#عيسى_يحكي
عديت بعينيا عالطاولة ولعشا لي حضرتو.. للحظة ماصدقتش انها عملت هذا لكل وحدهاا وفالوقت لقصير هذاا.. رغم اني تغششت شوي خاطر جات هنا وحدها اما فرد وقت شخت عالجو لي حضرتو.. تنهدت بالشوي اول ماغزرتلها وشفت عيناها حمر مانعرفش علاش بكات فيسع وقتلي انا تكلمت هكا من خوفي علاهاا..ورغم اني ساعات نقول معادش بش تتغشش قدامهاا اما مانجمش قدام عمايلهاا..عديت بعينيا عليها وغزرت لشعراتها لي كانو يتطايرو مع نسمة لبحر غير لون عيناها لي يشبه لغصن الزينون الاخضر ولي ظهر اكثر مع ضو القمرة.. فقت من سرحتي على صوتها تحكي
لارين :" انا حضرت لعشاء.. عمتي قتلي مرة انك تحب الطاجين هذا وانا قتلها ابعثلي الوصفة "
تبسمت نحكي
انا :" متأكد انو بش يعجبني.. ريحتو تشهي "
ضحكت تحكي
لارين:" بلحق ؟ مالا خليني نغرفلك "
عديت بعينيا عليها نغزرلها كيفاه ضحكت من كلمة وحدة ورجعت كانو ماصار شي.. حطت الصحن قدامي تحكي
لارين :"شوف كان يطلع خايب ماتقولش لعمتي امان "
هزيت الشوكة وكليت شوي منو.. هزيت بحاجبي على طعمتو لي كانت بلحق بنينة وقريبة لوصفة امي نحكي
انا :" وكان يطلع بنين شنوة نقول لعمتك؟"
عدات بعيناها علياا وضحكت تحكي
لارين :" يعني بنين ؟"
انا :" هو مش كيما متاع غالية بالطبيعة اما بنين "
تبسمت تحكي
لارين :" تو بالشوي نولي نحضرو كيما عمتي.. المهم انو محاولتي لولى نجحت "
انا :" والله نجحت يعطيك الصحة "
ضحكت وطبست راسها تاكل.. بقيت ناكل ونغزرلها كيفاه تعدي ف عيناها عالبلاصة وتضحك وحدها.. عقدت بحواجبي نحكي
انا :" شبيك تضحك ؟"
حطت لمغرفة وهزت كاسة لماء شربت شوي ورجعتها تحكي
لارين :" وحدي قاعدة نخمم قلت شكون قال انو بش يجي نهار وانا وانت نكونو هناا ووحدناا وانا نطيبلك من يدي.. حسيت روحي استغربت شوي "
استندت بيديا عالطاولة وغزرتلها نحكي
انا :" علاش استغربت ؟"
لارين :" خاطر عمري لا توقعت هذا لكل يصير.. يعني مقابلتناا لولى كانت غريبة شوي "
ضحكت بالصوت ورجعت تحكي
لارين :" ههههه تتفكر ك ضربتك بحجرة.. وقتها قلت شكون الغول هذاا لي هدّ علياا شبيه على عصابو هكاا ومتغشش وحدو "
هزيت بحاجبي نحكي
انا :" متغشش وحدي؟"
لارين:" هو مش وحدك.. اما انا وقتها فسرتلك لي صار اما انت شديت صحيح وحبيت تهزني للبوليس "
عدات بعيناها علياا ورجعت تحكي
لارين:" عيسى ياخي انت بلحق كنت ناوي تهزني للبوليسية وقتها ؟"
حكيت على لحيتي نحكي
انا :" اي بلحق "
لارين :" ونهون عليك ؟"
انا :" انا وقتها مانعرفكش وكنتي تهوني.. وزيد كان لازمني نخوفك بش نوريك طول لسانك "
عوجت شفايفها تحكي
لارين :" اما انا وقتها ماطولتش لساني عليك.. طولتو عالكرهبة و فالاخر طلعت مش متاعك اصلا "
