#لارين_تحكي_حلقة
سكرت سلسلة روبتي لي كانت على جنب وقربت رشيت من برفان نور وخرجت من البيت.. دخلت طول للكوجينة حطيت تاليفوني على جنب وخدمت غناية عبد الحليم وشادية..قربت بديت نحضرلو فقهوتو اول حاجة.. حطيتها تطيب وبقيت نحضر فالاوملات وندندن ف الغناية
"وانا حاسة الدنيا هربنا..ويانا فليل كلو سعادة..ليها فرحة حلوة فعينيا..وحلاوتها سكرها زيادة..انت عارف ليه..علشان احنا مع بعضينا ولاول مرة لوحدينا... "
قص علياا صوتو ورايا يحكي
عيسى :" تحب نعاونك فحاجة "
ضحكت وعديت بعينيا عليه نحكي
انا :" تؤ نحب نعمل كل شي وحدي.. حاسة روحي ناشطة عاللخر "
قرب ناحيتي ووقف بجنبي..تكا بظهرو عالرخامة وربع يديه يحكي
عيسى :" كسبة ؟"
ضحكت نحكي
انا :" ههه ساعة انا ديما ناشطة ياخي نسيت نهار لبارح "
تبسم على جنب يحكي
عيسى :" لا مانسيتش "
حطيت الاوملات ف الصحن وطفيت على قهوتو قبل ماتفيض.. سكبتها فالفنجان وحطيتهم فطبق نحكي
انا :" ميسالش تهز هاذم للطاولة وانا تونخلط عليك؟"
خذاهم من يدي يحكي
عيسى :" ماتبطاش.. ايجا افطر فيسع "
هزيتلو براسي باهي وتبسمت نحكي
انا :" هاني وراك "
هزلي براسو باهي وخرج.. بقيت نتبع فيه بعينيا وانا قلبي يدق بالقوي.. قربت فيسع سكرت التاليفون وجبدت العصير والكيك متاعي وخلطت عليه وين شفتو قعد.. جبدت الكرسي وقعدت بجنبو.. حطيت لفطور من يدي نحكي
انا :" شرايك غدوة نخرجو شوي ؟"
عمل رشفة من الفنجان وحطو وغزرلي يحكي
عيسى :" وين تحب تمشي ؟"
انا :" ندورو شوي بالكرهبة..حبيت قبل مانروحو نشوف المنطقة ميسالش ؟"
عيسى :" اكيد..كان تحب حتى ليوم ميسالش "
انا :" لا لا خلي غدوة "
هزلي براسو باهي ورجع يفطر.. هزيت كاسة العصير بقيت نشرب ونغزر للبحر لي قدامنا.. غزرتلو نحكي
انا :"وشرايك فالليل نكلمو عمتي فيديو توحشتها برشة "
عيسى :" اي تو نكلموها..هي زادة سألت عليك لبارح "
تبسمت نحكي
انا :" ربي يخليها "
عدا بعينيه عليا وغزرلي درا كيفاه ورجع يفطر.. هزيت بحاجبي نحكي
انا :" بنينة الاوملات ؟"
عيسى :" اي يعطيك الصحة "
تبسمت نحكي
انا :" ناوية الليلة نحضر عشا متأكدة بش يعجبك.. وشوف مانحبكش تعاوني "
تكا بظهرو لتالي يحكي
عيسى :" لا هكا تهنى.. فما ماتش ناوي نحطو مالا نوصيك مانحبش نسمع صوتك "
ضيقت عينيا فيه نحكي
انا :" وقتاه يوفى الماتش هذا ؟"
عيسى :" يوفى 21 هكاكا "
انا :" اي نخلط مالا "
عيسى :" على شنوة تخلط؟"
قمت من بلاصتي وهزيت بكتافي نحكي
انا :" مفاجأة مانحرقهاش تو "
هزيت الماعون ورجعت نحكي
انا :" استناني نلم الطاولة ونجيب كراستي والقلم ونخرجو مع بعضنا "
