#لارين_تحكي
اول ماخرجنا ريتو كقرب للكرهبة وحلي الباب.. تبسمت ك غزرلي يحكي
عيسى :" اطلع "
هزيتلو براسي باهي وطلعت.. طلعوا الزوز بعدي وشدينا الثنية.. تلفتت لخالد كغزرلي من لمرايا يحكي
خالد :" لارين تحب نمشيو للمعرض قبل ولاتفطر قبل ؟"
هزيت بكتفي نحكي
انا :" مانعرفش.. كيفكيف "
خالد :" كان جيعانة خلينا نمشيو نفطرو "
عضيت على شفايفي ك ريتو يحرك فصوابعو على ركبتو من غير مايحكي معااناا.. بلعت ريقي نحكي
انا :" لا مانيش جيعانة..خلينا نمشيو للمعرض قبل "
خالد :" باهي "
تكيت براسي لتالي وغمضت عينيا.. حسيت روحي ندمت كخرجت خاطر مانحبوش يعاملني هكا ويتجاهلني.. كيما حسيت روحي مانيش على راحتي كاني مقيدة من وراء غزرتو لياا.. نفخت بالشوي ورجعت حليت عينيا.. تبسمت اول ماشفت الثنية لي فكرتني ف نور.. تنهدت بالشوي ك تفكرت العام لي جيت معاها هناا والوقت لي عديناه مع بعضنا.. فقت من سرحتي عالكرهبة لي وقفت.. تبسمت ك سمعتو يحكي
خالد :" ووصلنا للمعرض "
ضحكت ك هزيت راسي وغزرت للمعرض لي خلاني ننزل بالوقت.. عديت بعينيا عالرسمة لكبيرة لي قابلتني وسرحت فيهاا.. تلفتت ك حسيت بيه وقف بجنبي يحكي
عيسى :" هذا لي حكيتلي عليه ؟"
هزيتلو براسي اي نحكي
انا :" اي هو "
وقفت قدامو وعديت بعينيا عليه نحكي
انا:" شوف بش تخليني على راحتي هناا.. نحب نشوف الرسومات لكل "
هزلي براسو باهي يحكي
عيسى :" باهي بش نخليك على راحتك "
ضحكت وتلفتت لخالد لي لف ناحيتنا ووقف حذانا يحكي
خالد :"عندي قداه نسكن هناا وعمري لا خممت نزورو هالمعرض ولا المتحف هذاا "
قحرتلو نحكي
انا :" خاطرك ماتفهمتش ف الفن "
ضحك يحكي
خالد :" الفن انواع وانا عندي النوع متاعي "
انا :" مالا خليك هناا انت.. من غير ماتدخل "
ضحك وغزر لعيسى يحكي
خالد :" تكلم ياولدي دافع علياا.. شوي وتطردني "
عيسى :" والله انا لي نخمم نطردك "
حل عينيه فينا يحكي
خالد :" تلميتو علياا تو.. مالا شماتة داخل معاكم وساقي ساقكم "
ضحكت نحكي
انا :" مالا برا انت قصلناا تذاكر خلص عليناا "
حك على جبينو يحكي
خالد :" ارجعو طردوني ميسالش "
ريت عيسى ك دزو يحكي
عيسى :" يزي بلا بخل متاعك وبرا قص "
ضحكت ك ريتو قحرلو ومشى يجري يقص.. تلفتت على صوتو يحكي
عيسى :" قراجمك لباس ؟"
انا :" اي لباس.. مازلت تحرق شوي"
هز بحاجبو يحكي
عيسى:" هذا من صحة راسك "
رسيت على سنيا بالقوي نحكي
انا :" ياخي متشمت فياا ؟"
عيسى :" لا اما كان قعدت ف الدار راو قراجمك لباس.. ك انت فينو هكاا شمهزك معاانا "
ضغطت على يدي بالقوي من لعصب منو كيفاه يجبد علياا بالمرتاح نحكي
انا :" اولا انا مانيش فينو.. ثانياا ميسالش توترتاح قراجمي المهم انا مشيت معاك "
قحرلي يحكي
