#لارين_تحكي
بقيت نتقلب ف الفرش مانجمتش نرقد.. رغم اني كنت حاسة بالتعب اما حسيت النوم جفاني..هزيت روحي وتقعدت بش نشرب.. نفخت بالشوي ك شفت الكاسة لي بجنبي فرغت.. قمت من بش نمشي نشرب وفرد وقت نحضر حاجات المشوى بش ك يفيقو يلقاو كل شي حاضر.. اول ماقمت قربت وين الشباك بش نهز الريدو.. تبسمت اول ماهزيتو وشفت خالد ديجا بدا يحضر لحظتهاا عرفت انو عيسى معاه..حليت الشباك وخرجت للبلكونة بش نشوفو اما مالمحتوش لحظتهاا خممت انو ممكن يكون ف الكوجينة..خرجت نجري من البيت وعديت بعينيا عالدار لي كانت فارغة.. عوجت شفايفي..اول ماقربت للكوجينة بش نشوف عيسى وقفت على باب بيتو لي تحل.. عقدت بحواجبي مستغربة اول ماتلفتت ورايا وشفتها هي خارجة.. عديت بعينيا عليهاا مستغربة لبستها ولي عاملتو ف وجهها..نحكي
انا :" انت شتعمل غادي ؟ كان يفيق بيك عيسى ما... "
قصت عليا اول ماقربتلي..رجعت شعرها لتالي وضحكت تحكي
جيهان :" عيسى فاق بياا.. خاطرو ديجا ف البيت "
هزيت بحاجبي نحكي
انا :" مفهمتش ؟ انت شكنت تعمل حذاه ؟"
عدات بعيناها علياا وهزت يداها تلعب بخصلات شعري لي كانو مسدولين على كتفي تحكي
جيهان :" مانجمش نقلك خاطر هاذم حكايات كبار وانت مازلت صغرونة "
ضغطت على يدي بالقوي نحكي
انا :" قتتتلك معادش تقلي صغرونة.. وشنوة حكايات الكبار هاذم ؟ فاش تخرف انت.. عيسى لبرا حذا خالد يزي من الكذب "
جيهان :" مالا والله عيسى ف بيتو تنجم تمشي تتاكد
..وانا كنت حذاه خاطر.... "
طبست على وذنيا وبقات توشوش.. حليت عينيا على وسعهم وانا نسمع فيها فاش تقول.. لحظتهاا تلفتت بالوقت وغزرت لباب بيتو وين دمعة سخونة نزلت مني من غير مانحس.. عدات بعيناها عليا وغزرتلي درا كيفاه تحكي
جيهان :" قتلك انت حتى شي بالنسبة ليه..كان جاء يحبك ومعتبرك حاجة ف حياتو راو مادخلنيش لحضنو وخلاني بين يديه.. الراجل كانو يستنى فيهاا اول ماشافني مانحكيلكش شعمل..مش قلت هو حاقرني ومطفيني.. طلع هذاكا مجرد ماسك لابسو قدامكم.. اما عيسى طلع يحب علياا "
ضغطت على يدي بالقوي وبلعت غصتي نحكي
انا :" انت تكذب.. عيسى مستحيل يقرب منك.... "
قصت عليا وتبسمت على جنب تحكي
جيهان :"شوف رقبتو توتعرف اذا انا نكذب ولانصدق "
كملت كلامها وغمزتني ومشات.. لحظتهاا شهقت بالقوي وين حسيت روحي تخنقت والدنيا دارت بياا.. ماعدت نخمم ف شي كان فكلامهاا لياا وتصويرتهاا هي وعيسى قدامي بالوصف لي وشوشتني بيه.. مسحت دمعتي فيسع وجريت ناحية بيتو.. حليت الباب ودخلت من غير مانستاذن وين شفتو واقف قدام الشباك.. قلبي ضرب بقوة اول ماشفتو خاطر للاخر لحظة كنت متمنية انو حذا خالد تو.. اول ماتلفتي لطخت الباب على قوة جهدي وقربتلو من غير حتى كلمة للحظة حسيت كلامي لكل ضاع وماعرفتش شنوة نسالو ولا كيفاه بش نعرف كان لي قالتو صحيح ولا لا.. فقت من سرحتي اول ماقربلي يحكي
