#مايا_تحكي
حطيت الكاسات من يدي وتلفتت ورايا وين شفتهم ك خرجو لكل وبقيت كان انا ورينو.. تنهدت بالشوي ك غزرتلها ولقيتها سارحة.. قربت حذاها وشديتها من مرفقها نحكي
انا :" شبيك رينو ؟"
خذات نفس طويل وتبسمت تحكي
لارين:" مابيا شي ياروحي..هاني واقفة نعس عالتاي بش مايفيضش "
عديت بعينيا عليها نحكي
انا :" بكري تحيرت عليك وكنت بش نقوم انا نشوفك ياخي عم جابر قلي تو نشوفهاا انا "
دارتلي وتبسمت تحكي
لارين:" ماتتحيرش علياا انا مليحة والله..غير بكري تفكرت نور تقلقت شوي على هذاكا "
تنهدت بالشوي نحكي
انا :" عرفتك خاطر حتى انا تفكرتها ليوم..الله يرحمهاا.. نعرف اول نهار ليوم بش يكون صعيب عليك اما انا مانحبش نراك هكاكا رينو خاطر بلحق نتحير عليك..وزيد مانحبهمش يشوفوك وانت متقلقة هكاكا خاصة سميحة ماتخليهاش تراك هكاكا "
شدتني من يدي تحكي
لارين :" مايا ماتتحيرش انا بلحق مليحة تو.. وزيد سميحة آخر همي.. كل ماتتكلم بش تلقاني ف وجهها هكاكا معادش بش نسكتلهاا ولا نعديلهاا بش نخلاها تفهم قدرهاا "
حطيت يدي على خدها نحكي
انا :" اي ماتسكتلهاش اما ماتخليهاش ترا ضعفك "
هزتلي براسها باهي تحكي
لارين:" باهي "
عديت بعينيا عليها نحكي
انا :" برا انت اقعد تو انا نكمل التاس ونجيبو "
هزتلي براسها لا تحكي
لارين:" لا خليني.. نحب نقعد شوي وحدي قبل مانمشي نسهر حذاهم "
انا :" باهي كيما تحب "
تلفتت على صوت عمتو ك دخلت وعدات بعيناها علينا تحكي
غالية :" شتعملو ؟"
انا :" شي عمتي رينو تطيب ف التاي وانا هاني بش نغسل الماعون "
قربتلي شوي تحكي
غالية :" لا ياماما خلي عليك انت تعبت ليوم.. تو نغسلو انا "
انا :" ميسالش عمتي برا ارتاح انت "
غالية :" لا انت لي بش تمشي ترتاح ليوم ماقعدتيش نهار كامل.. توو انا نغسلو ونجي مع رينوو"
هزيتلها براسي باهي نحكي
انا :" باهي مالا خليني نمشي نبدل حوايجي.. جبتي هاذي تبلت شوي"
غالية :" اي برا بدلها بش ماتمرضش "
هزيتلها براسي باهي وخرجت وين سميحة وبنتها كيفاه قاعدين ف الصالة وماعملو شي من غير لمان الطاولة وين حسيت روحي بلحق غزلت منهم اكثر من بكري.. كلامها متاع بكري قلقني كيف رينو بالضبط وكان لقيت انا نجاوبهاا اما سكتت قدر ف الجماعة.. اصلا مش عارفة شنوة تحب من لارين كل مرة وهي واففتلهاا عالكلمة.. كيما حسيت روحي غزلت من بنتها لي صرت متأكدة انها تتعمد تتقرب من امهاا بالطريقة هذيكاا قدام لارين بش تقلقهاا.. مانيش عارفة كيفاه بش نبقى متحملة وساكتة هكاا اما نهار لي بش نراهم كثرو على لارين وقتهاا مانظنش بش نبقى ساكتة خاطر لي يقلق ولايبكاها كانو بكاني انا بالضبط.. خذيت نفس طويل ودخلت للبيت سكرت الباب وراياا وقربت للخزانة جبدت جبة جديدة لبستها وفردت شعري لتالي وخرجت وين قابلني هو قدامي خارج من التوالات.. قحرتلو وقدمت بش نتعداه اما وقفت ك ريتو وقف قدامي فيسع منعني.. قحرتلو نحكي
