#يوسف_يحكي
شطت الحجرة من قدامي وعينيا على راس النهج نستنى فيها..مانيش مصدق وقتاه نراهاا من كثر ماتوحشتهاا.. ماتوقعتش انهاا بش تخلي علياا بلاصة كبيرة هكا.. الايامات لي بعدتهم عليا حسيت كانو صاحبي نعرفو من سنين بعد..لقيت روحي بلحق تعودت بيهاا فحياتي واني نشوفها كل يوم رغم انها تقريبا كانت يوميا تكلمني ولاتبعثلي ميساج اما مش كيف..شوفتها قدامي وضحكناا وتفدليكي معاها غير.. قربت فيسع اول ما شفتها جاية قدامي وشادة ف يد صحبتها.. ضحكت على وجهها كيفاه سارحة كالعادة لدرجة انها ماشافتنيش.. لحظتهاا عليت ف صوتي بش نفيقها نحكي
انا :" دڤلتتتتي "
هزت راسها وضحكت.. ريتها كيف سيبت صحبتها وجرات ناحيتي تحكي
لارين:" Joseeeph "
اول ماقربتلي دورت بيديا عليهاا وجبدتها عندي.. عنقتها بالقوي نحكي
انا :" لكبيدة متاع Joseph.. توحشتك اا بنت جابر "
ضحكت وبعدت علياا شوي.. هزت راسها معاياا تحكي
لارين :"انا زادة توحشتك برشة برشة برشة بااارشاات "
حليت عينيا على وسعهم وشديتها من يداها.. بعدتها عليا شوي نحكي
انا :" استنى استنى.. شنوة القنبلة هاذي لي نراا فيهاا.. ياخي لي يمشيو لفرنسا لكل يزيناو ولا كان دڤلتي انا "
كملت كلامي وغمزتها.. رجعت شعرها لتالي تحكي
لارين:" بالطبيعة كان دڤلتك..ساعة حتى انت كانك زدت حليت "
حكيت على جبيني نحكي
انا :" والله قالوهالي برشة.. ومانحكيكلش صف لبنات علياا كان من هناا للدار.. اما قتلهم تؤ سامحوني دڤلتي جاية وتغير علياا "
ضحكت تحكي
لارين:" ههههه حسابهم معااياا لي قالولك هكاا.. اما قبلها خليني نعرفك على مايا "
ريتها كيف غزرت للطفلة لي كانت واقفة على جنب تغزرلنا وتضحك..جبدتها قدامي تحكي
لارين:" ماايا هذا Joseph.. Joseph هاذي ماياا "
قربتلها وعديت بعينيا عليهاا نحكي
انا :" لا هكاا برشة علياا.. كنت ف قنبلة صارو زوز.. ارحموو قلبي الصغير "
ضحكت تحكي
ماياا :" انت قاعد تشكر فياا تو ؟"
غزرت للاريت ورجعت غزرتلها..ضيقت عينيا فيها نحكي
انا :" عندك شك.. مع djo تسمعي كان الشكر.. نهبلكم شكر "
مدت يداها تحكي
مايا :" تشرفت بمعرفتك Joseph.. رينو ديما تحكيلي عليك و على جوك "
حطيت يدي ف يداها وسلمت علاها تحكي
انا :" ربي يحفظنا من الشهرة.. ساعات نخاف على روحي من العين "
قحرتلها كيف ريتها ضربتني بيداها على كتفي تحكي
لارين :" رجعت نلقاك مغرور سي Joseph "
ضحكت نحكي
انا :" شنوة ماعنديش الحق.. انا الوحيد لي فباب سويقة كاملة خارج مع زوز قنابل.. دڤلتي و.... "
ضيقت عينيا وغزرت لمايا نحكي
انا :" استنى لازمني نلقاك لقب كيف دڤلتي "
ايا :" لقب كيفاه؟"
حكيت شعري من تالي نحكي
انا :" تي لقب نبزنسك بيه..لارين دڤلتي وانت عسلتي"
ضحكت تحكي
لارين :" خاف على روحك من السكر "
