#لارين_تحكي
هزيت لمخادد والملحفة بعد مانفضتها ودخلت لدار بش نحضر حاجة ناكلها بعد مالقيت ماكلت لبارح فسدت خاطر بقات عالطاولة للصباح..اول مادخلت غزرت لعيسى لي قرب حل الباب.. عقدت بحواجبي مستغربة وجهو لي تقلب.. حطيت لي ف يدي على جنب وسمعتو يحكي
عيسى :" اهلا خالد ادخل "
تبسمت ك عرفت خالد وصل.. اول ماجريت بش نسلم عليه وقفت ك ريتها دخلت بعدو.. ضغطت على يدي بالقوي من لعصب لي حسيتو ك ريتها قربت تسلم عليه تحكي
جيهان:" اهلا عيسى.. سافا "
قربتلهم فيسع ووقفت قدامهم بجنب عيسى.. تبسمت لخالد نحكي
انا :" اهلا خالد مرحبا بيك "
تبسم يحكي
خالد :" شحالك لارين؟ سافا ؟"
انا :" الحمدلله وانت ؟"
خالد :" الحمدالله عيشك "
تلفتت على صوتها تحكي
جيهان :" صغرونة وينك توحشتك "
رسيت على سنيا بالقوي كقربتلي وباستني من خدي.. بعدت علاها نحكي
انا :" اهلا "
عدات بعيناها علينا تحكي
جيهان :" désolé خاطرني جيت هكا على غفلة.. اما اول ماعرفت من خالد انو جاي حذاكم حبيت نجي معاه بش نعدي شوي وقت معاكم "
ريت عيسى لي قحر لخالد وين خالد وجهو تقلب.. تبسمت بش نلطف الجو نحكي
انا :" ميسالش.. مرحبا بيكم.. تفضلو "
حليت عينيا على وسعهم ك ريتها رمات ساكها وجرات وين التيراس تحكي
جيهان :" وااو تهبل لبلاصة.. محلاهاا "
تلفتت على صوت عيسى ك قرب لخالد يحكي
عيسى :" ياخي هاذي شمجيبها ؟"
خالد :" عيسى صدقني هي كبشت وشدت صحيح "
عيسى:" انت علاش تقلها اصلا؟"
نفخ بالشوي يحكي
خالد :" افهممم انا جيت خارج وبالزهر نلقاها قدامي جابت ساكها وجات على اساس بش تبقى حذاياا خاطر صحابها روحو.. قتلها راني انا مسافر قتلي نجي معاك "
سبقت عيسى نحكي
انا :" ميسالش خالد.. ماصار شي "
عدا بعينيه عليا يحكي
خالد :" لارين صدقني انا ماحبيتهاش تجي.. اما هي ك البرد تكبش ماتسيب "
ضحكت نحكي
انا :" هههه نعرف من غير ماتقلي "
ضميت على شفايفي ك شفت عيسى قحرلي يحكي
عيسى :" هياا ادخل ارتاح شوي ولي جات معاك شوفلها انت بيت "
ضحك يحكي
خالد :" هههه باهي "
شديت عيسى من مرفقو وقربتلو نحكي
انا :" انا بش ندخل نحضر حاجة ناكلوهاا ميسالش انت تحط طاولة عالشط ؟"
هزلي براسو باهي يحكي
عيسى :" باهي تو نحط.. ماتحب نعاونك ف شي "
تبسمت نحكي
انا :" لا عيشك.. المهم انت... "
ضيق عينيه فيا يحكي
عيسى :" المهم شنوة ؟"
عضيت على شفايفي نحكي
انا :" لا شي..حبيت نقلك المهم ك نكمل ايجا عاوني هز معايا "
عدا بعينيه عليا وغزرلي درا كيفاه يحكي
عيسى :" باهي "
