#لارين_تحكي
حطيت صحن المقروض عالطاولة وقعدت بجنب مايا وعمتي.. هزيت حفنة لوز وتكيت براسي على كتف عمتي ناكل ونتفرج معاهم ف الاخبار بش نعرفو كان غدوة رمضان ولا لا.. قلبي ضرب بقوة ك ريتو خرج من البلكونة وقعد مقابلني..عقدت بحواجبي مستغربة ك ريتو عدا بعينيه علياا ودور وجهو فيسع..ماركزتش معاه ياسر وهزيت تاليفوني حطيت رقم نزار نغزرلو وندعي يطلبني.. تنهدت بالشوي وهزيت راسي وين شفتو كيفاه يعدي فيه بين وجهي والتليفون.. قحرتلو وخبيت تاليفوني تحت لمخدة لي بجنبي.. غزرت لمايا ك قربتلي تحكي
ماايا :" شوف انا نفهم تونسي ونحكي اما العربية الفصحى لي يحكي بيها الراجل هذاا مافهمت شي منها "
ضحكت نحكي
انا :" هههه تحب لحق حتى انا فما كلمات مافهمتش "
غزرت لسمحية ك قحرتلنا تحكي
سميحة :" اسكتو خليونا نسمعو "
عوجت شفايفي نقلد فيهاا كيفاه تحكي.. غزرت لعمتي ك ضحكت وضربتني بالشوي على فخذي تحكي
غالية:" يا لفعة "
ضحكت ورجعت تكيت براسي غزرت لجابر نحكي
انا :" جابر ؟"
تلفتلي وتبسم يحكي
جابر :" اا ضي جابر "
تبسمت على كلمتو لي صرت نحبها أكثر نحكي
انا :" كلمني Joseph بكري.. قلي كان غدوة رمضان بش نخرجو بعد شقان الفطر "
استواء ف قعدتو وعدا بعينيه عليا يحكي
جابر :" وين بش تمشيو ؟"
انا :" للمدينة العربي "
هزلي براسو باهي يحكي
جابر:" باهي ميسالش.. لمدينة العربي تبدأ حافلة ردو بالكم على رواحكم برك "
تبسمت نحكي
انا :" عيشك جابر ربي يخليك "
جابر :" ويخليك لياا ياضي جابر "
ضحكت ورجعت غزرت قدامي وين شفتو قحرلي وحدو.. تلفتت على صوت رانية ك صاحت بالشوي تحكي
رانية :" غدوة رمضان اهوكاا كتبووو "
ريتها ك طبست باست جابر تحكي
رانية :" كل عام وانت بخير باباتي.. رمضانك مبروك "
ضحك ومسح على شعرها يحكي
جابر:" عيش بنتي الغالية "
عديت بعينيا عليهم نغزرلهم ك ضحكو وبقاو يهنيو ف بعضهم فرحانين.. لحظتهاا حسيت بغصة شدتني فحلقي وقت تفكرت نور كيفاه كنت نهنيها ونفرحو مع بعضنا.. ف لحظة وحدة استرجعت كل رمضان عديتو معاها لغاية آخر رمضان وين حسيت روحي فقدتها الليلة أكثر وبلاصتها ظهرت أكثر.. على قد ما دايرين بياا عباد تو حسيت دنيتي فرغت فجأة خاطر هي مش موجودة بجنبي.. عديت بصوابعي على عينيا نمنع ف دموعي بش مايهبطوش وغزرت لعمتي ك قربتلي تحكي
غالية :" رمضانك مبروك ياماما.. هذا احلى رمضان خاطر بيناتنااا "
بلعت غصتي وشديت دمعتي بالسيف نحكي
انا :" ر..رمضانك مبروك عمتي "
غزرت لجابر ك وقف وقربلي يحكي
جابر :" رمضانك مبروك رينو.. وبلحق هذا احلى رمضان ف حياتي خاطر اللمة كملت بيك "
قمت من بلاصتي ودوب تبسمت نحكي
انا :" عيشك جابر "
غمضت عينيا على يديه لي دارت علياا وجبدتني وين حسيت بقلبي وجعني خاطرني ماحسيتش بكلامهم خاطري عكسهم وقتلي هوما فرحانين ويشوفو انو هكا احلى رمضان انا مانيش نرا فيه هكاا بالنسبة ليا هذا اخيب رمضان واخيب عام ف حياتي.. باسني من راسي وبعد علياا يحكي
