#خالد_يحكي
رميت التاليفون على جنب وقربت بش نحضر ساك حوايجي.. لقيتها فرصة اني نمشي نعدي شوي وقت مع عيسى كيما ايامات قبل مدام اغلب صحابي لي كانو هناا روحو..كيما حبيت نمشي نشوف الجو بين عيسى ولارين وفرد وقت نطمن علاها خاطر من آخر مرة ماكلمتهمش ماحبيتش نقلقهم.. حطيت ساكي على جنب.. تلفتت على صوت تاليفوني لي نوقز وين شفت ميساج من جون صاحبي لي وصيتو يسأل على جاك الكلب.. رسيت على سنيا بالقوي ك عرفت منو انو بلحق هو قاعد ف لوتيل اما شاد البيت مايخرجش.. عديت بيديا الزوز على وجهي وقعدت عالفرش بقيت نخمم ف حل نخليه يخرج من بيتو.. طبست راسي وحطيت رقم سام صحابي لي لاهي باليخت ولي نلقاه ديما معايا ف اي موضوع.. حكيتلو لي صار ووصيتو هو يتصرف ويكلمني.. قمت من بلاصتي وهزيت ساكي ومفتاح الكرهبة بش نخرج نوصي العمال عالمطعم النهارين هاذم.. اول ماخرجت تلفتت على صوت الباب لي دق.. قربت حليتو وين شفت جيهان قدامي.. عدات بعيناها عليا وضحكت تحكي
جيهان :" خالودي.. توحشتك بيبي "
قربتلي فيسع باستني من خدني ودخلت قبل مانجاوبها.. عقدت بحواجبي مستغرب الساك لي كان ف يداها نحكي
انا :" اهلا جيهان "
سكرت الباب ورايا وحطيت ساكي على جنب.. قربتلها وين شفتها كيفاه تعدي ف عيناها عالشاليه.. تلفتتلي تحكي
جيهان :" ياخي الجماعة وين ؟"
عديت بيديا الزوز على وجهي نحكي
انا :" روحو "
قعدت عالكرسي وحطت ساق على ساق..هزت بحاجبها تحكي
جيهان :" à bon.. شبيهم ماكلمونيش ؟"
جبدت الكرسي لي بجنبها وقعدت نحكي
انا :" كيفاه بش يكلموك وانت ريحتك مفماش نهارين ؟"
ضحكت تحكي
جيهان :" النهارين لي تعداو كنت لاهية.. تعرفت على واحد من الاوتال عديت معاه شوي وقت "
عديت بعينيا عليها نغزرلها كيفاه غمزتني.. غير انها تحكي عادي من غير حشمة.. رغم اني نعرفها من فترة كبيرة اما كل مرة نحس روحي مانعرفهاش مليح.. هزيتلها براسي باهي نحكي
انا :' فهمتك.. لمهم بدلت الجو "
عوجت شفايفها تحكي
جيهان :" نوو.. هو ليوم سافر وريما صاحبتي زادة سافرت لبارح.. بقيت وحدي خالود قلقت على هذاكا جيت حذاكم قلت نعدي معاكم شوي وقت ونروحو مع بعضناا.. ميسالش ؟"
عقدت بحواجبي مستغرب نحكي
انا :" شكون حذانا ومعانا ؟ مفهمتش ؟"
ضحكت درا كيفاه تحكي
جيهان :" انت وصاحبك والصغرونة لي معاه "
نفخت بالشوي نحكي
انا :" صاحبي والصغرونة ماهمش هناا.غير هكا حتى انا مسافر تو "
عدات بعيناها علياا وغزرتلي تحكي
جيهان :" وين مسافر ؟"
حكيت على جبيني نحكي
انا :" ماشي نقابل شكون "
ضيقت عيناها فيا تحكي
جيهان:" خالد كانك متقلق من وجودي؟ ياخي احنا مش صحاب ؟ مالا شبيك متبدل المرة هاذي؟ "
انا :" مانيش متقلق والله اما بلحق انا مسافر بش نقابل صاحبي.. شوف اهيكا ساكي قدامك "
غزرت لساكي ورجعت غزرتلي تحكي
جيهان:" يعني انا بش نبقى وحدي ؟ ساعة انا جيت هناا على خاطرك.. كلكم مشيتوا وخليتوني ؟"
نفخت بالشوي من لعصب لي بدأ يمكني منها كيفاه عطلتني هكاا..نحكي
انا :"ابقى هناا فالشاليه وتونوصي عليك لي فالريستو.. شرايك؟ "
قربتلي شوي وعدات بعيناها علياا تحكي
جيهان :" نو.. خليني نمشي معاك امان.. اصلا صحابك لكل نعرفهم يعني عادي "
رسيت على سنيا بالقوي حاولت نهدي روحي ونلقى حل بش نخلاها تبقى خاطر مانحبهاش تمشي بش لارين ماتتقلقش.. نحكي
انا :" جيهان صاحبي هذاا انت ماكش صحاب معاه..."
