#عيسى_يحكي
بقيت نتبع فيهاا بعينيا حتى طلعت للبيت مستغرب كيفاه ماتحبش تخرج ولا تحضر للسهرة..تنهدت بالشوي وبقيت نخمم شبيها متقلقة هكاكا..مش فاهم علاش حاطة لخرى ف مخهاا هكا ومركزة معاهاا لدرجة هاذي..فقت من سرحتي على صوت خالد يحكي
خالد:" هياا خلينا نمشيو "
مسحت يدي وخذيت كاسة الماء عملت رشفة ورجعتها نحكي
انا :" باهي هياا "
هزيت تاليفوني وقمت معاه.. خرجنا ومشينا للريستو.. دخلت معاه وغزرتلو يحكي
خالد:" شرايك نبقاو لداخل ولا لبرا "
انا :" مانعرفش "
عدا بعينيه عليا يحكي
خالد:" جبتك معاياا بش تقلي مانعرفش "
حطيت يدي ف جيت الشورط نحكي
انا :" خاطر بلحق مانعرفش.. انت ادرى هاذي خدمتك.. انا شمفهمني ف الشي هذا "
ضحك يحكي
خالد:" هههه باهي نبسطلك السؤال.. انت وين تحب تقعد لداخل ولا لبرا "
انا :" كيفكيف.. اما خلى لبرا خير "
خالد :" هههه باهي مالا تو نحطو لبرا "
هزيتلو براسي باهي وغزرتلو كيف مشى لسرفور يحكي معاه.. جبدت تاليفوني وبقيت نقلب فيه نستنى ف خالد.. هزيت راسي عالخيال لي وقف قدامي.. غزرتلها ك قربتلي وعدات بعيناها علياا وغزرتلي درا كيفاه تحكي
جيهان :" enfin لقيتك وحدك.. انا قلت مانيش بش نحكي معاك حتى كلمتين "
خبيت تاليفوني وهزيت بحاجبي نحكي
انا :" شعندك تحكي معاياا؟"
جيهان:" مانعرفش..نزيدو نتعرفو على بعضنا مثال "
قحرتلها نحكي
انا :" برا تعرف على غيري خيرلك "
قربتلي اكثر وعدات بعيناها علياا تحكي
جيهان :" اما انا نعرف لكل هناا كان انت.. شرايك كان نبقاو شوي ف بلاصة وحدنا نحكيو "
هزيتها وحطيتها بعينيا نغرزلها كيفاه تغزرلي وعمال تقرب مني.. للحظة حسيت روحي كرزت منهاا كيما حسيت روحي متقزز منهاا خاطر نكره الشلايك لي كيما هاذم.. قحرتلها نحكي
انا :" انا غير لكل هناا.. وابعد من قدامي تو خيراك "
عطيتها بظهري قبل لاتجاوبني وقربت لخالد نحكي
انا :" انا مروح.. اخلط أنت "
هزلي براسو باهي وخرجت بالوقت.. رجعت للشاليه وطلعت لفوق.. وقفت على باب بيتها لي تحل وين شفتها خرجت.. عديت بعينيا عليها وغزرتلها ك قربت ناحيتي وتبسمت.. للحظة حسيت روحي سرحت فيهاا وين خممت ف الفرق لي بينها وبين لخرى واي وحدة غيرها..رغم تفركيحهاا وبلادتها اما عمرها لاتجاوزت الحدود..تصرفاتهاا كلهم براءة حتى غزرتهاا وكلامها كاني طفلة صغيرة قدامي ماعندهاش الزايد والناقص.. فقت من سرحتي على صوتها تحكي
لارين :" شبيك رجعت ؟"
عديت بيديا على وجهي نحكي
انا :" جيت بش نبدل حوايجي.. شبيك انت شتعمل هنا ؟"
عوجت شفايفها تحكي
لارين:" خرجت ماشية للكوجينة بش نجيب سكينة "
عقدت بحواجبي مستغرب نحكي
انا :" شنوة؟ شتعمل بيها "