جابر :" ربي يخليك ليا ياروحي "
دوب تبسمت وهزيتلو براسي اي.. حسيت روحي مانجمش ننطق من وراء الغصة لي كانت ماكنتني.. رجعت قعدت وبقيت نغزرلهم كيفاه يحكيو ويضحكو.. طبست راسي على يد مايا كيف شدتني وكبست علياا تحكي
مايا :" الله يرحمهاا.. هاني انا معاك "
حطيت يدي لخرى فوق يداها وهزيتلها براسي اي نحكي
انا :" الله يرحمها "
تكيت براسي على كتفها وغزرت قدامي وين عينيا جات ف عينيه.. عدا بعينيه علياا وغزرلي درا كيفاه.. تلفتت على صوتو ك دخل يحكي
عزيز :" رمضاااانكم مبروك يا قوم "
قحرتلو ودورت وجهي.. غزرتلو ك دخل سلم علاهم لكل حتى وصل قدامي.. تبسم على جنب يحكي
عزيز :" رمضانك مبروك رينو "
رسيت على سنيا بالقوي نحكي
انا :" وانت زادة "
عدا بعينيه عليا وغزر لمايا.. ضحك يحكي
عزيز :" عسلامة.. انت صاحبة رينو مش هكا ؟"
غزرتلي ورجعت غزرتلو..تحكي
مايا :" اي انا "
عزيز :" نتشرفو..انا عزيز ولد غاليوتة وخو عيسى "
مايا :" مرحباا نتشرفو "
ضحك يحكي
عزيز :" رمضانك مبروك ساعة... "
غزرت لسميحة ك قصت عليه تحكي
سميحة :" ماياا مايجوزش تقلهاا هكاا خاطرهاا مش مسلمة "
رسيت على سنيا بالقوي نحكي
انا :" تنجم هي تجاوبو عندها لسان "
قحرتلي تحكي
سميحة :" اي قلت ممكن تحشم تقلو هكاا "
مايا :" لا مانا مانحشمش من ديني.. عزيز انا مسيحية مش مسلمة وهاي تاتا سميحة قالت مايجوزش تقلي هكا "
ريتها ك قحرتلناا ودورت وجهها.. غزرتلو ك ضحك يحكي
عزيز :" كلنا خوات.. مسلمة ولا مسيحية ولا حتى يهودية "
تلفتت لجابر كيف علا ف صوتو شوي يحكي
جابر :"عزيييز كان كملت هنيت ايجا اقعد "
غزرلو يحكي
عزيز :" لا خالي انا خارج.. لولاد يستناو فياا "
غالية :"وين عندك تخرج..ياخي ماتفدش من الشارع "
طبس باسها من راسها يحكي
عزيز :" هاو جا رمضان تو تلقاني كل ليلة حذاك غاليوتة "
ريتو ك مشى لسميحة باسها زادة يحكي
عزيز :" سموحتي يابنينة "
ضحكت تحكي
سميحة :" روح قلبي انت "
قحرتلهم الزوز وغزرتلو ك خرج يجري.. نفخت بالشوي وغزرت لعمتي نحكي معاها اناومايا..قلبي ضرب بقوة على صوت تاليفوني لي نوقز..استويت قعدتي فيسع وهزيتو.. حليت عينيا على وسعهم وضحكت من غير مانشعر ك ريت رقم نزار.. غزرت لماايا فيسع نحكي
انا :" ماياا شوف شكون يطلب فيااا "
ضحكت تحكي
مايا :" قوم فيسع هز علييه "
هزيتلها براسي باهي وقمت نجري لحظتهاا ماركزت مع حد وماهمني ف حد.. دخلت للبيت وسكرت الباب وراياا.. كرشي وجعتني اول مارجعت عزرت لرقمو قدامي وين بقيت نظم ف كلامي ونهدي فروحي..
VOUS LISEZ
#مُتمردة_العيسى ❤️🔥 (الستاتي الثاني)
Lãng mạn#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