انا :" وغادي انا وين غزلت اكثر.. خاطر مش متاعي وزيد دخلت ف نصبة الراجل.. يعني من جرتك ضريت زوز عباد "
طبست راسي شوي وحكت على جبينها تحكي
لارين:" خلينا نبدلو الموضوع خير "
انا :" يكون احسن "
ضحكت تحكي
لارين:" باهي تتفكر نهار لملوخية..هههه شكلك كان يضحك وقتها شديت ضحكتي بالسيف خاطر خفت من وجهك لي تقلب "
قحرتلها نحكي
انا :" وقتها شفع فيك جابر "
ضحكت تحكي
لارين:" انا وقتها تصدمت قلت شبيه المخلوق هذا يتبع فيااا حتى لدار.. وقتها كنت ناوية نشكي بيك لجابر ونقلو يحبسك "
هزيت بحاجبي نحكي
انا :" يحبسني؟"
لارين:" اي خاطر ف بالي خلطت بش تقلقني.. اما طلعت ولد عمتي وهذا لي شفعلك عندي وخلاني نسامحك مسيو عيسى "
انا :" فيك لخير "
عدات بعيناها علياا وغزرتلي درا كيفاه تحكي
لارين :" تعرف عيسى.. الايامات هاذوكم انا نحبهم.. رغم كل شي كانو محلاهم.. خلاوني نعرفك مليح وكل موقف تعرضتلو معاك خلاني نتقرب منك أكثر يمكن انت تواقربلي حتى من جابر.. تتفكر نهار لي سمعت فيه انو البهلول هذاكا حب يخطبني؟"
هزيتلها براسي اي من غير حتى كلمة.. تبسمت ورجعت تحكي
لارين:" انا وقتها ماحبيت نحكي مع حد بقيت نستنى فيك انت حتى تروح بش نحكيلك لي صار وتقلي شنعمل..حبيت نشكيلك من جابر وسميحة.. حتى حكاية فلوسي لي تسرقو انا ماحكيتهاش لجابر حكيتها كان ليك انت.. رغم اني وقتها مانعرفكش مليح كيما تو اما كنت نرتاحلك ورغم انك ماكنتش تجاوبني اما كنت نحب نحكيلك..نهار لي لقيت فيه بسبوري فسد وقتها احنا كنا متعاركين.. بقيت ندور مع Joseph كاني ضايعة.. حبيت نجي ونشكيلك بش تقلي شنعمل اما مانجمتش "
شديتها من يداها نحكي
انا :" شوف شرايك كان نتفاهمو فحاجة ؟"
عدات بعيناها علياا وضحكت تحكي
لارين:" موافقة نتفاهمو اما حاجة شنوة ؟"
انا :" نتفاهمو انو حتى ك نكونو متعاركين وصارت اي حاجة قلقتك وتحب تجي تحكيهالي ايجا "
لارين:" اماانت وقتها بش تكون متغشش "
انا :" غشي تو نحطو على جنب.. كل حاجة فبلاصتها.. ماتبقاش ضايعة وتخمم ياسر.. ايجاني طول "
كبست على يدي وضحكت تحكي
لارين :" اي تفاهمناا..غير ماتقلقش مني برك"
انا :" مانيش بش نقلق تهنى "
ضحكت وهزتلي براسها باهي.. سيبتلها يداها نحكي
انا :" اي كمل عشاك "
هزتلي براسها باهي ورجعت تاكل.. بقيت نغزرلها ونخمم فكلامها كيفاه لي عندها ولي تحس فيه تقولو طول بلا ماتفكر..يمكن هاذي اكثر حاجة تعجبني فيها انهاماتكذبش وماتخبيش..فرد وقت بقيت نخمم فروحي انا وف لي قاعد نحس فيه تو ناحيتها هي ولي ماحسيتوش ناحية حتى وحدة غيرها.. كل شي قاعد نعيش فيه ونعمل فيه جديد علياا لدرجة اني ساعات نستغرب روحي انا كيفاه هناا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
