#عيسى_يحكي
طبست راسي وعديت بعينيا عليها وين شفتها نعست..خذيت نفس طويل وغزرت لنهار لي طلع واحنا مازلنا قاعدين.. عديت بيدي على خدها وطبطبت علاها نحكي
انا :" لارين.. لارين فيق "
حشات راسها ف صدري ودورت بيداها على كرشي تحكي
لارين :" اففف خليني راقدة "
انا :" وتنفخ زادة؟ قوم خلينا نروحو "
شديتها اول مابعدت نحكي
انا :" بالشوي لا تطيح"
تثاوبت وغزرتلي بشطر عين تحكي
لارين :" هياا خلينا نروحو بش نموت بالنوم "
قمت من بلاصتي وشديتها من يداها نحكي
انا :" لارين حل عينك وشد روحك لاتطيح..اطلع فالكرهبة وارقد "
هزتلي براسها باهي وشدت فيدي..حليتلها باب الكرهبة نحكي
انا :" اطلع "
سكرت وراها الباب اول ماطلعت ولفيت من الناحية لخرى.. طلعت بجنبها وين شفتها لفت روحها بالكاب وتكات عالبلار.. غمضت عيناها تحكي
لارين :" سوق بالشوي "
قحرتلها ودورت مفاتح الكرهبة.. عقدت بحواجبي الصوت لي عملو الموتور وقتلي خدمت الكرهبة.. نزلت فيسع وحليت الكبوط.. نفخت بالقوي ك لقيت المحرك سخون بقيت نشوف فيه مش عارف شنعمل.. رسيت على سنيا بالقوي ك سمعتها تحكي
لارين :" ياخي شفما ؟"
لطخت الكبوط سكرتو وقحرتلها نحكي
انا :" جراريك حرفة.. الموتور قاعد يقطع وسخن "
لارين:" شدخلني انا ياخي قربتلها... "
قصيت علاهاا ك طلعت بجنبها نحكي
انا :" الكرهبة عندها قداه واقفة وك خدمت طلعنا بيها ف صعدة كيما هاذي.. فهمت تو ؟"
لارين:" لا.. المهم كيفاه بش نروحو تو ؟"
دورت لمفاتح ورجعت خدمتها نحكي
انا :" بش نروحو بيهاا هكاا و ك نوصل تو نشوف كيفاه نصلحهاا "
ضربتني بيداها على كتفي تحكي
لارين :" فجعتني وانا قلت بش ترصيلناا مروحين على ساقينا "
قحرتلها نحكي
انا :"اسكتي خير مانخليك بلحق تروحي على ساقيك"
تكات براسها عالبلار تحكي
لارين:" هاني بش نرجع نرقد "
بقيت نسوق بالسياسة بش الكرهبة ماتاقفش بيناا حتى وصلناا..راكيتها قدام الدار وغزرتلها نحكي
انا :" لارين اهبط "
حلت عيناها وهزتلي براسها باهي.. نزلت معاها ودخلنا للدار.. غزرتلي تحكي
لارين:" ندخل نرقد شوي وبعد تونقوم نلم كل شي "
عديت بعينيا عليها نغزر لوجهها كيفاه تاعب وعيناها حمر..نحكي
انا :" برا ارتاح هانا مازلنا لمهم حتى فليل"
لارين :" باهي عيشك عيسى "
هزيتلها براسي اي من غير حتى كلمة.. ريتها ك حطت الكاب على جنب ودخلت لبيتها.. دخلت لبيتي انا زادة سكرت الباب وراياا ونحيت مريولي رميتو على جنب دخلت طول لسالدوبان عملت دوش خفيف وريقلت أموري لكل ورجعت للبيت.. لبست شورط وترميت عالفرش.. خذيت تاليفوني وحطيت رقم خالد بش نخبرو عالكرهبة ومني نسالو كان وصل لحاجة..شوي وقت ورد علياا يحكي
خالد :" وااا عم الحوت.. وينك شعامل "
انا :" هاني خالود..وينك انت لباس؟"
خالد :" والله لباس.. كنت ناوي نطلع النهار مليح ونكلمك "
