#لارين_تحكي
طلعت ف الكرهبة لي وقفت قدامناا ولي كانت تابعة خالد.. تكيت براسي لتالي نستنى فيهم حتى يطلعوا هوما زادة.. حليت الشباك بجنبي وجبدت تاليفوني.. تبسمت ك لقيت ميساج من ماياا خبرتني فيه انها وصلت سايي للمطار وتستني فياا..غزرت لخالد لي طلع ومعاه لآخر.. تبسمت نحكي
انا :" خالد مايا وصلت للمطار.. تو مازالت ك خبرتني "
تلفتلي وتبسم يحكي
خالد:" قلها ربع ساعة ونكونو حذاها "
تبسمت وهزيتلو براسي باهي.. رديت علاها فيسع وغزرت لثنية لي شديناها.. رغم اني فرحانة خاطر بش نشوف ماياا اما احساس داخلي مخليني مش مرتاحة رجوعي لتونس.. للحظة تمنيت كان سمعت كلام خالد وبقيت امامانجمتش خاطر حالياً ماعنديش القوة الكافية بش نواجه حكاية اخرى..كان لازمني نبعد من هناا عالاقل العام هذاا حتى نتأكد من كلام
" إلياس " اذا صحيح ولا غالط وبعدها نقرر شنوة بس نعمل.. تنهدت بالشوي وتكيت براسي عالبلار نغزر للثنية.. فقت من سرحتي على صوت تاليفوني لي نوقز.. ضحكت اول ماجبدتو وشفت رقموا.. رديت بالوقت نحكي
انا :" Joseph "
يوسف :" دڤلة Joseph.. تو شفت ميساجك بلحق ليوم مروحة ؟"
انا :" اي ليوم.. هاني تو فالثنية للمطار.. نوصل مع المغرب هكاكا "
يوسف :" احلى خبر سمعتو والله.. كان تعرف قداه توحشتك دڤلتي.. خليتي علياا بلاصة "
ضحكت نحكي
انا :" حتى توحشتك برشة والله.. نستنى وقتاه نوصل بش نشوفك "
يوسف :" شوف اول ماتوصل كلمني.. تو نجيك حتى ف الليل "
انا :" اي اي اول مانوصل نسلم عالجماعة ونخرج طول نشوفك.. مستحيل نستنى لغدوة "
يوسف:" نستناك مالا وسايس روحك "
انا :" وانت زادة Joseph.. نخليك تو نحكيو بعد "
يوسف :" باهي يالحب "
ضحكت وعلقت عليه..تلفتت على صوت خالد يحكي
خالد :" شكون Joseph هذا ؟"
رجعت شعري لتالي وغزرتلو من لمرايا نحكي
انا :" Joseph هو صاحبي من تونس.. تنجم تقول هو الحاجة الوحيدة الباهية لي طلعت بيها من سفرتي لغادي "
ريتو كيف غزر لعيسى ورجع غزرلي من لمراياا يحكي
خالد :" ظاهر انكم صحاب برشة؟ "
ضحكت نحكي
انا :" أكثر من الاصحاب.. اصلا نستنى وقتاه نوصل بش نشوفو تالمون توحشتو وتوحشت تفدليكو "
خالد :" هاو مابقاش برشة.. كلها 4 سوايع هكاكا وتشوفو "
انا :" اي انشالله "
ضحكت ورجعت تكيت براسي عالبلار غزرت قدامي.. ضحكتي تمحات اول ماشفت عينيه تغزرل من لمرايا.. قمت فيسع وتكيت بظهري لتالي غمضت عينيا بس مانرجعش نشوفو.. شوي وقت ورجعت حليتهم وقت حسيت بالكرهبة وقفت.. تبسمت وقت غزرت للمطار لحظتهاا نزلت فيسع بش نشوف مايا.. بعدت شوي ك شفت بابو تحل وهو نزل.. دوب غزرلي وقرب لخالد لي مشى ينزل ف الفاليزات.. بقيت واقفة نستنى فيهم حتى كملو.. قربت لخالد نحكي
