#عيسى_يحكي
طبست راسي وغزرتلها ك تململت شوي.. تبسمت ك ريتها حلت عيناها وغزرتلي ساكتة.. عديت بعينيا عليها نحكي
انا :" صحة النوم "
عدات بلسانها على شفايفها تحكي
لارين:" عيسى "
انا :" هاني حذاك..كيفاه تحس ف روحك توو؟ خير ؟"
هزتلي براسها اي من غير حتى كلمة.. تنهدت بالشوي وخذيت تاليفوني.. كلمت خالد وطلبت منو يجيب حاجة دافيه بش تاكلهاا ووصيتو تكون بلا قرفة ولا زنجبيل عالحساسية لي عندها.. اول ماكلمت رجعت التاليفون على جنب وغزرتلها نحكي
انا :" تو بش تاكل حاجة.. وتقوم تعمل دوش دافي وترتاح "
شديتها من مرفقها ك ريتها تحركت حبت تقوم.. عاونتهاا وحطيت لمخدة وراء ظهرها..عدات بعيناها عالبيت وغزرت للشباك تحكي
لارين :" قداه الوقت تو ؟"
انا :" قريب 17 "
هزتلي براسها باهي وغزرت للباب لي دق.. تلفتت نحكي
انا :" ادخل "
ريت خالد ك دخل وف يديه طبق.. قرب ناحيتنا وغزرلها يحكي
خالد:" صحة النوم لارين.. كيفاه تحس ف روحك ؟ لباس ؟"
لارين :" اي لباس "
قعد على طرف السرير مقابلناا وعطاني الطبق يحكي
خالد :" هاني جبتلك شربة دافية من الريستو بنينة ومعاها طبق ستيك وبطاطا.. نحبك تكملو لكل "
خذيتو من يديه وغزرتلها نحكي
انا :" تنجم تاكل وحدك ؟"
هزتلي براسها اي من غير حتى كلمة.. حطيتو فوق حجرها نحكي
انا :" ايا افطر "
تبسمت ك ريتها خذات لمغرفة وبدأت تاكل.. تلفت لخالد يحكي
خالد :" عيسى حتى انت جبتلك فطورك.. ك تجوع اهبط افطر "
انا :" باهي.. عيش خوياا "
غزرلها ورجع يحكي
خالد:" لارين مدام اطمناا عليك.. افطر وقوم خليناا نخرجو شوي للشط نبدلو الجو "
ريتها ك حطت لمغرفة وغزرتلي درا كيفاه.. رجعت غزرت لخالد تحكي
لارين:" مانحبش نخرج "
عقدت بحواجبي نحكي
انا :" علاش ؟ قعدت البيت تو تزيد تعبك..خلينا نخرجو شوي مش انت تحب تبقى عالشط وتحب ريستو خالد زادة؟"
ضمت على شفايفها تحكي
لارين :" مانحبش.. مانحب نمشي لحتى بلاصة"
خالد :" لارين ماتخافش هانا معاك.. و يا للا تو نبعدو عالبحر بش معادش تطيح مدامك ماتعرفش تعوم "
شهقت بالقوي وطبست راسهاا تبكي.. بعدت الطبق علاهاا حطيتو على جنب ورجعت غزرتلها نحكي
انا :" لارين شبيك ؟ علاش تبكي تو ؟"
هزت راسها معاياا وغزرتلي وين شفت دموعها لي نزلو تحكي
لارين:" ع..عيسى انا ماطحتش بكري "
عديت بعينيا عليها مش فاهم شتقصد.. نحكي
انا :" شمعناها ماطحتش ؟ مالا شصار ؟"
لارين:" عيسى.. الراجل لي انت ضربتو هو لي دزني "
حليت عينيا على وسعهم مش مصدق لي نسمع فيه.. للحظة حسيت روحي مافهمتش كلامهاا ولا كاني سمعت بالغالط.. عديت بعينيا عليها نحكي
انا :" شنوة ؟؟؟"
طرشقت بلبكا اكثر تحكي
لارين :" والله هو دزني..انا كنت واقفةوهو جاء قلقني ودزني فالماء وخلاني "
