#لارين_تحكي
ضغطت على يدي بالقوي من لعصب لي حسيتو كيفاه مازال شادني هكاا..لحظتهاا بعدت عليه فيسع ووخرت لتالي وين دخلت ف الكرسي لي كان ورايا.. بدني رعش على يديه لي رجعت شدتني يحكي
عيسى :" بالشوي.. سايس روحك "
تقويت على روحي وحليت عينيا وين لمحت خيالو قدامي نحكي
انا :" سيبني "
عيسى :" شبيها عينيك حمرا هكا ؟"
شديت ف الكرسي وبعدت عليه فيسع.. حسيت روحي توترت قدامو وغزلت من سؤالو علياا.. للحظة حسيت روحي بلحق مش حاملة لا صوتو ولا وقفتو قدامي.. نحكي
انا :" شيهمك فياا "
سمعتو ك نفخ بالقوي يحكي
عيسى :" لارين.... "
قصيت عليه وقت عليت ف صوتي نحكي
انا :" ردد بااالك تجبببد اسمي على لسااانك.. ابعدني "
تنفست براحة وقت سمعت صوت عمتي دخلت..تحكي
غالية :" لارين شفما ؟ شبيك تعيط ؟"
بلعت ريقي نحكي
انا :" لا عمتي عينيا تحرقت..مسيتهم ويدي بالزريعة "
قربتلي فيسع وين شديت فيهاا تحكي
غالية :" احييت على بنتي.. اقعد تو نجيبلك حاجة مبلولة حطها على عينيك "
هزيتلها براسي باهي وقعدت عالكرسي لي جبدتهولي.. سمعتها تحكي
غالية :" عيسى بابا شبيك جيت ؟"
عيسى :" خالي نسى مفاتحو فيهم مفتاح الخزنة.. جيت انا بش نهزهملو "
غالية :" باهي يابابا دقيقة تو نجيبهملك "
دورت وجهي فيسع ك لمحتو مازال واقف قدامي.. حسيت قلبي وجعني وقت سمعت اسمي منو.. لقيت روحي مخنوقة منو لدرجة اني مش منجمة نسمعو حتى يناديني..غريبة كيفاه من لي كنت نرتاح فوجودو هو اكثر واحد صرت مانيش متحملة حتى غزرتو لياا من بعيد.. قمت من بلاصتي فيسع وقت حسيت عينيا بردت شوي بش نرجع للكوجينة..اول ماتلفتت شفتو كيف عدا بعينيه عليا وغزرلي درا كيفاه.. تلفتت على صوت عمتي كيف رجعت تحكي
غالية :" لارين اقعد لا تطيح "
انا :" ماشية نشوف المقرونة عمتي نسيتها "
غالية:" اقعد تو نمشي انا نشوفها... "
سمعتو كيف قص علاها يحكي
عيسى :" اعطيني امي لمفاتح وتو نطفي انا عالغاز.. خليك انت "
غالية :" باهي عيش ولدي "
كبست على يد عمتي لي شدتني وقعدت.. حطت يداها على خدي تحكي
غالية :" هز راسك شوي.. تو نكمدهالك تو ترتاح ماتخافش "
ضميت على شفايفي شديت دموعي بالسيف وبقيت نستحلى ف الماء البارد حتى حسيت روحي ارتحت شوي وفتحت عينيا وين شفت عمتي.. مروحت على عينيا نحكي
انا :" عيشك عمتي.. والله خفت ماعرفتش شنعمل قلت سايي عينيا مشات "
تبسمت تحكي
غالية :" اللطف على بنتي.. غلطتي انا لي مانبهتكش بش ماتفركش عينيك"
قمت من بلاصتي نحكي
انا :" ميسالش عمتي.. المهم ماتخليناش ناكلوه كان عينيا هكاا مالا معدتي كيفاه "
ضحكت تحكي
غالية :" تو نحضر لبنتي هريسة حلوة.. ماتخافش هاذي للولاد وبوك ياكلو الحار "
هزيتلها براسي باهي نحكي
انا:" خليني نمشي نفيق ماياا.. ونرجع حذاك "