ضحكت تحكي
لارين:" هههه ماتخافش مانيش بش نق/تلك.. اما سلسة متاع ساكي لي فيها باقي حوايجي ماحبتش تتحل "
انا :" ناوية تحليها ب سكينة ؟"
هزت بكتافها تحكي
لارين :" مخي قلي هكاا "
قحرتلها نحكي
انا :" خيارو ساكت مخك.. هاتي الساك "
ضحكت ورجعت تجري للبيت.. دخلت لبيتي وخليت الباب محلول.. ريتها ك دخلت وراياا وقربتلي.. عطاتني الساك تحكي
لارين :" شد "
خذيتو من يداها وين هي قعدت بجنبي.. شديت السلسلة وبقيت نحاول نحل فيها بلا مانقطعها.. سمعتها تحكي
لارين:" حضرت حوايجك ؟"
انا :" مازلت "
هزتلي براسها باهي من غير حتى كلمة..اول حليت السلسلة عطيتها الساك نحكي
انا:" برا حضر روحك فيسع "
ضحكت تحكي
لارين:" كيفاه مخي ماخممش فيك مش عارفة "
انا :" اخرجي "
لارين:" هاني خارجة.. حضر روحك فيسع ماتبطاش.. 19 قريب بقات ساعة ظاهرلي ولا اقل...."
قمت من بلاصتي وقصيت علاها نحكي
انا :" اخرررجي"
عطاتني بظهرها وخرجت تجري.. اول ماسكرت الباب وراهاا..نحيت مريولي رميتو ودخلت لسالدوبان غسلت حالتي وريقلت أموري ورجعت للبيت.. قربت للدريسينغ جبدت شوميز زرقة فاتحة وشورت ابيض معاهم لبستهم.. قربت وين لمرايا خذيت منقالتي لبستها وريقلت شعري.. كملت ريقلت أموري لكل حتى تعدا الوقت.. هزيت تاليفوني لي نوقز وين لقيتو خالد رديت عليه نحكي
انا :" وي خالد؟"
خالد:" حضرت ؟ "
انا :" اي وانت ؟"
خالد:" انا درج ونكمل حبيت نتفقدك "
انا :" حضرت انا وكملت "
خالد:" باهي مالا شوف لارين واستناوني تحت ردو بالكم تمشيو وتسبقوني "
دوب تبسمت نحكي
انا :" باهي برك اسكت "
علقت عليه وخبيت التاليفون ف جيب الشورت متاعي وخرجت.. قدمت بخطواتي ناحية باب بيتهاا ودقيت.. شوي وقت والباب تفتح وين شفتها قدامي.. عديت بعينيا عليها نغزرلهاا كيفاه طلعت.. للحظة حسيت روحي سرحت فيها و ف اللون الأحمر لي كانت لابستو.. احساس غريب حسيتو وانا نشوف فيهاا قدامي كاني للاول مرة نشوفهاا وهي مزينة هكاا وين ملامحها برزت اكثر بالمكياج لي عاملتو..المرة هاذي حسيت حاجة مختلفة مش عارف فيهاا هي ولا فياا انا.. كل لي عرفتو اني مش منجم نبعد عينيا من علاهاا.. للحظة حسيتها غير لارين لي سرحت فيهاا بكري.. كيفاه ساعات نراها كاني طفلة صغيرة وكيفاه تو نرا فيهاا مراا تنجم تجذب اي عبد ممكن يراها.. خذيت نفس طويل وعديت بيديا الزوز على وجهي حاولت نسيطر على تركيزي معاهاا اما مانجمتش..خاصة قدام ريحتهاا لي سبقتهاا..كاني حاجة تجذب فياا ناحيتها.. للحظة استغربت روحي كيفاه تقلقت من فكرة انها بش تخرج بالشكل هذا قدام الناس ويشوفوهاا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
