#لارين_تحكي
حطيت الشوكة من يدي وغزرت للكوبلوات لي قامو يشطحو عالموسيقى لي كانت هادئة.. للحظة تمنيت كان نقوم نشطح انا زادة مع عيسى هكاا اما عارفتو بش يقول لا.. فقت من سرحتي على صوتو ورايا يحكي
عيسى :" لارين خليك هنا ماتقومش "
عديت بعينيا عليه نحكي
انا :" وين ماشي ؟"
عيسى :" هاني هناا مع خالد.. بش يعرفني على صاحبو ونجي "
انا :" عيسى ماتبطاش امان..نقلق وحدي "
هزلي براسو باهي وقام من بلاصتو يحكي
عيسى :" مانبطاش.. اصلا هاني وراك "
انا :" باهي "
ريتو ك مشى مع خالد ووقفوا على جنب قرابلي.. تنهدت بالشوي ورجعت غزرت قدامي.. عقدت بحواجبي مستغربة ك ريتها غزرت لعيسى وطبست توشوش لصحبتهاا لي بجنبها.. هزيت راسي وغزرتلها ك قامت من بلاصتها.. عديت بعينيا عليها نحكي
انا :" وين ماشية ؟"
غزرتلي درا كيفاه وضحكت تحكي
جيهان :" ماشية نشوف حد يشاركني الرقصة هاذي "
ضغطت على يدي بالقوي ك ريتها غزرت لعيسى ورجعت غزرتلي.. تبسمت على جنب ومشات ناحيتو.. بقيت نتبع فيها بعينيا كيفاه ماشية تتمخطر ناحيتو لحظتهاا حسيت روحي شعلت وانفاسي ضياقت بياا.. رجعت شعري لتالي وبقيت نخمم شنعمل.. رسيت على سنيا بالقوي ك ريتها وصلت حذاهم ووقفت.. بقيت نغزرلها كيفاه تحكي معاهم وتضحك عالظاهر تعرف حتى الراجل لي عيسى مشى يتعرف عليه.. شهقت بالشوي ك ريتها غزرتلو تحكي معاه.. طبست راسي للطاولة وعديت بعينيا عليهاا نخمم شنعمل بش ماتشطحش معاه.. رجعت غزرتلها وين شفتها باقي تحكي معاه.. عديت بعينيا نشوف اذا فما حد يغزرلي وين شفت لكل لاهي ف روحو..لحظتهاا مانعرفش كيفاه هزيت الكاس لي كان قدامي وطيحتو وين تكسر وعمل حس.. اول ماغزر ناحيتي طبست راسي وعملت روحي مصدومة من لي صار.. ريتو كيف قربلي ووقف بجنبي يحكي
عيسى :" لارين شصار ؟"
هزيت راسي معاه وذبلت عينيا نحكي
انا :"عيسى طيحت الكاس من يدي..مانقصدش راني"
عدا بعينيه عليا يحكي
عيسى :" ميسالش..المهم ابعد بش ماتجرحش روحك"
هزيتلو براسي باهي وقمت وقفت بجنبو وغزرت لخالد ك قربلنا يحكي
خالد:" لارين شبيك ؟"
غزرتلها كيف قربت هي زادة ووقفت بجنب خالد تغزرلي.. رجعت تلفتت لخالد نحكي
انا :" désolé خالد..الكاس فلت من يدي تكسر "
خالد :" عادي يابنتي المهم انت لباس.. تو نقول لشكون يجي يلم لقزاز ويجيلك كأس اخر "
تبسمت نحكي
انا :" مرسي خالد "
هزلي براسو اي ودخل لريستو.. غزرتلها ك رجعت قعدت وعيناها علياا تغزرلي ف نظرة كاني فهمتني.. تبسمت وغزرت لعيسى نحكي
انا :" ميسالش نبقى ف بلاصتك.. تعبت من الوقفة؟"
عيسى :" اي بالطبيعة "