انا :" تعبتك ليوم.. بقيت تعاني ف فاليزاتي "
ضحك يحكي
خالد :" تو هذا تحكي عليه تعب.. امشي امشي "
ضحكت ودخلت معاهم للمطار..عديت بعنيا عالناس لي كانو قاعدين نلوج على مايا.. تلفت لخالد يحكي
خالد :" لارين ويني صاحبتك؟"
انا :" هاني نلوج علاها.. دقيقة تو نطلبها "
قلبي ضرب بقوة اول مادورت راسي ولمحتهاا قاعدة على جنب..ضحكت واشرتلو بيدي نحكي
انا :" اهيكااا "
مشيت نجري قبل مايجاوبني.. اول ماقربتلها عيطت نحكي
انا :" مايااا "
وقفت من بلاصتها اول ماهزت راسها معاياا.. قربتلي تجري وعنقتني.. دورت بيديا عليهاا وحشيت راسي ف رقبتهاا.. كبست علاهاا بالقوي نحكي
انا :" ماياا توحشتك..توحشتك برشة "
باستني من راسي تحكي
مايا :" انا زادة رينو.. توحشتك برشة برشة "
ضميت على شفايفي شديت دمعتي بالسيف وبقيت معنقتها من غير حتى كلمة.. حسيت بيها كيف كبست علياا ومسحت على شعري تحكي
مايا :" خليت علياا بلاصة كبيرة "
بعدت علاها شوي وعديت بعينيا عليهاا.. طبست بستها من خدها بالقوي نحكي
انا :" حتى انت خليت علياا بلاصة.. مايا مخيبها الدنيا من غيرك "
حطت يداها على خدي وعدات بعيناها علياا تحكي
مايا :" رينو انت مليحة؟"
هزيتلها براسي اي نحكي
انا :" اي... "
سكتت ورجعت عنقتها بالقوي وكبست علاهاا من غير مانزيد نحكي.. للحظة حسيت انو كلامي لكل هرب كل لي حبيتو اني نحضنهاا ونحس انها معايا تو.. بعدت علاها وقت سمعت خالد يحكي
خالد:" ميسالش تخلينا نسلمو علاها معاك "
تبسمت نحكي
انا :" اي خليني نعرفكم.. خالد هاذي مايا اختى.. ماياا هذا خالد لي حكيتلك عليه "
تبسم وقرب سلم علاها يحكي
خالد:" تشرفت بمعرفتك مدموازال مايا "
مايا :" عيشك وانا زاده "
ضحك وغزرلي يحكي
خالد:" صار قاعدة تحكي علياا.. انشالله وصلتلها كلام باهي مش هكا"
هزيت بكتفي نحكي
انا :" مانقولش "
ريت مايا كيف قربت للاخر لي كان واقف بعيد شوي على جنب..مدت يداها تحكي
مايا :" اهلا عيسى.. سافا ؟"
مد يديه وسلم علاها يحكي
عيسى :" اهلا.. الحمدلله وانت لباس ؟"
مايا :" لباس عيشك "
هزلها براسو باهي من غير حتى كلمة.. رجعت وقفت حذايا وعدات بعيناها علياا تحكي
مايا :" صحة اللوك الجديد رينو.. طلعت تهبل "
ضحكت وشديتها من يداها نحكي
انا :" عيش اختى.. انت زادة محلاك كالعادة "
تلفتت على صوت خالد يحكي
خالد:" خليكم هناا.. نمشي انا وعيسى نريقلو الأوراق ونرجعو "
هزيتلو براسي باهي وقعدت بجنب ماياا.. كبست على يداهاا وتكيت براسي على كتفها وين حسيت روحي بلحق ارتحت.. وجودها بجنبي كافي بش يخليني نحس اني مش وحدي.. ومهما نخسر ف حياتي تبقى مايا مكسبي..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