انا :" هههه ماتخافش علياا.. هيااا قولولي وين تحبو تمشيو.. شرايكم نمشيو لعزة ؟"
عوجت شفايفها تحكي
لارين:" والله مذابياا خاطر نحب نشوفهاا..اما جابر قلي ساعة وروح وانا مانحبش نغششو "
هزيتلها براسي باهي نحكي
انا :" اي اي عندك حق.. خلي عزة نمشولها ف النهار اصلا راي رقدت حبي "
عقدت بحواجبها تحكي
مايا :" تي قولولي شكوني عزة؟"
ضحكت نحكي
انا :" عزة هي حب حياتي.. لازمك تشوفيها بعينيك "
مايا :" علاش ماخرجتش معانا تو راي بدلت الجو ؟"
انا :" خوها لكبير حزار.. يحبها من لعشية تشد الدار "
هزتلي براسها باهي وغزرت لارين كيف ضربتني تحكي
لارين :" هههه هياا خلينا نمشيو "
هزيتلها براسي باهي وبقينا نتمشاو..ريتها كيف دورت بيداها على مرفقي وبقات تمشي..عقدت بحواجبي مستغربة سكوتها لي غير العادة وين حسيت كاني متغيرة.. تنهدت بالشوي وغزرت لمايا نحكي
انا :" عسلتي شنوة شاهية ؟ تحب نهزك تاكل كفتاجي ؟"
تبسمت تحكي
مايا :" لاا ماعينيش تو..تعشينا مع الجماعة "
عديت بعينيا عليهم نحكي
انا :" مدام تعشيتو نهزكم تاكلو حاجة حلوة "
لارين:" شنوة الحاجة ؟"
مطيت شفايفي نحكي
انا :" شرايكم فبوزة ولا عصيدة زڤوڤو "
ماايا :" وااو.. اي خلينا ناكلو زووڤوڤو.. مرة طيبتها نور وكانت بنينة "
ريت لارين كيف تبسمت ساكتة لحظتهاا دورت بيديا عليهاا نحكي
انا :" تو نهزكم تاكلو الزووڤوڤو على رأيي العسلة "
ضحكو وشدينا الثنبة لمحل عم العربي.. دقيقتين ووصلناا.. خذينا طاولة كانت لبرا وخليتهم قعدو.. دخلت فيسع طلبت 3 صحافي عصيدة خذيتهم ورجعت حذاهم.. عطيت لكل وحدة صحفتها نحكي
انا :" ايا كولو فيه الشفاء "
ريتها كيف غمضت عيناها ورجعت حلتهم تحكي
مايا :" ياسر بنينة الريحة.. تهبل "
انا :" محل عم العربي يبيع أبن عصايد وبوزات.. تو تشوفو فرمضان معادش نلقاو كرسي "
لارين :" انت وعدتني فرمضان بش نخرجو "
انا :" الله خير عاد.. كل ليلة نضربولهاا هملة لسحور "
ضحكت تحكي
لارين :" ساعة قلي شعامل ف قرايتك.. الباك قرب "
حطيت لمغرفة نحكي
انا :" لباس بحول الله.. هاني نراجع مع لولاد.. واخر دفوارات تعداو باهين وربي يقدر الخير "
حطت يداها فوق يدي تحكي
لارين:" انا متأكدة انك بش تنجح.. عندي ثقة فيك "
تبسمت نحكي
انا :" انشالله دڤلتي "
تلفتت على صوتها تاكل وتحكي
مايا :" حتى انا حاستك بش تنجح.. ظاهر انك ذكي "
ضحكت نحكي
انا :" ذكايا يحضر ويغيب انا.. ربي يستر وكهو "
ريتها كيف ضحكت وطبست راسها تاكل.. عديت بعينيا عليها مش فاهم شبيها.. مرة تحكي وتضحك وساعات تسرح وحدها ووجهها يتقلب.. لحظتهاا حسيت روحي بلحق تحيرت علاهاا وخفت لا تكون صارت حاجة ف فرنسا قلقتها..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