انا :" ابعد من قدامي "
هز بحاجبو يحكي
ادم :" هكا ماتقليش صحة شريبتك "
ربعت يدي نحكي
انا :" وفاش قام حتى نقلك ؟"
ادم :" قام وقعد..لازمك تتعلمي الأصول هناا.. ك تراني قعدت عالطاولة قلي شاهية طيبة.. و ك نقوم قلي صحة شريبتك... "
قصيت عليه نحكي
انا :" خليتك انت تفهم فيهم الأصول انا مانحبش نتعلمهم "
هز بحاجبو وتبسم على جنب يحكي
ادم :" مش على كيفك مدام انا قلت تتعلمي يعني تتعلمي.. كلام ديزل هو لي يمشي "
رسيت على سنيا بالقوي نحكي
انا :" ابعد من قدامي يامتخلف انت "
اشرلي بعينيه يحكي
ادم :" ادخلى هاتي منشفة بش انشف يدي ولا تحبي نمسحها ف جبتك "
ضغطت على يدي بالقوي نحكي
انا :" ياخي أحول فما منشفة ف التوالات حطيتها انا بيديا بكري "
ادم :" مفماش..."
قحرتلو وقصيت عليه نحكي
انا :" و ك نمشي نجيبهالك شنعمل فيك وقتهاا "
ادم :" اعملي لي تحبي "
قحرتلو ومشيت طول لتوالات.. عضيت على شفايفي اول مادخلت ومالقيتش المنشفة ف بلاصتهاا.. تلفتت على صوتو يحكي
ادم :" يادرا شكون فينا الأحول عاد "
انا :" امسحهاا ف مريولك ماعناش مناشف هنا "
عضيت على شفايفي ك ريتو وقف قدامي يحكي
ادم :" غدوة من غير ماتطيبي انت.. لعشاء لي طيبتيه الليلة حاشة نعمة ربي "
انا :" شخلاك لحستو الصحن.. من لي حطيت راسك ماريتكش هزيتو حتي كملت لي فوق الطاولة لكل "
ضحك يحكي
ادم :" شنوة غنجة عينيك ماتهزتش من عليا ظاهرلي.. عجبتك مش هكا ؟"
حليت عينيا على وسعهم نحكي
انا :" CV pas toi.. شنوة لي فيك يعجب انت "
وخرت بخطواتي لتالي اول ماريتو قربلي.. عدا بعينيه علياا يحكي
ادم :" انا بكلي نعجب يا لغنجة.. ديزل باب سويقة كعبة وحدة لا تتكرر "
انا :" الحمدلله.. متخلف واحد يزي "
ادم :" يابنتي راني شاد روحي عليك بالسيف لميه لسانك هذا "
انا :" ابعدني تو نلمو "
عدا بعينيه عليا وغزرلي درا كيفاه.. تبسم على جنب وعطاني بظهرو للصالة.. ضغطت على يدي بالقوي منو المتخلف هذاا كيفاه وترني هكاا.. خذيت نفس طويل ومشيت للصالة حذاهم.. اول مادخلت ريتو ك هز راسو معاياا وغمزني وين حسيت روحي توترت كيفاه عمل هكا قدام الجماعة وين خفت كان يراوه ويعملي مشاكل.. قحرتلو وقعدت على جنب نغزرلو كيفاه ياكل ف الغلة وماخذ راحتو كانو ف دراهم..دمي فور مني ك ريتو رجع غزرلي للحظة كان لقيت نطردو من هناا ولا نضربو ب لي قدامي بش نخليه يلم عينيه ويحشم..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