غالية :" باهي ياماما برا "
تلفتت على صوت الباب لي تحل وين شفت سميحة روحت تحكي
سميحة :" ياميمتي ملا سخانة.. الشمس تنقب راس العصفور "
غالية :" حتى انت شبيك لتو؟ عندي ساعة انا من لي روحت "
سميحة :" شدوني نسا الحومة بالحديث.. كلهم يسالو على طبال لبارح ف بالهم عناا عرس "
غالية :" باهي ايا ادخل هاني انا ركبت لفطور "
سميحة:" نغسل حالتي ونجي نعاونك "
قربتلي شوي وعدات بعيناها علياا تحكي
سميحة :" شبي وجهك احمر انت ؟ كنتي تبكي ؟"
قحرتلها نحكي
انا :" علاش بش نبكي ؟"
سميحة :" وين نعرف عليك "
نفخت بالشوي وغزرت لعمتي نحكي
انا :" انا هاني ف بيتي "
وقفت على صوتها تحكي
سميحة :" جابر وصاني نهبط فطورو هو والصناع هبطيه انت "
هزيت بحاجبي نحكي
انا :" فاش قام حتى نهبطو انا ؟"
سميحة :" رانية مش هناا.. وانا ساقياا تهدوو وعمتك تاعبة من المرشي للفطور.. شنوة فيها كان تعاونينا شوي "
غالية:" تو انا نهبطو رينو ميسالش "
تنهدت بالشوي وعديت بيديا على شعري نحكي
انا :" لا عمتي ارتاح انت بلحق تاعبة.. ك يحضر لفطور تو انا نهبطو ومني نشوف جابر "
هزتلي براسها باهي وتبسمت تحكي
غالية :" عيش بنتي الصبية.. يقوي سعدك "
تبسمت ودخلت فيسع للبيت..سكرت الباب ورايا وبقيت نرد ف النفس نخمم كيفاه بش نهبط.. خاطر آخر حاجة تو نتمناها اني نهبط للحومة بش مانشوفوش.. تلفت على صوت مايا كيف قامت تحكي
مايا :" حرام عليك رينو.. انت تفيق تسكر علياا المروحة.. فغمت "
عضيت على شفايفي وقربت حليت المروحة نحكي
انا :" سامحني ياروحي والله لا جا لبالي "
قربت بستها من خدها نحكي
انا :" ساعة قلي هذا لكل نوم ؟"
ضحكت ورجعت تسطحت تحكي
مايا :" والله لا فقت بالوقت.. حتى انت ك قمت مافقتش بيك تالمون تاعبة.. ف دار بابا ماكنتش نرقد "
قعدت بجنبها وعديت بعينيا عليهاا نحكي
انا :" علاش ؟"
تكات براسها على كتفي تحكي
ماايا :" صغارو ياسر يعملو ف الحس.. ومرتو ديما تعارك والدار صغيرة.. مانحكيلكش تعب غادي "
بستها من راسها نحكي
انا:" اللطف على اختي.. شوف قوم اعمل دوش تو مدام انا حضرتلك فطورك وارجع ارتاح ليوم انا بش ندلل عسلتي "
ضحكت تحكي
ماياا :" هههه مهبول اكا Joseph.. قلي التوالات فارغة "
انا :" اي برا "
هزتلي براسها باهي وقامت.. غزرتلها كيف هزت دبشها تحكي
مايا :" نعمل دوش فيسع ونجيك "
انا :" باهي "
تكيت بظهري لتالي وغزرتلها ك خرجت..اول ماغمضت عينيا استرجعت لي صار بكري.. رغم كل شي صار منو مازال قربو مني كافي بش يوترني ويخليني نحس بنفس الربثة لي كنت نحسها قبل.. رجعت حليت عينيا حاولت ننفض الأفكار هاذم وننسى انا شنوة نحس خاطر هذاا لكل معادش يعنيلي شي تو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
