#لارين_تحكي
ضغطت على يدي بالقوي اول ماريتو نحى مريولو ودخل للبحر.. دمي فور وانا نغزرلها كيفاه تتبع فيه بعيناها وسارحة فيه.. خذيت كاسة الماء شربتها لكل من غير نفس وتلفتت لخالد لي خرج وخلط عليه.. حطيت الكاسة نحكي
انا :" جيهان تلهى افطر صحنك برد "
تلفتتلي وضحكت تحكي
جيهان :" شبعت "
طبست راسي وهمست نحكي
انا :" السم الهاري انشالله "
جيهان :" نعم ؟"
هزيت راسي وغزرتلهاا.. تبسمت نحكي
انا :" نو شي.. نحكي وحدي "
عدات بعيناها علياا وغزرتلي درا كيفاه تحكي
جيهان :" اما انت طلعت مش ساهلة صغرونة.. شكون قال لي انت بش تجيب عيسى وتبقاو هناا وحدكم "
تبسمت على جنب نحكي
انا :" فهمني انت علاش مركزة معانا هكاا؟؟ كأنك مافهمتش كلامي من آخر مرة تقابلنا فيهاا "
ضحكت وتكات بظهرها لتالي تحكي
جيهان:" يعني انت تحب تقنعني انو بلحق فما حاجة بينك وبين عيسى؟"
انا :" والله هاذي حاجة تخصك.. انا هناا مانيش بش نقنع سيادتك "
هزت بحاجبها تحكي
جيهان :"وانا مانيش نستنى فيك بش تقنعني.. خاطر لي نرا فيه كافي بش يخليني نفهم "
عديت بعينيا عليها نحكي
انا :" شمعناها؟"
قربتلي شوي وهزت بحاجبها تحكي
جيهان :" يعني انت وعيسى مابيناتكم شي.. قاعدة تكذب على روحك.. وحتى كان بيناتكم حاجة مش كيف ماانت متوقعة.. غزرت عيسى ليك ماهيش غزرة متاع واحد عاشق فيك.. اما نعذرك انت مازلت صغرونة ماتفهمش "
ضغطت على يدي بالقوي وبقيت نرد ف النفس وراء بعضو من لعصب لي حسيتو منهاا.. حليت عينيا فيهاا نحكي
انا :" مالا خليني نقلك انت لي طلعت ماتفهمش.. انا وعيسى نحبو بعضناا.. والنهارين لي عديناهم هناا كانو خاصيين بيناا احناا كهو.. وننصحك ابعد عليا وخاصة على عيسى لي من بكري وهو يبخص فيك ويحقر فيك وانت ماحبيتش تفهم قدرك "
بلعت ريقي بالسيف اول ماشفت غزرت عيناها لي خوفتني.. ضحكت على جنب تحكي
جيهان :"مانيش بش نقلك هاو الايامات بيناتنا..تؤ بش نقلك هاو النهار مازال طويل وبيناتناا وانا مش جيهان كان مانخليكش تعرف انوكلامي انا الصحيح.. وانو انت حتى شي لعيسى ولي فمخك لكل غالط "
شديت دمعتي بالسيف اول ما شفتها قامت ومشات ناحية الشط.. استندت بيديا عالطاولة وبقيت ننهج على بلاصتي من لعصب غير قلبي ضرب بقوة من كلامها لي حسيتو خوفني.. عضيت على شفايفي اول تفكرت كلامي وانا شنوة قلت وين حسيت روحي خفت اكثر كان عيسى يعرف ويعاركني.. عديت بيديا الزوز على وجهي وهزيت راسي نغزرلها كيفاه دخلت ف الماء تعوم مع خالد..