عيسى :" شبيك داخلة هكا ؟"
عديت بعينيا عليه وركزتهم ف رقبتو..جمدت فبلاصتي اول ماغزرت لتراس الروج لي كانت مطبوعة فيهاا ولي كانت نفس لي ف فمها وين حسيت بوجيعة قوية ف قلبي وخنقه كبست علياا لدرجة اني حسيت روحي بش نموت.. حركت ساقياا بالسيف ناحيتو وقربتلو.. هزيت يدي لي كانت ترعش وحطيتها فوق رقبتو.. مسحت الروج وغزرت لصبعي لي توسخ باللون.. ضحكت وغزرتلو نحكي
انا :" شنوة هذا ؟"
غزر لصبعي ورجع غزرلي ساكت.. مانعرفش كيفاه قربتلو وضربتو على صدرو نحكي
انا :" قتتتلك شنووة هذاا..تكلمم شنووة هذااا.. انت خليييت جيهاااان تقربببلك؟؟ "
شدني من مرفقي وكبس علياا يحكي
عيسى:" نقص صوتك وخلينا نحكيو... "
نطرت مرفقي منو وصحت عليه بالقاوي نحكي
انا :" مااانقصش صووتي..وشنووة عندك تحكييي.. شنوةة بش تحكيلي كيفاااه هي باستتتك من رقببببتك ولاا كيفاااه رقدتونااا واستفردتوو بعضكم هناا"
حل عينيه فيا وعلا فصوتو يحكي
عيسى :" *** فاش تخرف؟ انتت واعية بروحك فاش قاعدة تخرج من جلغتتتك "
حليت عينيا فيه وقربتلو مسحت صبعي ف مريولو نحكي
انا :" واااعية ونعرف فااش نحكي ملييح.. لي يراك كيفاه تقحرلهااا وتبعد فيهاا يقول هذا مش حاملهاا وانت طلعت تمثل قدامناا "
خطفني من مرفقي وكبس علياا بالقوي يحكي
عيسى :" للاخر مرة بش نقلك اعرف شتخرج من فمممك معاياااا"
انا :" والا شنوة بش تعملي ؟؟ ااا نسيت انت فااالح كان فياا انااا.. ماتحكييش مع هذااكاا.. البس هكااا.. ماتضحكشش محسسني لي انا ديما غالطة ياخي طلعت انت كلك اغلاط.. من غيييير حشمة مدخلهااا لبيتك.... "
قص علياا كيف دزني بالقوي وصاح ف وجهي يحكي
عيسى :" اننننت شمقلقك ؟؟ ندخلهااا لبيتي ندخلها لداااري انت شيهههمك.. انننت شكوون حتى تجي تحااسبني... شدخل *** اننننت "
شديت دمعتي بالسيف وقربتلو ضربتو على صدرو بالقوي نحكي
انا :" مالااا ك هكااا انتت زااادة شيهمككك.. نلبس لي نححب.. نحكي مع لي نحببب.. نضحك ونفدلك وانت شيهمككك.. شكونك انت زادة... لاااك بابا.. لااك خويا.. لاااك راجلللي..انتتتت حتى شييي "
شدني من زنودي وغزرلي يحكي
عيسى :" بالضبط انااا حتى شي وانت زادة حتى شي.. مالا اخرج من هناا واقلب وجهك.. مش فر/خة كيفك بش تجي تحاسبني.. وهاني انبه عليك حتى كلااام رب العالمين ماتحكيهووش معاياا مفهووم "
عديت بعينيا عليه وكركرت ساقياا بالسيف وخرجت بلا مانجاوبو.. حسيت روحي توجعت منو لدرجة اني مانجمتش نقول شي ولانزيد نسمع شي.. دمعتي نزلت من القهرة لي حسيتها من لكلام لي سمعتو منوو على خاطرها...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
