#عيسى_يحكي
خذيت نفس طويل حاولت نهدي روحي شوي وقت سمعت صوتهاا لي تكلم برجفة..تحكي
لارين :" عيسى "
عديت بيديا على وجهي وتلفتت وين شفتها بعدت الملحفة بش تقوم.. قربتلها فيسع نحكي
انا :" خليك.. علاش بش تاقف "
عدات بعيناها علياا وغزرتلي درا كيفاه تحكي
لارين:" عيسى اسمع كلام خالد.. ماتمشي لحتى بلاصة امان "
عديت بعينيا عليها وين حسيت روحي تربطت قدام صوتها وغزرتها.. نحكي
انا :" باهي هاني حذاك.. غير انت ارتاح "
غزرت لخالد لي مازال واقف..قربتلو نحكي
انا :" خالد شوف انا بش نبقى تو خاطر لارين تاعبة.. يدي مربوطة الله غالب مانجمش نخلاهاا وحدها.. مالا نحبك انت تتصرف.. نحبك تجيبهولي من تحت الأرض بش نحاسبو اناا..رد بالك تمسو قبلي وقتها بش نخسرو بعضناا خالد "
طبطب على كتفي يحكي
خالد:" وراس خوياا مانجيبهولك لعندك.. الليلة مانقلب عليه الدنياا.. ماعندو وين يمشي.. لبلاصة هاذي لكل نعرفها ونعرف لي فيهاا "
هزيتلو براسي باهي من غير حتى كلمة.. تبسم يحكي
خالد :" خليك حذا لارين.. هي تومستحقتك "
غزرلها يحكي
خالد:" لارين مانحبكش تخاف..شي معاد بش يصيرلك وحد مايقربلك "
لارين :" عيش خويا خالد "
تبسملها وعطاني بظهرو.. خرج بالوقت وسكر الباب وراه.. خذيت نفس طويل ورجعت حذاها..وقفت بجنبها نحكي
انا :" فطورك برد.. خليني نهبط نسخنهولك ونرجع "
شدتني من يدي وهزت راسها معايا تحكي
لارين:" لا خليك حذايا "
انا :" لارين لازمك تفطر... "
قصت عليا تحكي
لارين:" ماعينيش تو.. تو ناكل بعد "
هزيتلها براسي باهي وقعدت بجنبها.. ريتها ك قربتلي وتكات براسها على كتفي تحكي
لارين :" شوي ونقومو نحضرو رواحنا بش غدوة نروحو "
كبست عالبونية متاعي بالقوي نحكي
انا :" ماناش مروحين "
بعدت عليا وغزرتلي تحكي
لارين:" علاش ؟ عيسى انا معادش نحب نبقى "
انا :" ميسالش خلينا نزيدو نهارين وتو نروحو "
لارين :" عيسى ماتعمل شي امان.. انا حكيتلك خاطر ماحبيتش نخبي عليك.. اما امان ماتعمل شي.. لحكاية وفات.... "
قصيت علاهاا نحكي
انا :" ماوفاتش..تعرف وقتاه توفى وقت نخليه يعيش لي انت عشتو.. وقت ناخذلك حقك ونحاسبو كيفاه خوفك وقتها لحكاية وفات "
شهقت بالقوي وين دموعها نزلو بالوقت تحكي
لارين :" عيسى انا خايفة..مانجمش نتحمل حاجة أخرى تصير.. يزي لي عشتو انا ليوم.. مانحبش حاجة أخرى تصيرلي ولا تصيرلك امان "
قربتلها اكثر وبعدتلها خصلات شعرها لتالي.. حطيت يدي على خدها ومسحتلها دموعها نحكي
انا :" لي صار ليوم مستحيل يتعاود.. ورحمة بابا لعاد نخلي حاجة تصيرلك.. وكان عليا انا ماتخافش علياا نعرف كيفاه نتصرف "
طبست رأسها وطرشقت بالبكاء تحكي
لارين:" عيسى انا خفت برشة ليوم.. وقت لي شفتو قدامي حسيت قلبي وقف.. بقيت ندعي انك تجي وتبعدو علياا.. وبعد هو دزني بالقوي.. وقتها انا عرفت انك مش بش تجي.. بقيت نفرفط فالماء وحدي مش عارفة شنعمل..لاول مرة نادي باسمك ونبقى خايفة.. "
