#لارين_تحكي
دخلت لبيتي وسكرت الباب ورايا.. تعديت طول لسالدوبان ووقفت قدام لمرايا.. دموعي نزلو بالوقت اول ماشفت وجهي كيفاه كان مجروح غير شعري لي لي كان داخل بعضو.. هزيت يدي وعديتها عالخصلة لي قصتهالي وين دموعي نزلو اكثر وحسيتهم حرقوني خاطرها عملت فياا هكاا..حليت السبالة وبقيت نغسل فوجهي برشة مرات بش نفيق شوي حتى انجم نستوعب نهار ليوم لي كان كيما الكابوس.. خذيت نفس طويل وسكرت الماء بقيت نعقم فالجرح بالسيف حسيت روحي نتحرك بالسيف من التعب لي حسيتو ليوم غير بدني لي بقى يوجع من فراع لخرى معاياا.. رجعت للبيت وترميت عالفوتاي نخمم ف لي صار بكري ولي سمعتو.. للحظة هاذي مانيش مصدقة انو هي وراء كل شي.. كيفاه شايلة الكره هذا لكل ناحيتي حتى توصل تخمم تتفاهم علياا مع لاخر بش تقت/لني..مافهمتش انا شنوة عملتلها بش يخلاها توصل تعيشني خوف كيف هذاكا وكانو مكفهاش لي عملتو هي ولاخر خلطت عليا لهناا واستغلت اني وحدي ورجعت بش تضرني.. قلبي وجعني وقت تخيلت كان عيسى ماخلطش شنوة كانت بش تعمل فياا مستحيل كنت بش نغلبهاا وحدي من خوفي منها.. غصة شدتني فحلقي ك تفكرت انها لعبت بياا كيما حبت وقت خلاتني نصدق كلامهاا كيفاه خربت كل شي من جرتها..قمت من بلاصتي وبقيت نمشي ونجي نفكر شنوة بش نعمل تو.. إذا نصلح لي عملتو ولا نسكت.. رغم غشي منو حسيت روحي غلطت خاطرني صدقتهاا وشكيت فيه وين تفكرت كلام خالد اكيد هو قال هكاكا لياا من غشو منهاا وزيد انا دخلت عليه هكاكا وكملت عليه..اصلا بكري ماعرفتوش حتى معاهاا كيفاه كان بش يق/تلها كانو مش نفسو عيسى لي معاياا الايامات لي فاتو..غشو منهاا خلاه يعمل هكاكا ويقول هكاكا انا متأكدة.. خذيت نفس طويل وقربت للباب حليتو وخرجت بش نمشي نحكي معاه بش نصلح لي عملتو..وهو اكيد بش يقلي انو ماقصدش كلامو.. سوء تفاهم وكهو..قدمت بخطوات ثقيلة ناحية بيتو.. كرشي وجعتني اول ماحليت الباب ولمحتو.. للحظة حسيت روحي ندمت ك جيت خاطر مانيش عارفة شنوة بش نقولو بالضبط ومنين بش نبدا.. اما اكيد هو بش يفهمني ويسمعني كيما كل مرة.. مسحت دمعتي لي نزلت فيسع وقربتلو وين شفتو مطبس راسو وركايبو ترعش غير صوت انفاسو لي كانت قوية لدرجة اني نسمع فيها وين حسيت روحي خفت منو.. بلعت ريقي بالسيف نحكي
انا :" عيسى... "
قص علياا يحكي
عيسى :" اخرج "
انا :" عيسى اسمعني شوي امان "
حليت عينيا على وسعهم اول ماهز راسو معايا وغزرت لعينيه لي كانت حمراء شرارة.. تهزيت وتحطيت على صوتو كيف صاح يحكي
عيسى :" قتلللللللك اخررررررج "
قربتلو اكثر ووقفت قدامو نحكي
انا :" مانيش خارجة حتى تسمعني..عيسى انا بكري ماقصدتش لي صار والله.. اسمعني شوي بررك.... "
رجع قص علياا وقت خطفني من مرفقي ونزل علياا بالقوي يحكي
عيسى :" مانحبش نسمممعك.. مانحبببش حتى نراااا منظررررك...."
شهقت بالقوي كيف كركرني وراه يحكي
عيسى :" ابعدددنييييي.. ابعد ***.... "
حل الباب ودزني على قوة جهدو وين تضربت ف الحيط.. غزرتلو كيف صاح يحكي
عيسى :" معااادش توريني منظرررك... يزييي ماك لاااصقة فياااا.. تحملتتتتك وتحمللللت تفورييييخك وهممممك اما لهناااا ويزيييي.. كلللل شيي صاااار من جررررتك انننت.. فكككك علياااا من لي عرفتتتك وانا وراااا مشااااكلك.. اببببعدنيي..وهاااني نبه عليييك خليني مازالت مقدرررك خييير ماااانررجع نحاااسبك على كلاااامك متتتااااع بكررري ونخلييييك تندم انك عرفت وااحد كيفيييي.. ماااالااا كيمااا نبهههت عليييك حتى كلااام رب العاااالمييين معااادش تحكيييه معايااا.. ومن اللحظة لي نرجعوووو فيهاا لتوننننس.. تنسااااني وتبعد ثنييييتيييي... "
وخرت بخطواتي لتالي نغزر لباب بيتو لي تلطخ.. جمدت فبلاصتي مانجمتش نتحرك من كلامو لياا وين حسيت بوجيعة قوية ف قلبي لدرجة انو النفس ضياق بيااا ولي وزاد علياا دموعي لي تحبسو وزادو خنقوني.. بقيت واقفة نرعش بكلي على بلاصتي مش فاااهمة لي صااار توو بلحق ولا نحلم ولا شنوة بالضبط.. حسيت بيد خالد لي شدتني من مرفقي وسندتني وقت فقدت توازني لتالي يحكي
خالد:" لارين رد باالك..."
حليت شفايفي بالسيف وحاولت بالجهد بش نخرج صوتي نحكي
انا :" خ..خالد خرجني من هناا.. نحب نتنفس.. حاسة روحي مخنوقة برشة.. خرجني من هنااا "
كبس على مرفقي يحكي
خالد:" ايجاا معايا.. ايجااا "
حركت ساقياا بالسيف وبقيت نتبع فيه وانا مش حاسة بشي.. للحظة حسيت روحي كاني ف دوامة قاعدة تسحب فياا.. بقيت نمشي ومانيش منجمة نغزر قدامي من وراء الدموع لي بقاو محصورين ف عينيا وماحبوش ينزلو.. شديت ف الكرسي لي قابلني وقت حسيت ساقيا رخت بياا والدنيا صارت ضبابة قدامي.. حتى خالد لي شدني وبقى يحكي معايا ماحسيتش بيه..كاني غبت ف دنياا أخرى كان كلامو بقى يتعاود ف وذنياا مرة وثنين وثلاثة بالتفصيل...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