نفخت بالشوي ك ريتو خلط على خالد والسخطة لخرى.. دخلت فيسع للكوجينة وحليت الشباك لكبير بس نتنفس مانعرفش علاش حسيت بخنقة قوية شدتني كيما حسيت روحي عصبت خاطرني شفتها قدامي اخر حاجة توقعتها انها تخلط علياا هناا.. غزرت للوقت وين شفت قريب 12.. قربت فيسع للفريجيدار وجبدت الخضرة بش نقص سلاطة.. خذيت السكين وبقيت نحضر فيهاا وانا نخمم زعمة هي وين تو..مانعرفش علاش سكتت بكري وقت حبيت نوصي عيسى يبعد علاهاا اما مانجمتش خاطر حشمت.. كبست عالسكينة بالقوي وقت سمعت صوتها ورايا تحكي
جيهان :" صغرونة نحب نعاونك "
تلفتتلها بالوقت وقحرتلها نحكي
انا :" قتلك الف مرة معادش تقليييي صغرونة "
شهقت بالشوي اول ماعديت بعينيا عليها وشفت لبستها لي كانت عريانة بكلها.. عضيت على شفايفي نحكي
انا :" شنوة لي لابستو هذا ؟"
قربتلي شوي وهزت طرف طماطم تاكل فيها وتحكي
جيهان:" حوايج بحر.. شبيهم خايبين ؟"
قحرتلها نحكي
انا :" شتحب علاش جاية حذاياا ؟؟"
جيهان :" جيت حبيت نشوف كان تستحق حاجة"
انا :" اكيد حتى كان بش نستحق حاجة مانيش بش نطلبها منك "
ضحكت وغزرتلي درا كيفاه تحكي
جيهان :" عيب تحكي معايا هكا وانا ضيفة حذاكم "
تبسمت باستهزاء نحكي
انا :" والله الضيف لي يستدعاوه.. اما انا وعيسى ماستدعيناكش "
ضيقت عيناها فيا تحكي
جيهان :" انت وعيسى؟؟ ياخي قداش عندكم هنا؟"
انا :" علاش تسأل؟"
جيهان :" هكا حبيت نعرف "
قحرتلها ودورت وجهي عليها نحكي
انا :" حاجة ماتخصكش.. وتنجم تتفضل تو خليني نكمل نحضر لفطور "
جيهان :" اوكي هاني ماشية "
رميت السكينة من يدي اول ماخرجت.. استندت بيديا عالرخامة وبقيت نرد فالنفس وراء بعضو من العصب لي ركبتهولي مانيش عارفة كيفاه بش نتحمل وجودها هناا.. خذيت نفس طويل وتلفت على صوتو يحكي
عيسى :" لارين شبيك؟"
رجعت شعري لتالي وقربتلو نحكي
انا :" ياخي السخطة هاذي قداه بش تبقى هنا؟؟ "
عيسى :" تبقى قد ماتبقى.. شيهمنا فيهاا احنا "
نفخت بالشوي وعطيتو بظهري رجعت وين الرخامة ساكتة.. قربلي ووقف بجنبي.. شدني من مرفقي ودورني قدامو يحكي
عيسى :" لارين قتلك الف مرة ماتركزش معاهاا.. هي على روحها وانت على روحك "
هزيتلو براسي باهي وبقيت نرد ف النفس بالسيف نحكي
انا :" باهي "
غزر للصحن ورجع غزرلي يحكي
عيسى :" ياخي لتو لا كملت؟ "
هزيتلو براسي لا نحكي
انا :" هاني بش نكمل تو.. انت حطيت الطاولة ؟"
عيسى :" اي حطيتها"
قربت عطيتو الاصحنة والمغارف نحكي
انا :" امان هز هاذم معاك.. وانا تونخلط عليك فيسع"
عدا بعينيه عليا وهزلي براسو باهي.. خذاهم من يدي وخرج.. طبست راسي وبقيت نقص فالخضرة حتى كملت السلاطة.. قربت للفريجيدار جبدت الماكلة الموجودة حطيتها تسخن وبقيت واقفة نخمم كيفاه بش نعدي نهار ليوم وهي قدامي..اصلا مافهمتش روحي انا علاش متقلقة لهدرجة غير النفس لي كبس على صدري وخلاني نحس روحي مخنوقة..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