تبسمت وقعدت على كرسيه لي كان مقابل كرسيها هكاا بش نقابلها اناا.. غزرت لسرفور لي جابلي كأس وبقى يلم ف القزاز.. عضيت على شفايفي من الحشمة خاطر هذا مني وغزرتلو نحكي
انا :" سامحني عالتعب "
تبسم يحكي
هو :" pa garve mademoiselle "
تبسمت وبقيت نغزرلو حتى كمل..شفت لعيسى ك قعد على كرسيا وغزرلي درا كيفاه.. نحكي
انا :" شبيك ؟"
عيسى :" شي "
حط الصحن متاعي قدامي وخذا صحنو..غزرتلها ك قامت من بلاصتها ومشات دخلت لريستو..غزرت لعيسى نحكي
انا :" ادعي انشالله تمشي بلا رجعة "
نفخ بالشوي يحكي
عيسى :" يابنتي انساها.. احسبها مش موجودة "
عوجت شفايفي ودرتلو بكلي نحكي
انا :" عيسى بش نسألك حاجة "
دارلي وعدا بعينيه عليا يحكي
عيسى :" انشالله خير "
شكبت صوابعي ف بعضهم نحكي
انا :" بكري ك مشيت انت مع خالد.. هي خلطت عليكم ريتها بقات تحكي معاك.. شنوة قتلك ؟"
عدا بعينيه عليا ودوب تبسم يحكي
عيسى :" نسيت "
قحرتلو نحكي
انا :" كيفاه نسيت؟ لحكاية عندها دقيقة "
عيسى :" صدقني نسيت خاطر ماكنتش نسمع فيها اصلا "
انا :" يعني انت ماكنتش مركز معاها ؟"
عيسى :" لا "
انا :" ومجاوبتهاش حتى كلمة مش هكا ؟"
عيسى :" اي "
انا :" اصلا هي شتحب منك انا مفهمتش ؟"
عيسى :" وانا وين نعرف على جد امها "
ضحكت نحكي
انا :" اي زيد سبهاا امان "
تبسم يحكي
عيسى :" باهي "
ضحكت ورجعت غزرت قدامي.. شوي وريتها ك رجعت قعدت قدامي.. عدات بعيناها علينا وغزرتلي تحكي
جيهان:" ماقتليش لارين شتعمل ف حياتك؟ تقرا ؟"
انا :" اي "
جيهان :" وشنوة تقرأ؟"
انا :" beaux-arts "
ضحكت تحكي
جيهان :" اممم مالا الصغرونة فنانة..مايظهرش عليك"
قحرتلها نحكي
انا :" لا هكا انا نفاجئك..نعرف الفنون لكل منهم الق/تل زادة وخاصة الضرب "
ريتو ك حك على جبينو وتبسم ساكت..رجعت غزرتلها ك ضحكت تحكي
جيهان :"هههه مالا نخاف على روحي ؟"
رجعت شعري لتالي نحكي
انا :" والله مذابيك "
عملت رشفة من كأس الماء متاعها وتبسمت تحكي
جيهان :" ساعة انت تبان كيوت..شخلا الناس لكل عيناها عليك هنا "
عقدت بحواجبي مستغربة نحكي
انا :" شكون الناس مفهمتش؟ "
جيهان :" برشة..مثال هذاكا من بكري وهو يغزرلك كلاك ماكلة بعينيه "
تلفتت لوين هي اشرتلي بيداها وين قابلني واحد قاعد مقابلني..تبسملي وهز الكاس متاعو قدامي وغمزلي.. حليت عينيا على وسعهم ك ريت عيسى تنطر من حذاياا وعينيه عالراجل لي باقي يغزرلي.. عضيت على شفايفي اول ماشفت وجهو كيفاه تقلب وحمار.. لحظتهاا حسيت قلبي بش ياقف من الخوف من شنوة ممكن يصير.. ضغطت على يدي بالقوي ك ريتو قرب لراجل وين حسيت روحي عجزت بش نقوم ونتحرك..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