كبست عالبونية متاعي بالقوي من لعصب لي مكني ف اللحظة هاذي.. مانعرفش كيفاه تنطرت من بلاصتي وباقي عينيا علاهاا وين حسيت بنار شعلت فيااا وخلات دمي يتحرق ويغلي.. غزرت لخالد لي وقف وكان باهت فيهاا.. عليت ف صوتي بالقوي نحكي
انا :" ليووووم ڤاااااتل *** "
شدني من مرفقي اول ماتحركت يحكي
خالد:" عيسى بالشوي أقف خليناا نفهمو لحكاية... "
نطرت مرفقي منو وصحت عليه نحكي
انا :" شعننننندك تفهممم.. شنووة لي مشش مفهووم.. الطحاااان مااااشي يستقوى علااااهااا.. ليوووم ماانطلع بروحووو مانخليييه يندمم عاللحظة لي خممم فيهااا انوو يسمهاااا "
رجع شدني من زنودي وغزرلي يحكي
خالد:" ورحمة بابا لي تحب عليه لكل بش يصير.. مانخليه يخلص لي عملوو فيهاا معاك.. اما بالشوي عيسى شوف لارين كيفاه تبكي "
بعدت عليه وعطيتو بظهري.. عديت بيديا الزوز على وجهي وبقيت ننهج على بلاصتي..حاسس روحي بش نهبل من لي سمعتو.. الطحان كيفاه يحط علاهاا يدو ويعمل فيهاا هكاكا..اماحسابو معاياا كان مانخليهوش يخلص لي عملو فيهاا بالدوبل انا مش راجل.. تلفتت على صوت خالد يحكي
خالد :" عيسى.... "
قصيت عليه وقربتلهاا فيسع.. عديت بعينيا عليها نحكي
انا :" احكيلي لي صار بالتفصيل.. شنوة قلك وكيفاه دزك "
مسحت دموعها بكف يداها وغزرتلي تحكي
لارين:" انا كنت واقفة وين الممر هكاكا وحسيت بحد وراياا.. تلفتت لقيتو هو.. حاولت نبعد عليه اما ماخلانيش قلي حتى نتحاسبو وبعد شدني مخلانيش نتعدا.. قلي انا لبارح حبيت نعدي معاك شوي وقت اما لي معاك ماخلانيش.. قتلو سيبني.. قلي بش نسيبك اما مش هناا... "
غمضت عيناها ورجعت تبكي وتحكي
لارين:" ووقتها دزني وسيبني ف الماء "
كبست عالبونية متاعي بالقوي وقمت وين شفتو قدامي.. حليت فيه عينيا وصحت على قوة صوتي نحكي
انا :" خااالد اببببعد من قدااامي..مااااتقليييش اقفف ولااا استننننى.. هااااك سمعت **** شنووة قالللها وشعمل "
خالد :" سمعت وعندك حق ف لي بش تعملو والله.. اما عيسى فكر انت بش تهبط تووين بش تلقاه... "
قصيت عليه نحكي
انا :" نلقاااه وين مانلقاااه.. كان لزم نقلب *** لبلاصة مانطلعوووو حتى ك يكون ف كرش حوتة.. وراس امو ***** لي عملو لاني بش نعدييييه "
خالد :" وانا مانيش بش نعديه زادة.. لارين كيما اختي وبش نجيبلهااحقها معاك.. اما خلينا نخممو.. هو اكيد راو هرب تو.. خليني انا نتصرف ونعمل تاليفوناتي وتونجيبو لعندك واعمل فيه لي تحب.. اما خليك تو حذاهاا.. هي مازالت تاعبة "
بعدت عليه وبقيت ندور على بلاصتي ننهج حاسس روحي تخنقت وبدني فور.. مانعرفش كيفاه ضربت الفازة لي كانت بجنبي وين طاحت وتكسرت طروف.. بقيت بعيد علاهم مش منجم لا نتكلم لا نجاوب خالد.. للحظة حسيت روحي دخلت ف حفرة ظلمة ماعدت نرا ف شي كان ف تصويرة الكلب وشنوة عمل فيهاا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