هزيت روحي وتقعدت نحكي
انا :" علاش ؟ وصلت لحاجة عالطحان لآخر "
خالد :" تنجم تقول.. غدوة صباح يكون عندك.... "
قصيت عليه نحكي
انا :" علاش غدوة؟ وينو هوتو ؟"
خالد :" جون صاحبي شافو ف وتيل.. وانا كلمت شكون يخدم غادي بش يتاكدلي اذا بلحق هو غادي ولا لا.. من هناا لغدوة نكلمك ونقلك ايجاا "
كبست عالبونية متاعي بالقوي نحكي
انا :" خالد انا مانجمش نجي.. الكرهبة تاع *** وقفت الصباح مانجمش نسوق بيها مسافة بعيدة "
خالد :" باهي وسع بالك خلاها الكرهبة عادي.. شرايك نجيك انا ليوم منو نعديو نهار مع بعضنا خاطر توحشتك.. واهوكا غدوة كان سمعت حاجة نخرجو مع بعضنا طول "
عديت بيديا على وجهي نحكي
انا :" اي ايجاا خليناا نتقابلو قبل مانروح "
خالد :" باهي مالا من هناا للعشية نكون حذاك "
انا :" نستناك "
علقت عليه التاليفون وتسطحت بش ناخذ غمضة.. غمضت عينيا وين غفيت بالوقت من التعب.. رجعت حليت عينيا على صوت الباب لي دق.. هزيت روحي شوي وغزرت للوقت وين لقيت روحي راقد اكثر من ثلاث سوايع..تنهدت بالشوي ك سمعت صوتها تحكي
لارين:" عيسى.. ياعيسى وينننك "
قمت من بلاصتي خذيت مريولي لبستو وقربت حليتلها الباب وين شفتها قدامي.. ضحكت تحكي
لارين:" ماتقليش كنت راقد وانا فيقتك ؟"
قحرتلها نحكي
انا :" يعني لا يزي مصبح من جرتك وخالطة علياا تو تفيقي فياا.. شتحبي ؟ مش خليتك بش ترقدي ؟"
ذبلت عيناها فيا ووطات ف صوتها تحكي
لارين:"رقدت والله وتو فقت.. طار علياا النوم وقلقت وحدي "
عديت بيديا الزوز على وجهي نحكي
انا :" والمطلوب تو ؟"
لارين :" المطلوب تجي حذايا شوي.. انا هاني ماشية للشط بش نلم الطاولة "
انا :" باهي شوي ونخلط عليك "
هزتلي براسها باهي وجرات من قدامي.. رجعت للبيت وسكرت الباب ورايا.. دخلت لسالدوبان غسلت حالتي وريقلت أموري ورجعت للبيت هزيت تاليفوني وين شفت ميساج من خالد انو قريب يوصل.. جاوبتو وخرجت عديت بعينيا عالدار وخرجت لبرا وين شفتها مطبسة تلم فالطاولة.. قربتلها شوي نحكي
انا :" خالد جاي فالثنية وقريب يوصل "
هزت راسها معاياا وغزرتلي تحكي
لارين:" بلحق؟ علاش جاي ؟"
انا :" بش يجيبلي قطعة بش نصلح الكرهبة لي وقفت"
لارين :" اا اوكي..مرحبا بيه "
انا :" لارين مانوصيكش.. تفركيح قدامو لا "
غزرتلي على جنب تحكي
لارين:" تهنى.. ياخي مش وعدتك انا "
انا :" باهي تو نشوفو "
ضحكت وعطاتني الاصحنة تحكي
لارين:" انت دخل هاذم "
تبسمت وهزيتلها براسي باهي..خليتها واقفة ودخلت للدار تعديت طول للكوجينة وحطيت الاصحنة.. اول ماخرجت بش نرجع حذاها وقفت على صوت الباب لي دق وين عرفتو خالد وصل.. حليت عينيا على وسعهم اول مافتحت الباب وشفت شكون قدامي..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
