#عيسى_يحكي
دورت بيديا على جنبها وكبست علاها بش ماتطيحش. عديت بعينيا عليها اول ماهزت راسها معاياا بقيت نغزرلها كيفاه ترمش ف عيناها ساكتة.. للحظة حسيت روحي شخت على وجهها لي حمار غير شعرها لي رجع تفرد مرة اخرى.. ضيقت عينياا فيها نحكي
انا :" شنوة لي عملتو تو ؟"
كبست بيداها على ظهري تحكي
لارين:" عيسى والله نفدلك معاك "
هزيت بحاجبي نحكي
انا :" ك تفدلك علاش هاربة ؟ ف بالك مش بش نشدك ؟"
لارين :" هربت خاطر خفت تتغشش "
انا :" و ك تعرفي بش نتغشش علاش تعمل هكاا "
عدات بعيناها علياا تحكي
لارين:" هاني قتلك حبيت نفدلك معاك.. وزيد ميسالش تغشش كيما انا تغششت.. علاش كان انا نتغشش وانا لا.. وزيد انا نرضيك اما انت عمرك لا رضيتني.... "
قصيت علاهاا نحكي
انا :" هاني رضيتك وقلت بش ناكلهاا لبيتزا المحنونة"
عوجت شفايفها تحكي
لارين :" اي صحيح.. اما شي مازلت متغششة خاطر ماهيش محنونة "
قحرتلها نحكي
انا :" لااارين.. لي صار مايتعاودش مفهوم "
حركت راسهاا بش تبعد شعرها لتالي تحكي
لارين :" مش مفهوم.. تغششني نغششك.. العين بعين مسيو عيسى "
ضيقت عينياا فيها نحكي
انا :" انت قد كلامك هذا ؟"
عدات بعيناها علياا وهزتلي براسها لا تحكي
لارين:" تحب لحق.. هآه لاا "
انا :" مالا نقص بلا تطويل لسان "
نفخت بالقوي وهزت يداها حطتها على خدي.. عدات بصوابعها على لحيتي تحكي
لارين :" معادش فما فرينة.. رضيت هكا؟"
عديت بعينيا على تعابير وجهها وين حسيت روحي شايخ علاها.. للحظة حسيت كانو حاجة تجذب فياا ليها مش منجم نزل عيني دقيقة.. رخفت يدي من جنبها نحكي
انا:" آخر مرة تعمل هكاا "
لارين:" باهي فهمت "
ريتها ك شهقت بالقوي وضربت خدها تحكي
لارين:" البيتزا تحرقت "
حكيت على جبيني وتبسمت نحكي
انا :" خسارة "
جرات من قدامي للفرن وحلتو طول.. ريتها ك توجعت وقت جبدت الطبق بيداها.. قربتلها فيسع وين شفتها كيفاه تنفخ على صبعها.. نحكي
انا :" فسرلي مخك وينو ؟"
تنهدت بالشوي ك ريتها بش تبكي ساكتة.. خذيت المنديل جبدت الطبق حطيتو على جنب ورجعلتهاا.. وقفت قدامها وشديتها من يداها.. غزرت لصبعها لي كان احمر نحكي
انا :" ماهيش حاجة كبيرة ماتخافش "
لارين :" كلو منك انت.. سيبني "
شديتها من مرفقها وقربتلها وين السبالة.. حليتها وحطيت صبعها تحت الماء نحكي
انا :" نعاني ف طفلة عمرها عامين.. هوما حتى صغار يعرفو يتصرفو "
ضمت على شفايفها تحكي
لارين :" ياخي هكا علموك تكمل عالمريض ؟"
عديت بعينيا عليها نحكي
انا :"وين ترا فيه لمريض؟على حرقة مالها معنى مرضتي "
حليت عينيا على وسعهم ك ريت عيناها زغللو بالدموع تحكي
لارين :" مالا والله وجعتني الحرقة.. اما انت ماتحسش "
تنهدت بالشوي وسكرت الماء نحكي
انا :" مازالت تحرق فيك؟"
لارين:" شوي"
انا :" ايجا اقعد.. تو نجيبلك بوماضة "
