#عيسى_يحكي
فقت من سرحتي عالكرهبة لي وقفت..هزيت راسي وغزرت للمصنع لي وقفنا قدامو.. نفخت بالشوي ونزلت.. غزرتلها ك نزلت وهزت راسها معايا.. تلفتت على صوت خالد يحكي
خالد:" هياا خلينا ندخلو "
انا :" أسبق انت.. هانا وراك "
هزلي براسو باهي ودخل.. وقفت قدامها قبل ماتتحرك نحكي
انا :" أستنى "
لارين :" شتحب ؟"
ضغطت على يدي بالقوي نحكي
انا :" شوفي هاو صار لي حبيتي عليه وجيتي معاياا.. مالا من غير مانوصيك من جنبي ماتتحركيش ومانسمعش صوتك لداخل واضح؟؟"
لارين:" شرايك كان تربطني بحبل وتكركرني وراك مش هكا خير "
نفخت بالشوي نحكي
انا :" لااارين مانيش نفدلك.. خليني نكمل جد والدين هالخدمة وانا فعقلي "
عدات بعيناها علياا وغزرتلي درا كيفاه تحكي
لارين:" باهي مانيش بش نتحرك من جبنك ومانيش بش نحكي..أوامر اخرى؟"
عديت بيديا على وجهي نحكي
انا :" امشي "
قدمت لداخل وهي بجنبي.. غزرت لخالد لي واقف واشرلناا بيديه.. قربنا ناحيتو نحكي
انا :" جمال وينو؟"
خالد:" جمال يستنى فيك بش تتفقد السلعة "
انا :" هياا خليناا نمشيو نشوفوه "
هزلي براسو باهي وبقيت نمشي معاه وهي بجنبي.. ريتها كيفاه تمشي وتدور ف راسهاا تتفرج ف البلاصة ساكتة.. دوب تبسمت ك ريتها غطات وذناها من قوة الحس متاع الماكينات..ساعات نحس روحي نشيخ على تصرفاتها العفوية لي ك هكاا.. تتصرف كالصغار مايهمهاش لبلاصة ولاالناس..غزرت لخالد يحكي
خالد:" اهوكاا جمال "
تلفتت وغزرتلو كيفاه يدور بين الخردة متاع لكراهب.. اول ماقدمت طبست راسي على يداها لي شدتني من مرفقي تحكي
لارين :" عيسى فما ريحة خايبة مانيش متحملة "
طبست علاها شوي بش تسمعني نحكي
انا :" اي ريحة الماكينات هاذم.. قوية شوي "
لارين:" افف مخيبها.. قراجمي ولت تحرق فياا "
انا :" ميسالش تحمل شوي..تونكمل فيسع على خاطرك ونخرجو "
تلفتت لخالد يحكي
خالد:"عيسى مدام الريحة قلقتها خلاها معايا وانت برا "
انا :" لا خلاها تمشي معااياا.... "
ضغطت على يدي بالقوي كقص علياا يحكي
خالد:" ياولدي شوف وجهها كيفاه حمار.. الطفلة مش متحملة الريحة تحب تدخلها معاك بش تتخنق "
غزرتلها بالوقت وين شفتها كيفاه مسكرة خشمها وكأني متقلقة.. نحكي
انا :" لارين كان متقلقة برشة خلينا نخرجو "
هزتلي براسها لا وكحت تحكي
لارين :" لا لا كمل خدمتك انا هاني هناا نستنى فيك "
تنهدت بالشوي نحكي
انا :" باهي أقف هناا تو نرجع فيسع "
تلفتت لخالد ورجعت نحكي
انا :" ماتخليهاش تخرج وحدهاا.. وماتخليهاش تبعد عليك.. وماتخلي حد يكلمها "
خالد:" يا ولدي تهنى.. براااا اخدم "
نفخت بالقوي ودخلت وين جمال.. قربتلو وبقيت نقلب ف السلعة معاه وعيني علاها هي نغزرلها من بعيد كيفاه واقفة.. قحرتلها ك ريتها تضحك مع خالد جاب ربي كانت مخنوقة..فقت من سرحتي على صوت جمال يحكي