هزت راسها ورجعت تحكي
لارين :" خفت لا ماتلحقنيش..خفت كان ماتلقانيش كيما كل مرة..تخنقت وغمضت عينيا وقتها فكرت اني سايي بش نموت وحتى كان بش تلقاني بش تلقاني متت "
عديت بعينيا عليها وين حسيت روحي تخنقت من كلامهاا لي مانجمتش نتحملو..حاوطتلها وجهها بيديا وقربتلهاا اكثر نحكي
انا :" اشش موت شنوة لي تحكي علاها.. انا مستحيل نخليك تتضر حتى شوي..كون متأكدة انك كل ماتناديلي بش تلقاني.. انت عيطلي برك وانا فلحظة نكون قدامك..حتى لو كنت بعيدة عليا انا بش نسمعك وبش نلحقك.. مستحيل نخليك تضيع علياا.. بش نلقاك ف كل وقت "
قربتلي اكثر وحطت جبينها على دقنونتي تحكي
لارين :" عيسى انا معادش نحب نبعد عليك..كل مانبعد نحس روحي نخاف.. انت الوحيد لي نطمن ف قربو.. معاك نحس حتى شي ماينجم يصيرلي "
دورت بيديا عليهاا وبعدت شوي وين قابلتني عيناها نحكي
انا :"وانا معادش بش نخليك تبعد عليا..من لحظة هاذي انت بش تصيرمعايا..مستحيل عينيا تغفل عليك ثانية وحدة..لارين نحبك تنسى حاجة اسمها خوف.. مدامك معايا شي مايصيرلك..كون واثقة فهذا "
عدات بعيناها علياا وغزرتلي درا كيفاه تحكي
لارين :" باهي انت معادش متغشش علياا عالصباح "
انا :" لي صار الصباح انساه.. انا معادش متغشش "
لارين:" انا ماقصدتش كلامي وماقصدتش نغششك.. نوعدك معادش نحكي مع خالد والله.. غير خلينا نروحو امان عيسى "
انا :" لارين قتلك تو مفماش مرواح "
لارين :"اماانا مانحبش نبقى..لبارح قتلك راني خايفة.. قتلك مانحبش نبقى هنا ليوم..اما انت ماسمعتنيش مالا اسمعني المرة هاذي "
عديت بعينيا عليها وتنهدت بالشوي نحكي
انا :"عندك حق اناغلطت ك ماسمعتكش ليوم ومانيش بش نعاود الغلطة هاذي "
لارين:" شمعناها ؟"
عديت بكف صوابعي على خدها نحكي
انا :" ارتاح تو وخليني نفكر وتونحكيو.. تفاهمناا "
لارين :" تفاهمناا "
عدات بعيناها عالبيت ورجعت غزرتلي تحكي
لارين:" ياخي انا علاش ف بيتك ؟"
انا :" هكاا.. وقت طلعتك طول جبتك هناا "
تبسمت تحكي
لارين:" وبش نبقى هنا ؟"
انا :" كان مرتاحة ابقى ميسالش "
عدات بعيناها علياا وغزرتلي درا كيفاه تحكي
لارين:" مرتاحة عاللخر "
انا :" مالا خليك "
تبسمت ك ريتها قربت وتكات على صدري تحكي
لارين:" شوي وبرا سخنلي لفطور واعملي كأس حليب كيما كنت تعملي فباريس "
ضحكت نحكي
انا :" باهي "
طبست راسي وغزرتلها كغمضت عيناها.. لحظتهاا دورت بيديا عليهاا وتكيت بظهري لتالي..رغم الغش لي بقى ياكل فياا من داخل حسيت روحي طمنت خاطرها لباس.. لقيت روحي مش منجم نبعدهاا علياا لحظتهاا كبست علاهاا اكثر وخليتها بين يديا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