قصت عليا وغزرتلي درا كيفاه تحكي
جيهان :" ماتقليش ماشي لعيسى ؟ هو الوحيد لي مانيش صحاب معاه من صحابك "
انا :" اي ماشي لعيسى مالا خليك خاطر جو متاعو هو مايعجبكش "
شدتني من يدي تحكي
جيهان :" تي امان خالد شبيك هكاا وليت..ياخي مش مستانس انت تحاولني بش نخرج معاك..والله تغششت.. حسستني لي انا بش نعملك مشاكل "
نفخت بالقوي نحكي
انا :" باهي شوف تمشي امانوصيك من تو..ابعد على عيسى وماتقربش للارين واضح ؟"
وقفت من بلاصتها وطبست باستني تحكي
جيهان :" اوكي خالودي.. هياا خلينا نمشيو "
قحرتلها وقمت من بلاصتي هزيت ساكي وخرجت.. تعديت طول لريستو وصيت العمال عليه وعالشاليه ومشيت للكرهبة وين شفتها ك طلعت تستنى فياا لحظتهاا حسيت روحي بلحق كرزت وفرد وقت خفت من عيسى كان يتغشش غير اني بقيت نخمم فجيهان مش عارف علاش كبشت هكا وشدت صحيح لحظتهاا حسيت روحي ندمت ك وافقت انهاا تمشي وين خفت انو لارين تتقلق خاصة بعد كلامهاا معايا اخر مرة امها تتقلق منهاا.. نفخت بالقوي وطلعت ف الكرهبة حطيت ساكي من تالي وختمتها.. تلفتت على صوتها تحكي
جيهان :" ياخي وين مشاو هوما ؟"
كبست عالفولون نحكي
انا :" Tamaricciu "
جيهان:"واااو صحة ليهم..وعلاش مشاو غادي وخلوك ؟"
غزرتلها وهزيت بحاجبي نحكي
انا :" حبو يعديو شوي وقت وحدهم "
عدات بعيناها علياا وغزرتلي درا كيفاه.. غزرت قدامهاا تحكي
جيهان:" فهمت.. صحة ليها الصغرونة "
تلفتت على كلمتهاا من غير مانجاوبهاا.. خديت تاليفوني بعثت ميساج لعيسى اني ف الثنية من غير مانخبرو على جيهان خممت نحكيلو مني ليه خير.. كبست عالفيتاس وبقيت نسوق ساكت وفرد وقت نخمم ف النهار هذا كيفاه بش يتعدا اما كل لي نعرفو اني بش نخلي جيهان قدام عينيا بش لارين ماتتقلقش خاطرني بلحق رغم المدة لقصيرة غاللخر حسيتها صارت كيما اختي.. مسافة الطريق ووصلنا.. راكيت الكرهبة وهزيت ساكي ونزلت.. تلفتت شفت جيهان لي نزلت وقربت شوي عدات بعيناها عالدار وغزرتلي تحكي
جيهان:" هياا خلينا ندخلو "
هزيتلها براسي باهي وقربنا وين لباب لي تحل فيسع بعد مادقيت وين شفت عيسى قدامي وعدا بعينيه عليناا كانو مصدوم..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