هزلي براسو باهي.. مشيت للكوجينة حطيت الماعون وبقيت نغسل فيه هو ومتاع لبارح حتى كملت.. نفخت بالشوي من التعب لي حسيتو.. مسحت يدي وخرجت فيسع للبيت.. خذيت كراسة الرسم متاعي والاقلام وخرجت.. عديت بعينيا عليه وين شفتو بدل حوايجو لي بش يعوم بيهم.. قربتلو نحكي
انا :" هياا "
حل الباب وخلاني نخرج انا لولى.. بقيت نمشي بجنبو وكابسة على كراستي وكل مرة نخطف غزرة من ملامح تفاصيل وجهو.. تبسمت وحدي حتى وصلت قدام الدرجيحة نحكي
انا :" انا هاني هناا "
عيسى :" باهي وكان قلقت عيطلي "
انا :" مانيش بش نقلق تهنى "
قعدت عالدرجيحة وغزرتلو ك قرب للشط.. نحى مريولو ودخل للماء.. بقيت نحرك ف ساقياا مستحلية لنسمة وفرد وقت عينيا مازالت عليه.. خذيت نفس طويل وطبست راسي حليت الكراسة وخذيت لقلم.. غمضت عينيا بالقوي وين تخيلت ملامح وتفاصيل وجهو خاصة عينيه الزرقاء لي خلاتني نزيد نحب اللون هذا اكثر.. رجعت حليت عينيا وبديت نرسم ف ملامحو.. طبست راسي وغطست معاه وين لقيت روحي حفظت كل تفصيلة فوجهو لدرجة اني مانسيت حتى شي كانو موجود قدامي تو.. تبسمت من غير مانشعر اول ماشفت عينيه لي بدأت تظهر من الرسمة وين حسيت بحاجة غريبة وقوية تجذب فيا ليهاا.. غير لونها لي كنت نحبو فما حاجة أخرى خلاتني نحب عينيه اكثر..يمكن النظرة متاعو لي نرتاحلهاا ولا يمكن غزرتو لياا لي نحسها تضرب وتتغرس فقلبي طول.. للاول مرة ف حياتي نصور وانا حاسة بربثة ورعشة فيدي..هزيت الكراسة قدامي وغزرت لعنينه لي كملتها.. ميلت راسي وبقيت نغزرلها وين تأكدت اني نحب عينيه ولونهاا..نزلت الكراسة ورجعت غزرتلو وين شفتو يعوم للحظة تمنيت كان نمشي حذاه ونبقى نغزر لعينيه وهي تتعدا علياا وتركز معايا..لقيت روحي مانشبعش من شوفتو بالعكس مع كل نهار وكل لحظه تتعدا نحس روحي نحب وجودو اكثر.. نحب نسمع صوتو ونشوف ضحكتو..نحب قربو مني ولمست يديه لي تتعدا على خصلات شعري.. نحب ريحتو وحتى انفاسو لي نحسهم يدفوني..حطيت يدي فوق قلبي لي ضرب بالقوي وين حسيت بغصة شدتني من قوة الاحساس لي تملكني..للحظة حسيت روحي خفت منو.. خاطر مانيش عارفة لي نحس فيه هذا تو لوين بش يهزني..كيما حسيت روحي وحدي مالقيت حد نحكيلو لي نحس فيه بش يدلني ويقلي كلمة وحدة تاكدلي ولا تنفيلي الفكرة لي بدأت تعشش فمخي..
تكيت بظهري لتالي وبقيت نتدرجح ونتبع فيه.. كل حركة كان يعملها نحسها تخطفلي قلبي.. خذيت نفس طويل وحاولت ننسى الأفكار لي فمخي وين حبيت نتمتع ونعيش كل لحظة بلحظتها.. واي شي اخر تو يجي ف وقتو..المهم عندي تو اني موجوده هناا مع عيسى وفرحانة.. مانحب شي اخر كان اني نفك فرحتي هاذي ونعيشهاا للاخر دقيقة خاطر مش عارفة شنوة يستنى فيااا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