جمال:" اا عيسى شقلت ؟"
ضيقت عينيا فيه نحكي
انا :" فشنوة ؟"
جمال:" اوهووو ياولدي شنوة فشنوة ؟عندي ساعة نحكي "
انا :" كنت مركز فالقطايع ماسمعتكش "
جمال:" ميسالش..المهم شرايك السلعة مفماش كيفاها مش هكا ؟"
هزيتلو براسي اي وحطيت القطعة من يدي نحكي
انا :" اي لحقيقة لقطايع لكل باهين "
جمال:" مالا نتوكلو على ربي ونصححو؟"
انا :" اي هياا "
اشرلي بيديه يحكي
جمال :" هياا خلينا نمشيو للبيرو ؟"
هزيتلو براسي باهي وبقيت نمشي معاه بخطوات سريعة.. هزت راسها معايا اول ماوصلت وتبسمت تحكي
لارين :" كملت؟"
انا :" اي.. مازال نصحح عالاوراق ونمشيو "
هزتلي براسها باهي ودخلناا للبيرو.. قعدت مقابل جمال وهي بجنبي.. غزرت لخالد يحكي
خالد:" نمشي نجيبلكم حاجة تشربوها "
غزرلها يحكي
خالد:" لارين تمشي معايا ؟"
غزرتلي ورجعت غزرتلو تحكي
لارين :" لا خليني ماصدقت ارتحت من الريحة "
خالد :" هههه عندك حق "
تنهدت بالشوي وغزرت لجمال نحكي
انا :" جمال يرحم بوك هياا خلينا نصححو "
هزلي براسو باهي وجبد الأوراق..خذيتهم من يديه هوما والقلم وحطيتهم قدامي بش نصحح.. ريتها ك قربتلي وطبست علياا توشوش
لارين :" ياخي بش تصحح طول ؟"
عقدت بحواجبي نحكي
انا :" شنوة ؟"
لارين:" اقرا قبل ماتصحح.. تصور يقلبوناا ف فلوسنا"
انا :" يابنتي انا بش نخلصهم.. شبيكي "
لارين :" مش قتلي بش تخلص من جمال؟"
انا :" اي هذيكا خدمة أخرى غير هاذي "
وخرت لتالي تحكي
لارين:" اا اوكي ك هكا صحح "
حكيت على جبيني ودوب تبسمت على مخهاا لي يتكولف ف كل شي.. طبست راسي وبقيت نصحح.. اول ماكلمت عطيت الأوراق لجمال نحكي
انا:" مبروك عليك "
جمال :" مبروك علينا لكل..الخدمة معاكم شرف لياا "
انا :" عيشو جمال "
تلفتت على صوت الباب ك تحل وين شفت خالد دخل وف يديه قهاوي.. حطهم قدامنا وقعد يحكي
خالد:" كملتو؟ نقولو مبروك ؟"
ضحكت تحكي
لارين:" جيت مخر قالوهاا قبل ماتجي انت "
خالد:" هههه خسارة فاتوني "
انا :" ميسالش تتعوض مرة اخرى "
خالد :" قالها راجل "
جمال :" اياا اشربو قهوتكم قبل ماتبرد "
تلفتت لخالد ك وقف يحكي
خالد:" لااا مدام كملتو خليناا نخرجو.. وقت فطور تو وزيد ورانا مشوار "
غزر للارين وغمزها يحكي
خالد :" مش هكاا لارين؟"
غزرتلها وين شفتها كيفاه توترت تحكي
لارين :" ااا اي هكاا "
دوب تبسمت ك غزرتلي تحكي
لارين :" ماو فبالك عيسى ماشين للمعرض "
انا :" اي ف بالي.. هياا خلينا نمشيو "
هزتلي براسها باهي ووقفت.. قمت معاها وقربنا سلمنا على جمال وخرجنا احنا ثلاثة.. بقيت نغزرلها كيفاه من بجنبي ماتحركتش ومافاتتش خطوة..
VOUS LISEZ
#مُتمردة_العيسى ❤️🔥 (الستاتي الثاني)
Storie d'amore#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
