#جيهان_تحكي
هزيت الكاسة بعد ماعبيت شوي من المشروب وقدمت وين الفوتاي.. نفخت بالشوي ك ريتو باقي يرعش ووجهو اصفر..حطيت الكاسة قدامو وقعدت بجنبو نحكي
انا :" Jack..تنجم تفهمني شبيك خايف هكاا ؟"
عدا بيديه الزوز على وجهي وقحرلي يحكي
جاك :" شوف انت ماتحكيش معايا خير تو.. سمعت كلامك وندمت "
تكيت بظهري لتالي وضحكت نحكي
انا :" ك تتفكر لفلوس لي خذتهم مني تو ماتندمش.. غير لفلوس لي خذيتهم من عند خالد بش ماتشكيش.. ف بالك مانيش بش نسمع انو خالد عطاك فلوس حق سكوتك "
حل عينيه فيا يحكي
جاك :"اي خالد عطاني وخليني نفكرك لي انت دفعتلي كان حق الضرب لي كليتو من جرتك مازال بيناتنا حساب اخر.. ساعة علاش كذبت علياا وقتلي وحدهاا الطفلة؟ علاش ماقتليش معاها واحد جادور هكاكا.. خشمي تكسر من وراه "
عوجت شفايفي نحكي
انا :" اولا مافيباليش بش يعمل فيك هكاكا.. انا قلت تو يدور علاهاا هي وتصير مشكلة بيناتهم.. ثانياا ف بالي بيك تعرف تدافع على روحك ياخي طلعت حلاويسة "
قحرلي يحكي
جاك :" على اساس هو خلالي فرصة بش ندافع على روحي.. الراجل ك الغول هد علياا "
ضحكت وعضيت على شفايفي نحكي
انا :" ريت محلاه..عينيا بش تطلع عليه من نهار الطيارة.. وهو شاددلي جنب فر/خة بوهالية ماجات شي "
جاك :" انا شدخلني فيكم.. اصلا شوف انا وين وانت وين.. رانا عملناا مصيبة ليوم كان نسيت "
نفخت بالقوي نحكي
انا :" مصيبة شنوة ؟"
وقف من بلاصتو وحل عينيه فيا يحكي
جاك :" ياخي تتبهلل.. الطفلة لي دزيتهاا ف البحر كن جرتك.. شوف كان حية ولا ميتة... "
قصيت عليه ك قمت من بلاصتي نحكي
انا :" جاك ياخي على شكون تكذب ؟ عليا ولا على روحك ؟ كل شي من جرتي على اساس انت صغير ترضع ف صبعك؟ انا وقت قتلك برا قلقهاا انت كنت تستنى فيهاا بش ترجع لي عملو فيك عيسى.. لقيتها فرصة بش تاخذ حقك لي طيحهولك هو قدام الناس.. مالا ماترميش كل شي علياا "
رجع قعد وعدا بيديه على شعرو يحكي
جاك :" باهي شنوة الحل تو ؟ ساعة زعمة شصارلها الطفلة حاسس روحي مرعوب "
خذيت الكاسة من قدامو وعملت رشفة نحكي
انا :" الطفلة لباس علاهاا.. كلمت دانيال قلي هانا ساهرين حذا خالد..وصوت خالد بجنبو يضحك ويغني.. نتصور كان ماتت راو الوضع كان غير "
تنهد بالقوي يحكي
جاك :" على اساس اطمنت انا هكا ؟ حية ولا ميتة انا ف مصيبة.. اكيد راي حكاتلهم لي صار وزيد الكاميرا متاع القهوة لمقابلة راي صورتني.. تصور يشكيو للبوليس "
قعدت بجبنو نحكي
انا :" انا متأكده انهم مش بش يخبرو الشرطة "
عدا بعينيه عليا يحكي
جاك :" مالا ؟"
تبسمت نحكي
