#مايا_تحكي
عديت بعينيا عليه وبقيت نخمم ف كلامو لي خلاني نتحمس.. فكرة اني نفتح محل هناا متاعي اناا نخدم فيه ونبيع للناس خدمتي خلاتني نفرح خاطر هذا بلحق حلمي الوحيد.. من لي كنت صغيرة وانا نحب الطين وريحتو كنت نبدا غاطسة فيه مع مادلين نتفرج فيهاا كيفاه تبدأ تصنع وتطلع من الطين برشة أشكال من الفخار غير طريقة الزينة متاعهاا لي كانت مشهورة بيهاا ولي علمتهالي وخلاتني نصير كيفهاا.. اصلا بعدها هي مابقالي شي ف حياتي كان الموهبة هاذي لي وريتها منهاا على هذاكا تمنيت كان نوصل خدمتها للبلايص لكل.. اصلا كل مانتفكر اني سلمت ف المحل متاعها نحس قلبي يوجعني اما لي مصبرني وجود لارين بجنبي خاطر هي زادة سلمت ف برشة حاجات على هذاكا ماحبيتش انا نسلم فيهاا.. تنهدت بالشوي وقت رجعت تذكرت فكرة نزار لي نتمنى اني نعمل بيهاا اما المشكلة الوحيدة منين بش نجيب فلوس بش نقرأ رغم امها فترة صغيرة اما يلحق ماعنديش ومستحيل نطلب من اي عبد والخدمة صعيب نلقى تو.. اصلا مانيش عارفة منين بش نلوج ولا شنوة انجم نخدم انا غير الفخار.. فقت من سرحتي على صوت رينو تحكي
لارين :" مايا شرايك ف فكرة نزار..انا من رايي انها فكرة باهية.. خلينا نمشيو غدوة للمدرسة ونشوفوها؟"
عديت بعينيا عليهم ورجعت غزرتلها.. عضيت على شفايفي نحكي
انا :" انا من رايي خلي نزار هو لي يسأل قبل قداه الشهر قراياا مدام يعرف شكون غادي "
غزرتلو يحكي
نزار :" اكيد تو نسألك.. وكان المشكلة الوحيدة هي لفلوس ماتخممش انا تو نقلو ينقصلك.. صدقني هاذي فرصتك ماياا.. خاطر كيما قتلك بعد ماتقرا يعطيوك مبلغ تحل مشروعك بيه وتبدأ خدمة.. d'ailleur المدرسه هاذي فيها كل شي لخياطة..الطبخ.. الفخار.. تنجم تسال علاها وتشوف قداه هي معروفة "
عديت بعينيا عليه نحكي
انا :" وبعد مانحل المشروع كيفاه نرجعهم لفلوس "
مط شفايفو يحكي
نزار :" اول ثلاث شهور ماياخذوش حتى انت تاقف على ساقيك.. بعد تولي تخلص كل شهر شوي نظن على عامين تبقى تخلص.. التفاصيل هاذم لكل خلاهم على جنب تو.. اقرا الساعة وخوذ شهادتك وبعد ساهل انا نوعدك نعاونك بعد بش مشروعك يكمل "
تبسمت نحكي
انا :" بلحق نزار ؟"
نزار :" والله بلحق.. غير انك قدم ماترخش.. امشي سجل وماتخممش ف الفلوس انا تو نحكي مع صاحبي لي غادي "
عديت بعينيا عليهم وغزرت لرينو ك ضحكت.. كبست بيديا على ركبتي من الفرحة لي كانت مخلطة بتوتر ورجعت غزرت لنزار نحكي
انا :" باهي ميسالس تحكي معاه وتكلمني بش نطمن اكثر ونعرف شنوة نقرر "
هزلي براسو باهي وضحك يحكي
نزار :" باهي بعد تو نكلمو ونطلب لارين ف الليل نقلها شنوة قلي "
انا :" مرسي نزار عيشك "
عدا بعينيه علينا يحكي
نزار :" ماعملت شي.. انا نفرح ك نرا بنات صغار هكا يحبو يخدمو خاصة ك نلقاهم موهوبين كيفكم.. المهم انتوما كملو واعملوا عزيمة... "
غزر لرينو ورجع يحكي
نزار :" لارين انا متأكد انك خدامة.. اما خليني نزيد ننصحك انا نحب الانضباط والجدية.. وقت الخدمة خدمة ووقت الراحة راحة.. ومذابياا انت تكون هكا زادة.. انا عندي ثقة كبيرة فيك ومتاكد انك بش تنجح ف اول خدمة ليك معايا غير نحبك تركز وماتحط شي قدامك كان انو وراء مسؤولية كبيرة واني معمل عليك "
تبسمت ك ريتها دخلت بعضهاا ك العادة ووجها حمار شوي.. فركت يداها تحكي
لارين :" تهنى نزار نوعدك بش نكون قد المسؤولية هاذي وخدمتي بش تعجبك "
نزار :" انشالله لارين "
رجع غزرلي يحكي
نزار:" وانت مايا الليلة نكلمك ونقلك شنوة تحضر.. نحبك تخمم وتمشي تسجل ف أقرب وقت "
تبسمت نحكي
انا :" باهي انشالله "
عدا بعينيه عليا وتبسم.. رجع غزر لرينو يحكي
نزار :" لارين خلينا نرجعو لموضوع العقد... "
ريتو ك جبد ورقة من الدرج وعطهالهاا وين هي خذاتها من يديه..يحكي
نزار :" نحبك ك تجي المرة جاي تجيب الأوراق هاذم بش نحضرو العقد و بالنسبة ل salaire بش يكون اول مرة 800د هذا غير الحوافز بالطبيعة ومع الوقت ال salaire بش يزيد اكيد.. يساعدك هكاا ؟ "
تبسمت تحكي
لارين :" اكيد يساعدني.. مرسي نزار "
عديت بعينيا عليها نغزرلها كيفاه فرحانة وين حسيت روحي انا زادة فرحت خاصة ك شفت ضحكتها واللمعة فعيناها كيف قبل وقت تفرح.. اصلا حسيت روحي بلحق تو وين ارتحت ك الأمور مشات مريقلة معاها وتفاهمت مع نزار وأنها بش بدات خدمة سايي.. صحيح اول مرة خفت خاطر حسيت الخدمة صعيبة شوي اما انا متأكدة رينو قداهاا اصلا انا ناوية نعاونهاا ف اي حاجه هي تستحقها المهم نراهاا ناجحه كيما حسيت روحي فرحت بفكرة خدمتي ولي فرحني أكثر فازة رينو كيفاه مانساتنيش وانهاا جابت حتى تصاور خدمتي معاهاا ف اللحظة هذيكاا حسيت روحي ماندمتش ولقيت احست قرار انا خذيتو ف حياتي انا نكون مع رينو وين ماهي تكون تحت أي ظروف.. خاطرتي متأكدة رينو مش بش تسلم فياا وبش تبقى معايا.. اصلا فرحتنا وحدة من لي كناا صغار.. نور ومادلين رباوناا على اساس انو احنا خوات وأكثر.. على هذااكا انا بش نبقى ديما معاها وف ظهرها قدام الكل.. كيف ماهي مانساتنيش انا مانيش بش ننساها حياتي لكل خاطر ديما نقول رينو أمانة نوري عندي..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
