#مايا_تحكي
حطيت اخر كعبة بريك ف المقلاة وبقيت نحرك فيها كيما علمتني عمتو.. ليوم بلحق حسيت روحي عملت جو معاها رغم انو كل شي جديد عليااما قاعدة نتعود فيسع..اول ماجيت ماتوقعتش اني بش ندخل روحي بيناتهم لهدرجة اما تصرفات عمتو معايا خلاوني نحس براحة كبيرة.. حتى عمو جابر لي حاسبني كيما رينو.. ورغم اني مش نفس ديانتهم قبلوني معاهم خاصة ليوم خلاتني عمتي نعيش ونحس جو رمضان بلحق بالقضية معاها وكيفاه علمتني نطيب اصلا خلاتني ندور ف الكوجينة كاني انا صاحبة الدار.. كيما انا لقيتها فرصة بش رينو ترتاح خاطر ليوم ظاهر علاها التعب.. ورغم اني ساعات نتقلق من سميحة وبنتها لي خلطت علينا اما مانحبش نركز معاهم ياسر خاطر نعرف غايتهم وزيد مانحبش نشغل رينو معاياا.. تلفتت لعمتي بجنبي وين شفتها طفات عالغاز تحكي
غالية :" وهاذي الشربة حضرت.. مايا بنتي متأكدة ملحهاا باهي ؟"
تبسمت نحكي
انا :" اي عمتي ذقتها والملح متاعها قدقد.. اصلا هاذي ابن شربة بالحوت نذوقهاا "
غالية :" هياا باهي صحة لبنتي.. خليني نكمل مالا نفوح السلاطة الخضراء وزيد ذوقها انت وقلي "
ضحكت نحكي
انا :" هههه باهي عمتي تو نذوقها "
نفخت بالشوي ك سمعت صوتها ورايا تحكي
سميحة :" ياخي لارين شبيها لتو راقدة؟ ف عوض تقوم تحضر الطاولة.. انا يدي واحلة بش نكمل الكفتاجي ونحضر سلاطة امك حورية..مانجم نعمل شي "
غالية :" فيق رانية تحضرهاا "
سميحة :" رانية تاعبة روحت بعد العصر من الليسي وزيد غدوة تقرا بكري مش كيف لارين ماوراها شي "
هبطت كعبة لبريك وطفيت عالغاز.. تلفتتلها نحكي
انا :" تو نحضرها انا الطاولة.. ماهيش حاجة كبيرة "
غزرتلي على جنب تحكي
سميحة :" عندك حق تقولي هكاا وانت ريقك مبلول مش كيفناا "
قحرتلها وغزرت لعمتو ك رمات المنديلة وقربتلها تحكي
غالية:" شوفي سميحة صلي عالنبي ولافايدة.. ماتقربيش المغرب وتعملي مشاكل.. الواحد صايم مش ناقص عياط وفضايح قدام صاحب عيسى "
سميحة :" عليه الصلاة والسلام.. وهاني سكتت ماو كلامي مايعجبش انا "
مسحت يدي وغزرت لعمتو نحكي
انا :" عمتي انا نمشي نفيق رينو ونبدل حوايجي ونجي نحط الطاولة "
هزتلي براسها باهي تحكي
غالية:" باهي ياماما برا "
تبسمت وخرجت طول بش مانزيدش نسمع سميحة ونوتر روحي يزي ماتحملتهاا ليوم نهار كامل وهي ورايا بكلامها التافه..دخلت لتوالات وقربت للسبالة غسلت حالتي وبقي وريقلت أموري وخرجت طول للبيت.. اول مادخلت تبسمت ك ريتها مازالت راقدة لتو.. سكرت الباب وراياا وقربتلها.. قعدت بجنبهاا ومسحت على شعرها نحكي
انا :" رينو.. رينو ايا فيق ياروحي "
تململت شوي وحلت عيناها.. هزت راسهاا شوي تحكي
لارين:" مايا قداه الوقت تو ؟"
انا :" المغرب قريب.. ايا قوم اغسل حالتك وبدل حوايجك وتوضى "
هزتلي براسها باهي تحكي
لارين :" حاسة روحي مازلت ناقصة نوم عالللخر "
عقدت بحواجبي نحكي
انا :" لارين كيفاه بش تعمل غدوة مالا ؟ بش تمشي لنزار وانت داهشة هكا شنوة بش يقول ؟"
هزت روحها أكثر ورجعت شعرها لتالي.. تنهدت بالشوي تحكي
لارين:" مانعرفش والله.. حتى انا بكري خممت فيها لحكاية "
انا :" الليلة مش لازم نخرجو كلم Joseph وقلو خلي غدوة.. الليلة ارقد بكري ماتسهرش "
لارين :" اي حتى انا قلت هكاا.. نحاول الليلة نرقد بكري مش كيما البارح.. اما المشكل ف السحور كان نفيق مانرجع نرقد كان بالسيف "
مسحت على شعرها نحكي
انا :" ميسالش ياروحي تحمل شوي "
لارين :" باهي وأمان فكرني بعد نجبد رسوماتي لكل هو قلي جيبهم معاك "
انا :"باهي تو نفكرك..اما شنية ناوية تقول لعم جابر؟"
هزت بكتافها تحكي
لارين :" مانعرفش.. تو نقلو خارجة انا ومايا بش نشريو حاجة "
مطيت شفايفي نحكي
انا :" لا لا مش بش يصدقك هكا.. قلو لقيت معرض بش تهز توريهم رسوماتك وفرد وقت بش نتعداو نشوفو محلات الخزف يعني ف حال كان وخرناا هكا مايشكش "
عدات بعيناها علياا تحكي
لارين :" اي فكرة.. تو نقلو هكا مالا "
هزيتلها براسي باهي وقمت من حذاها نحكي
انا :" باهي هيا قوم رينو معادش وقت "
بعدت الملحفة من فوقها وقامت.. تبسمت ك ريتها قربت باستني من خدي تحكي
لارين :" راك تعبت ليوم وحدك؟"
انا :" مانيش وحدي عمتو معايا.. وزيد قتلك الف مرة معادش تخمم فياا انا معادش غريبة "
هزتلي براسها باهي وضحكت تحكي
لارين:" اوكيتو.. هاني خرجت "
هزيتلها براسي باهي وغزرتلها ك خرجت.. قربت للخزانة جبدت جبة نظيفة لبستها وريقلت أموري لكل..لميت شعري لفوق ورشيت شوي برفان وخرجت طول للكوجينة.. قربت لعمتي نحكي
انا :" عمتي وينو سرفيس الشربة "
غالية :" دقيقة تو نمدهولك "
هزيتلها براسي باهي وغزرتلها ك حلت لخزانة وجبدتو.. خذيتو من يداها نحكي
انا :" حضرلي انت الباقي تو نجي نكمل نهز انا "
غالية :" باهي ياماما "
تبسمت وخرجت من حذاهاا.. حطيت السرفيس على جنب وفرشت الناب لل لقيتو فوق الطاولة.. اول ماكملت بقيت نحط ف السرفيس بطريقة منظمة ومزيانة وفرد وقت ندندن.. تهزيت وتحطيت عالجهامة لي قريتلي وزفرت ف وذني وين طيحت لمغارف من يدي.. حليت عينيا على وسعهم اول ماتلفتت وشفتو هو قدامي.. للحظة حسيت روحي غزلت وكان لقيت نهز لمغرفة نحطها ف عينيه لي قاعدة تغزرلي تو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