انا :" خالد وعيسى هوما لي بش يحاسبوك.. واحد كيما عيسى ماهوش بش يجري للبوليس يشكي.. النوع متاعو ياخذ حقو بيديه "
حل عينيه فيا وبلع ريقو يحكي
جاك :" ش..شنوة ؟ شبيك تحكي فيها فرحانة ؟"
انا :" اففف قداكش خواف جاك.. ياسيدي ماتخافش انا معاك.. شوف انت بش تبقى هناا ف الاوتال هذاا.. وبيتك خالص حقهاا..حتى يهدى الوضع انا تو نتصرف.. وحقك ف لي عملتو ليوم غدوة يكون عندك.. تفاهمناا ؟"
جاك :" انت بش ترجع غدوة غادي ؟"
انا :" اي لازم نرجع نشوف شنوة صاير "
نفخ بالقوي يحكي
جاك :" باهي برا وماتبطاش "
تكيت بظهري لتالي نحكي
انا :" نظن بش نبطى شوي حتى نعمل لي ف راسي.. تو نوريها قباحتهاا الفر/خة.. كل مرة وهي تطول ف لسانها معايا غير حكاية شعري لي مانسيتهالهاش لتو.. تو نعرفها قدرها مليح "
جاك :" على شنوة ناوية انت؟"
هزيت بكتافي نحكي
انا :" مانعرفش..مازلت نخمم "
جاك :" جيهان يزي من المشاكل "
هزيت بحاجبي نحكي
انا :" انت خليك بعيد.. هاذي أموري ماتتدخلش "
جاك :" تي الطفلة صغيرة علاش حاطتها ف مخك.. هانا رعبناها ليوم يزي "
انا :" مايزيش..مازلت نغزل علاهااا ليوم واقفة قدامي وتطول ف لسانها.. تعملي عيسى معايا انا..مالا كان خليتو معاهاا انا مانتسماش جيهان "
جاك :" الراجل بيها ولا بلاش مطفيك "
قحرتلو وتبسمت على جنب نحكي
انا :" اولا انا نعرف كيفاه نجيبو لثنية.. ثانية ميسالش خليه يبقى مطفيني..المهم نفسدهاا علاهاا.. هكا انا نبرد منهاا "
قام من بلاصتو وغزرلي يحكي
جاك :" انا بش نرقد شوي.. اخرج "
انا :" هاني ماشية.. وانبه عليك رد بالك تخرج "
قمت من بلاصتي ووقفت قدامو ورجعت نحكي
انا :" راو تخرج ويشدوك انا ماندخلش.. ورد بالك تجبد اسمي ياجاك.. ماتنساش انت جيت معاياا وماتنجم ترجع كان معاياا.. مالا مانوصيكش "
قحرلي يحكي
جاك :" ماعندي وين خارج ارتاحي "
هزيت بحاجبي نحكي
انا :" انا هاني وصيتك وانت تعرف صالحك "
جاك :" اخرج "
هزيت ساكي وغزرتلو نحكي
انا :" بونوي "
خليتو واقف وخرجت بالوقت من الاوتال.. وقفت تاكسي وشديت ثنية الاوتال لي انا قاعدة فيه وين الشاليه.. تكيت براسي لتالي وبقيت نخمم ف كلام الفرخة كيفاه هي معاه مانيش مصدقة.. ولي غزلني اكثر وقت كذبو علياا على اساس انها اختو بش مانشكيش بيهااا طلعوني بهلولة الزوز.. اما مازال حسابها معايا لي صار فيها ليوم حتى شي..كان مانخليهاش تندم على تفوريخها معايا انا مانتسماش.. على اخر عمري بش تجري وحدة كيفها تعمل فياا هكاا.. ومانيش بش نبرد كان ماناخذش لي حاجتي بيه من عيسى.. خاطر مدام حطيتو ف مخي مستحيل نتراجع حتى نوصل للي نحب عليه..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