هزتلي براسها باهي وقعدت عالكرسي.. مشيت فيسع لسالدوبان خذيت البوماضة ورجعت حذاها.. تبسمت ك ريتها تنفخ عليه.. قربتلها وطبست على ركايبي قدامهاا نحكي
انا :" هات صبعك "
لارين :" بالشوي.. ماتكملش عليه "
نفخت بالقوي وبقيت ندهن ف البوماضة بالسياسة بش مانوجعهاش..اول ماكملت لفيتو بضمادة صغيرة وغزرتلها وين شفتها كيفاه مطبسة راسها تتبع فيا بعيناها..نحكي
انا :" سافا هكا؟"
عدات بعيناها علياا تحكي
لارين :" اي عيشك "
قمت من بلاصتي وغزرتلها نحكي
انا :" ايا الحمدلله.. تو أقف خليناا نكملو هذا لكل.. ضاربين 4 سوايع هناا تخنقت "
قحرتلي وقامت من بلاصتها..قربت وين الرخامة وغزرت للبيتزا.. تبسمت ك ريتها عدات بلسانها على شفايفها تحكي
لارين :" امم الريحة تهبل "
قربتلها نحكي
انا :" شنوة مازال تو ؟"
لارين :" بش نحطو التن والزيتون وكهو "
انا :" باهي تو نحط انا.. ارتاح انت "
مشيت للفريجيدار وبقيت نجبد ف القضية.. اول ماتلفتت ريتها ك طلعت وقعدت عالرخامة تاكل ف الفريت.. عديت بعينيا عليها نحكي
انا :" مش كنتي مريضة ؟"
ضحكت تحكي
لارين:" انت شفيتني "
قربت ناحيتها ووقفت بجنبها.. حطيت القضية على جنب.. حليت التن وبقيت ونرش فيه عالبيتزا.. تلفتت على يداها لي قربتلي تحكي
لارين :" حل فمك..حل فمك..حل فمك "
بعدت راسي وغزرت للفريت لي فيداها نحكي
انا :" لارين اركح "
لارين:" كول هاذي تو نركح "
انا :" خليني نكمل لي فيدي وتو ناكل وحدي "
لارين :" علاش ماتاخذش بخاطري.. كان جيت انا راني كليتها طول "
انا :" ميسالش كولها انت..."
قصت عليا وقربت يداها تحكي
لارين :" عيسى كول امان "
نفخت بالقوي ومديت يدي فكيتهاا من يداها وكليتها نحكي
انا :" هاني كليت.. ارتاحتي هكاا "
عوجت شفايفها تحكي
لارين:" نص نص.. حبيتك تاكل من يدي "
طبست راسي ورجعت نحط ف الزيتون وفرد وقت نغزرلها كيفاه كملت صحن لفريت وحدها.. وتحرك ف ساقيهاا لي ساعات تضربني على ركبتي..مانيش عارف كيفاه شاد عصابي معاها رغم لي تعمل فيه لكل مستحمل المهم هي ماتتغشش حتى ك نترفز وليت نحاول تهدى فيسع على خاطرها..تلفت على صوتها تحكي
لارين:" طلعت من يديك محلاها.. ظاهر تشهي "
تبسمت نحكي
انا :" ايا اهبط حضر الطاولة "
لارين :" باهي اما ماناش بش نتعشاو عالطاولة "
انا :" مالا ؟ بش نتعشاو بالواقفة هنا "
ضحكت تحكي
لارين:" ايجا هبطني.. تو نقلك وين "
انا :" اهبط وحدك "
لارين:"معاك وليت كالببغاء..لازم نعاود كلامي مرتين "
عضيت على شفايفي وقحرتلها نحكي
انا :" شرايك نخليك معادش تحكي جملا ؟"
بلعت ريقها تحكي
لارين :" كمل مدام انا حضرت القعدة "
غزرتلها كيفاه هبطت فلحظة وجرات من قدامي.. بقيت واقف نهدي ف روحي بش انجم نكمل النهارين هاذم وانا لباس..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
