#ادم_يحكي
ميلت راسي وعديت بعينيا عليهاا نغزرلها كيفاه حاطة عيناها فعينيا من غير خوف.. للحظة بقيت نخمم شكوني الطفلة هاذي ومنين طلعت.. اكيد ماهيش من الحومة ولا راي عمرها مافكرت تحكي معايا هكاا.. اما حتى كان ماتعرفنيش هاني بش نخلاهاا تعرفني بش المرة جاي ك تعرضني تبدل الثنية جملا.. ضيقت عينياا فيها نحكي
انا :" مالا انت ناوية تجيبي شكون بش يربيني اناا ؟"
هزت بحاجبها تحكي
مايا :" اي خاطرك واحد قليل تربية وماتحشمش "
انا :" يابنتي لمي لساااانك.. راني مازلت نوسع ف بالي معاك.. كلمة اخرى مانعطيك بونية على جداقك هذاا نطيحهولك "
حلت عيناها فيا وشهقت بالقوي تحكي
مايا :" قااعد تسب فياا انت مش هكاا..جبتهاا لروحك ليوم.. كنت ناوية نسكت ونعديلك خاطر تظهر زوالي.. اما مدامك ماحشمتش.. ليوم نهااارك "
عديت بعينيا عليها نغزرلها كيفاه شعلت وحدهاا.. بعدت علاها وربعت يدي نحكي
انا :" بري جيبلي لي مسخنة بيه كتافك برييي.. كان تحبي جيبيلي عرشك من كبيركم لصغيركم.. تو نوصلكم ب التاكسي هاذي للاستعجالي بش يلموو لي فضل منكم "
عدات بعيناها علياا وقحرتلي تحكي
مايا :" باهي باهي.. مدام حبيت هكاا استنى هناا.. خليني نشوفك كيفاه تبدأ ترعش قدامو "
عديت بيديا الزوز على وجهي وعليت ف صوتي نحكي
انا :" يااا بنتي راني بش نجي نلبزك "
عضت على شفايفها وقحرتلي.. ريتها ك عطاتني بظهرها ومشات تجري.. عقدت بحواجبي مستغرب المهبولة هاذي لي كملت على مرمتي هالنهار.. حليت عينيا على وسعهم وانا نشوف فيهاا ماشية ناحية الورشة لحظتهاا مشيت فيسع بش نشوفها على شنوة ناوية ومنين تعرف الورشة.. هزيت بحاجبي ك سمعتها تحكي
مايا :" عيسى.. يااا عيييسى "
بقيت واقف وراهاا مصدوم مش فاهم هاذي منين تعرف عيسى زادة..قربت فيسع ك ريتو خرج.. عدا بعينيه علينا وغزرلها يحكي
عيسى :" ااا ماياا شبيك شفما ؟"
اشرتلو بصبعهاا علياا تحكي
مايا :" عيسى شوووف.. السخطة هذا يقلق فياا.. قتلو تو نجيبلك شكون يربيك قلي برا جيب انا مانخاف من حد وتو نهزكم للسبيطار "
حليت عينيا فيهاا وغزرت لعيسى لي حل عينيه فيا يحكي
عيسى :" شنوة ؟ علاش قلتلها هكا ؟"
رسيت على سنيا بالقوي وغزرتلها مصدوم نحكي
انا :" هذا لي بش يربيني ؟"
ماايا :" اييي ماتعرفوش انت هذاا.. يشدك حي يسيبك ميت "
غزرتلو وهزيت بحاجبي نحكي
انا :" احلف والله؟"
تبسم وهز يديه الزوز يحكي
عيسى:" هي قالت "
عليت ف صوتي شوي نحكي
انا :" فهمنني انت منين تعرفها المتخلفة هاذي ؟"
قربتلي وهزت يداهاا بش تضربني تحكي
مايا :" انا متخلفة ياقليل التربية ياهامل يا لي ماتحشمش "
هزيت البونية متاعي فوجهها من لعصب لي حسيتو منهاا نحكي
انا :" فمك هذاا بش نهدووو راااني "
مايا :" جرب سعدك تضربني.. مانشكي بيك.. انت ماتعرفش انا شكوووون "