خذيت نفس طويل وقمت من بلاصتي... قدمت بخطواتي ناحيتهم وقعدت عالرمل نغزرلو كيفاه يعوم وحدو.. رغم انو كان بعيد علاها اما حسيت روحي تقلقت من وجودها بجنبو غير عيناها لي مابعدتش لحظة عليه وين حسيت روحي خفت كان تخليه يتقرب منهاا وهو زادة يصير يغزرلها.. الفكرة وحدها حسيتها خنقتني وانا نتخيل فيهاا مالا كان تصير شنوة بش يصير فياا.. اصلا للحظة استغربت روحي انا علاش حاسة هكا وعلاش مرتين ناكدلها انو بلحق فما حاجة بيني انا وعيسى حاجة داخلي ف المرتين خلاتني نتمنى يكون كلامي صحيح بش انجم نبعدها اكثر عليه اما هكا حسيت روحي مربوطة.. قمت من بلاصتي اول ماشفتو خرج.. هزيت مريولو وقربتلو نحكي
انا :" صحة العومة "
تبسملي وخذا المريول من يدي يحكي
عيسى :" يعطيك الصحة "
لبس مريولو وغزرلي.. عدا بعينيه عليا وقربلي اكثر يحكي
عيسى:" شبي وجهك احمر هكاا ؟"
عديت بلساني على شفايفي وتبسمت نحكي
انا :" تعرفني نتقلق من الشمس الوقت هذا.. على هذاكا وجهي يحمار من السخانة "
هزلي براسو باهي يحكي
عيسى :"باهي خلينا ندخلو مالا..ارقد شوي تو ترتاح "
عديت بعينيا عليه نحكي
انا :" وانت شنوة بش تعمل؟"
عيسى:" بش ندخل ندوش و نرقد شوي.. وف ليل بش نعملو مشوى مدام خالد يحب هكا "
هزيتلو براسي باهي نحكي
انا :"ك تبداو بش تحضرو للمشوى فيقني.. ميسالش ؟"
عيسى :" اي ميسالش "
وقفت بجنبو نغزرلو كيف اشر لخالد يحكي
عيسى:" خالد انا داخل.. ك تفيييق بعد فيقني معاك "
خالد:" بااااهي.. انااا شووي ونجي "
هزلو براسو باهي وغزرلي يحكي
عيسى :" هياا "
بقيت نمشي بجنبو ساكتة تفكيري لكل ف كلامها شتقصد بيه.. للحظة حسيت روحي غزلت من خالد لي جاء وجابها معاه وهو يعرف مليح اني نتقلق منهاا.. اول مادخلنا لدار تلفتت على صوتو يحكي
عيسى :" لارين شبيك ؟"
رجعت شعري لتالي وغزرتلو نحكي
انا :" شي علاش ؟"
عدا بعينيه عليا وهز بحاجبو يحكي
عيسى :" كانك متقلقة.. لخرى كلمتك قتلك حاجة قلقتك بيها ؟"
عديت بعينيا عليه نخمم كان نقلو ولا لا.. اما تراجعت ف اخر لحظة خاطر خفت كان يعرف كلامي لي قلتو نهار الشط وليوم ليهاا.. هزيتلو براسي لا نحكي
انا :" لا ماقتلي شي مهم.. انا تعبت ناقصة نوم وتو الشمس قوية.. نحب نرتاح شوي "
هزلي براسو باهي يحكي
عيسى :" باهي برا ارتاح "
هزيتلو براسي باهي من غير حتى كلمة ودخلت طول لبيتي.. سكرت الباب وراياا وقربت ترميت عالفوتاي.. تكيت بظهري لتالي حاولت نهدي روحي ومانبقاش هكا عبى عصابي قدامهاا..اصلا هذا لي تحب عليه هي من وقت الطيارة انها تستفزني اما انا مستحيل نسمحلها بهذا.. حطيت يدي على قلبي لي بقى يدي بالقوي مش عارفة شبيني متقلقة هكاا ليوم من قبل حتى ماتجي هي ونشوفها وانا حاسة بضيق ف صدري.. قمت من بلاصتي دخلت لسالدوبان غسلت حالتي ورجعت للبيت.. تسطحت عالفرش وغمضت عينيا بش نرقد شوي بش انجم ف ليل نسهر معاهم..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
