي ودخلت للسالدوبان.. تبسمت ك شفت الجاكوزي لي قابلني.. حطيت حوايجي وقربتلو فيسع.. عوجت شفايفي خاطر عمري لااستعملتو ومانعرفش كيفاه نستعملو.. قعدت عالحرف وبقيت نضغط عالفلس لي كانو على جنب.. ضحكت ك ريتو تملى بالماء لي بقبق وشعل باللون الأخضر.. لحظتهاا قمت نحيت دبشي وغطست ف وسطو.. تكيت براسي لتالي وغمضت عينيا نستحلى ف الماء الدافي لي يبقبق فوقي..مانعرفش قداه بقيت هكاا حتى حسيت روحي هديت شوي وراسي خف على بكري.. لحظتهاا قمت ولفيت روحي بالمنشفة لي كانت مطوية على جنب.. نشفت بدني لكل وبقيت نبدل ف حوايجي.. اول ماكملت نظمت كل شي ورجعت للبيت نشفت شعري وخليتو مفرود وبقيت أنظم ف حوايجي حتى كملت.. قعدت عالفرش وخذيت تاليفوني بعثت ميساج لمايا وتسطحت بقيت نتقلب بش نرقد اما مانجمتش حسيت لبلاصة تبدلت علياا.. نفخت بالشوي وقمت من بلاصتي ك حسيت روحي قلقت..لبست بسكاتي وهزيت تاليفوني وخرجت.. سكرت الباب وغزرت للباب بيتو.. مانعرفش علاش حبيت نشوفو تو ونحكي معاه شوي.. عضيت على شفايفي وقربت للباب..دقيت مرتين وبقيت نستنى فيه.. تبسمت اول ماحل الباب وغزرتلو.. عدا بعينيه علياا يحكي
عيسى :" اا لارين؟ شبيك؟"
انا :" شي جيت نتفقد فيك.. شتعمل ؟"
عيسى :" كنت متكي "
انا :" عيسى انا قلقت.. ميسالش ندخل حذاك شوي "
عقد بحواجبو يحكي
عيسى:" وين عندك تدخلي ؟"
ضحكت نحكي
انا :" لبيتك خليني نكعد هذاك شوي إيسى "
شهقت بالقوي اول ماشدني من مرفقي ودخلني للبيت.. سكر الباب ووقف قدامي يحكي
عيسى :" حشمتيش تو؟بكري قاعدة تعايبي عالمرا ف دارها "
بعدت عليه نحكي
انا :" مانيش نعايب والله اما كلامها ضحكني.. فكرني ف مسلسلات قبل.. كتلو كوم اكعد غادي هههه"
تهزيت وتحطيت على صوتو ورايا يحكي
عيسى :" لارررين احشممم "
نفخت بالشوي وطفيتو..دخلت اكثر عديت بعينيا على بيتو نحكي
انا :" محلاها بيتك.. ديما تقعد هنا ك تجي ؟"
عيسى :" اي "
ترميت عالفرش وربعت ساقياا وغزرتلو وين شفتو واقف ف بلاصتو يقحرلي.. تبسمت نحكي
انا :" تعرف ف بيتي فما جاكوزي انت عندك زادة ؟"
عيسى :" اي "
ضحكت نحكي
انا :" ساعات نشك انك حافظ كان اي..لا..باهي "
قحرلي وقرب ناحيتي شوي يحكي
عيسى :" قوم اخرج لبيتك "
هزيت لمخدة وحطيتها فوق حجري نحكي
انا :" تؤ تؤ بش نبقى حذاك شوي.. قلقت وحدي "
قعد بجنبي وغزرلي يحكي
عيسى :" لارين تاعب ونحب نرقد "
تكيت بظهري لتالي نحكي
انا :" وانا نحب ناكل.. جعت عيسى ومن بكري قاعدة نحرك ف خشمي ماشميتش ريحة ماكلة "
رجعت استويت ف قعدتي وغزرتلو نحكي
انا :" يكونوش نساوناا زادة "
نفخ بالقوي يحكي
عيسى :" حطي ربي ف بالك..ماعندكش ساعتين من لي فطرتي "
قلبت شفايفي نحكي
انا :" شعندي نعمل ك معدتي تجوع فيسع "
عدا بيديه على وجهو وقحرلي ساكت.. وقفت على ركايبي وقربتلو نحكي
انا :" عيسى بش نسألك حاجة "
عدا بعينيه عليا يحكي
عيسى :" شنوة ؟"
انا :" ياخي مش جمال يخدم كيف جابر ؟"
عيسى :" اي تنجم تقول "
تبسمت نحكي
انا :" ك هكا علاش جابر مايعملش فيلا كيف هاذي.. علاش مخلينا نسكنو ف بلاص خربةوقديم كيف هذاكا "
عقد بحواجبو يحكي
عيسى :" شنوة ؟"
قربتلو اكثر نحكي
انا :" شوف عندي فكرة.. شرايك نقترح على جابر يطيح البلاص ونقلو يبني فيلا كيف هاذي.. ولا لا.. نظن لبلاصة صغيرة.. نقلو يطيح ورشتك خير خاطرها كبيرة وموقعها باهي..تجي فيلا تهبل غادي "
عض على شفايفو وقحرلي يحكي
عيسى:" قومي"
رمشت عينيا برشة مرات نحكي
انا :" وين نقوم ؟"
علا ف صوتو شوي يحكي
عيسى :" يززززي بلا ترهدين واخرررجي لبيتك "
عديت بعينيا عليه وين شفت وجهو حمار وعروق رقبتو ظهرت.. لحظتهاا قمت نجري بش نخرج.. شهقت بالقوي ك ساقياا شدت ف الملحفة وطحت.. تلفتتلو وين شفتو يقحرلي وعينيه خارجة فياا.. بلعت ريقي نحكي
انا :" ساقياا وحلت والله انا خاطيني "
قلبي ضرب بقوة على صوتو ك صاح يحكي
عيسى :" اخرج اخرررررج"
لحظتهاا قمت نجري وخرجت فيسع قبل ماياكلني.. مش عارفة شبيه على عصابو هكاا مايحبش التفدليك.. عديت بلساني على شفايفي عالريحة لبنينة لي شميتها.. لحظتهاا نزلت نجري ف الدروج بش نشوف ف شنوة قاعدين يحضرو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