انا :" شكووون سياادتك.. طز حكمة محسووب "
اول ماقربتلي وقف عيسى بيناتناا وعلا فصوتو بالقوي يحكي
عيسى :" يزيييييو شنوووة هذاا.. صغااار نحز فيكم "
وخرت بخطواتها لتالي ورجعت شعرها تحكي
مايا :" عيسى انا جيتك بش تاخذلي حقي.. راو سبني وهاك ترا فيه بش يضربني "
نفخت بالقوي وغزرت لعيسى لي تلفتلي يحكي
عيسى :" ادم شفما؟ علاش تسب فيهاا؟"
انا :" ياا ولدي ياخي تصدق فيهاا.. هي طلعتلي وحدهاا ك شيطان الحكة..طلعت فالتاكسي قتلها اهبطي وحلت "
مايا :" يوحل لسانك فحلقك انشالله.. مش انا كنت بش نهبط اما انت قتلي يامهبولة "
عديت بيديا على شعري وكبست على رقبتي نحكي
انا :" على منظر شكون صبحت هالنهار.. يا للا انا غالط.. اسكتي انت خليه هو يربيني "
عدا بعينيه علينا وغزرلي.. تبسم يحكي
عيسى :" والله وطحت فيدي يا ديزل "
قحرتلو وغزرتلها ك شدتو من مرفقو تحكي
مايا :" عيسى ياخي انت تعرف المناظر هاذم ؟"
رسيت على سنيا بالقوي نحكي
انا :" تسمع فيهاا.. انا منظرررر يااا.... "
عيسى :" ادم لااا.. بالشوي تو نحكي معاها انا "
قحرتلهاا وغزرتلو ك قربلها يحكي
عيسى :" مايا هذا ادم صاحبي وشريكي وكيما خويا"
عدات بعيناها علينا وغزرتلو تحكي
مايا :" مدام هكاا تو نمشي نشكي بيه لعم جابر "
حليت عينيا فيهاا وغزرتلو نحكي
انا:" لاا هاذي مباصية صافي ياا زحي "
دوب تبسم وغزرلها يحكي
عيسى :" باهي وسع بالك.. هو اكيد مايقصدش لي عملو خاطر مايعرفكش.. كان جا يعرفك راو ماقالش هكاكا.. وياللا امسحهاا فياا "
رجعت شعرها لتالي وقحرتلي.. رجعت غزرتلو تحكي
مايا :" باهي مالا قلو يطلب مني السماح "
عليت ف صوتي وقربتلها نحكي
انا :" لاااا انت تحلمي.. ننصحك برك كملي نومتك وتغطي مليح "
قربتلي ووقفت قدامي.. حطت عيناها ف عينيا تحكي
ماايا :" مالا اختار يانقول لعم جابر ياتوصلني "
كبست عالبونية متاعي بالقوي نحكي
انا :" بري العبي بعيد.. مانيش شوفور متاعك "
قحرتلي وغزرت لعيسى تحكي
مايا :" عيسى انا خارجة مع رينو بقضية ومالقيناش تاكسي.. قلو يوصلناا "
عدا بعينيه علاها يحكي
عيسى :" وين ماشين ؟"
انا :" قالت ماشين للكنيسة.. مافيباليش لارين تعبد فالصنب "
مايا :" انت هو الصنبة.. ك بيك ك بلاش "
عديت بيديا الزوز على وجهي برشة مرات نحكي
انا :" لا إله إلا الله.. صبرني يارب"
ريتو ك قربلي وحط يديه على كتفي يحكي
عيسى :" ديزل افهم.. هاذي مايا صاحبة لارين لي قتلك جات معاها بش تستقر هناا وهي مسيحية فهمت ؟"
غزرتلها ورجعت غزرتلو نحكي
انا :" اي وبعد "
حك على جبينو وغزرلي درا كيفاه يحكي
عيسى :" وبعد كان تعمل مزية.. اخطف روحك وصلهم "
ضغطت على يدي بالقوي من لعصب لي حسيتو منو هو لي زاد علياا ليوم كانوا عامل بلعاني...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