عيسى :" شفعتلك قعدتنا ف دار الناس.. ماحبيتش فضايح ولا راكي والله لا عفستيها "
انا :" انا عالاقل عندي حاجة تشفعلي.. الدور والباقي عليك انت "
عقد بحواجبو يحكي
عيسى :" شبيني انا ؟"
حليت عينيا فيه وقربتلو نحكي
انا :" انت ماعندك شي يشفعلك عمايلك معاياا.. ريت لي صار الصباح مانيش بش ننساه ومانيش بش نعديه"
عيسى :" لي عندك اعملو "
عديت بيديا على خدودي نتحلف فيه نحكي
انا :" تو تشوف شعندي نعمل "
عدا بيديه على شعرو يحكي
عيسى :" احكي على قدك... "
سكت وقحرلي فجأة.. قربلي وحل عينيه فيا ورجع يحكي
عيسى :" استنى ساعة..قبل ماتحلي فمك.. شتعملي لبارح ساهرة مع راجل غريب وحدكم "
وخرت بخطواتي لتالي وبلعت ريقي نحكي
انا :" تي قلقت هبطت ندور ف الجنينة عاد ريتو.. ساعة انا علاش نبررلك انسى معادش بش نبررلك شي ياعيسى "
عض على شفايفو وقحرلي.. بعدت عليه فيسع اول ماشفت خالد.. قربتلو خذيت من عندو التذكرة ودخلت.. ريتهم ك خلطو علياا وبقاو يدورو معاياا.. بقيت نتفرج ف الرسومات وخيال نور معايا وين استرجعت ك جينا هناا اخر مرة.. اول ماتلفتت ضحكت ك ريتهم كيفاه فادين.. قربتلهم نحكي
انا :" شبيكم ؟"
خالد :" لارين شنوة الكبي هذا ؟"
شهقت بالشوي نحكي
انا :" هذا كبي ؟ ف عوض ما تاقف هكاا ايجا تفرج "
خالد :" رقبتي وجعتني وانا ندور فيها نتفرج ف التصاور "
انا :" تصاور شنوة؟ هاذم رسومات "
خالد :" كيفكيف عندي "
قحرتلو وغزرت لعيسى نحكي
انا :" انت زادة قلقت كيفو ؟"
عدا بعينيه عليا يحكي
عيسى :" لا "
تلفتت لخالد كيف ضربو بمرفقو يحكي
خالد :" مالا خليكم انتوماا.. انا هاني لبرا "
قحرلو يحكي
عيسى :" ترتح وترتاح "
طرشقت بالضحك على وجهو كيفاه صار..يحكي
خالد :" مازلت مقدر انكم صحابي "
اشرلو بعينيه يحكي
عيسى :" برا "
قحرلو ومشى وين بقيت كان انا وعيسى.. قربتلو شوي نحكي
انا :" انت زادة ظاهر قلقت باين من وجهك "
هز بحاجبو يحكي
عيسى :" تحبني نخلط عليه معناها ؟"
هزيتلو براسي لا نحكي
انا :" لا مانحبكش تخلط عليه.. نحبك تبقى معايا "
عدا بعينيه عليا وغزرلي درا كيفاه يحكي
عيسى :" وانا هاني معاك "
تنهدت بالشوي وغزرت قدامي..بقيت ندور معاه ونغزرلو كيفاه يمشي بجنبي ساكت.. مانعرفش علاش حاجة داخلي تحبو يحكي..نحبو يقول اي حاجة..رغم كل شي لقيت روحي نكره سكوتو..مستغربة روحي كيفاه وليت..معاه هو وليت بين المد والجزر..جزء مني متغشش من تصرفو متاع الصباح وجزء اخر مسامحو خاصة كِشفت لهفتو علياا وخوفو لي ظهر بكري رغم انها حكاية تافهة..بين هذا لكل نلقى روحي نحب وجودو..سوى بالباهي ولاالخايب مانحبوش يبعد علياا..نحبو يبقى معايا كيما قال تو حتى كان يش يبقى ساكت ميسالش..المهم نحس بيه بجنبي...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
