#لارين_تحكي
ضحكت على يداها لي دغدغتني.. لحظتهاا بعدت علاها وقمت نحكي
انا :" يزي مانحملش "
ضحكت وقربتلي بش ترجع تدغدغني تحكي
مايا :" ايجاا هنا خليني نحاسبك.. اول نهار جيتو معاك عديتهولي بكاا فعوض تفرح بياا "
قربت بستها من خدها بالقوي نحكي
انا :" هذا لي بيك.. هياا خليناا نخرجو وتو نفرح بيك انا وJoseph "
ماياا :" اي هياا بش نروحو فيسع خاطرني بديت نتعب "
قربت وين لمرايا جبدت تروس مكياجي بش نغطي الضربة لي ف خدي نحكي
انا :" حتى انا بديت نتعب..وحشمت نقول لJoseph خلي غدوة خاطرو من الصباح يستنى "
ريتها من لمرايا كيف طبست تلبس ف باسكاتها وتحكي
ماياا :" لا لا انا نحب نعرفو الليلة مانحبش نستنى "
حطيت لكرام من يدي وتلفتتلها نحكي
انا :" هياا مالا "
وقفت وعدات بيداها على روبتها لي كانت فالازرق طويلة لتحت الركبة بشوي تحكي
مايا :" حلوة الروبة مش هكا ؟"
عديت بعينيا عليها وتبسمت نحكي
انا :" انت بكلك حلوة.. تهبل والله "
رجعت شعرها لتالي وضحكت تحكي
مايا :" مرسي مدموازال رينو "
هزيت ساكي والساك لي فيها كادو joseph نحكي
انا :" هياا "
هزتلي براسها باهي وهزت ساكها هي زادة وخرجنا.. سكرت الباب وراياا وقربنا للصالة وين شفتهم ملمومين كلهم.. تبسمت ك ريتو هز راسو معايا وغزرلي يحكي
جابر :" خارجين ؟"
هزيتلو براسي اي وقربتلو شوي نحكي
انا :" اي.. جابر ماتتغشش خاطرني خارجة اما انا نحب نشوف Joseph "
وقف من بلاصتو وقربلي.. عدا بعينيه علياا وتبسم يحكي
جابر :" وانا مانيش متغشش.. براو اخرجو اما ردو بالكم على بعضكم.. وكان صارت حاجة كلمني "
انا :"ماتخافش..ديجا Joseph يستنى وين النافورة "
هزلي براسو باهي وحط يديه ف جيبو.. ريتو كيف جبد فلوس يحكي
جابر :" شد خلي هاذم عندك "
عضيت على شفايفي نحكي
انا :" لا انا عندي... "
قص علياا يحكي
جابر :" ميسالش زيادة الخير باهية.. خلاهم فوقك "
خذيتهم من يديه نحكي
انا:" عيشك جابر ربي يخليك "
تبسمت ك ريتو قرب لمايا وعطاها هي زادة يحكي
جابر :" وهاذم ليك انت مايا.. من اليوم انت ك رينو مصروفك علياا انا "
غزرتلي ورجعت غزرتلو تحكي
مايا :" عيشك عم جابر.. ميسالش تو نصرف مع رينو "
ضيق عينيه فيها يحكي
جابر :" كنت واحل فوحدة فصحة الراس صارو زوز.. يابنتي يهديك ربي شد..عيب ترجع عليا انا كيما بوك"
ضحكت وخذاتهم من يديه تحكي
مايا :" عيشك عم جابر ربي يخليك "
عدا بعينيه علينا يحكي
جابر :" اياا امشيوا وماتبطاوش..ساعة وترجعو "
هزيتلو براسي باهي وقربت لعمتي بستها من خدها نحكي
انا :" خليك عمتي.. انا ساعة ونجي نحب نشوفك قبل مانرقد "
مسحت على شعري تحكي
غالية :" باهي رينو تو نستناك.. المهم سايسو رواحكم ياماما "
هزيتلها براسي باهي وريت مايا كيف قربت باستها تحكي
مايا :" ماتخافش علاها رينو فعينيا "
غالية :" اناخايفة عليكم الزوز ياماما..نتوما الزوز بناتي"
مايا :" ربي يخليك لينا "
شديت مايا من يداها نحكي
انا :" هياا خلينا نمشيو فيسع "
هزتلي براسها باهي وخرجنا نجريو.. هبطنا ف الدروج فيسع وخرجنا.. خذيت نفس طويل من النسمة لخفيفة وعديت بعينيا عالحومة مرة اخرى نغزر للنساء لي ساهرين قدام ديارهم والرجال لي قاعدين ف القهوة صوت ضحكهم وصال للحومة كاملة غير الصغار لي تلعب للوقت هذاا وتجري.. تلفتت على يد مايا ك شدتني من مرفقي تحكي
مايا :" هاو مازالو ساهرين الناس لبرا "
هزيتلها براسي اي نحكي
انا :" اي يبقاو للاخر ليل هكاا "
مايا :" هيا كلم Joseph شوفو وين "
انا :" بعثلي ميساج ويستنى فيناا "
هزتلي براسها باهي وبقينا نتمشاو وفرد وقت نوري فيها ف المحلات.. نحكي
انا :" غادي وين فطرت انا وجابر اول نهار.. وقتها شرالي فطيرة بالسكر والعسل..وبعد هزني معاه للمرشي خذالي الغلة لي انا نحبها "
ريتها ك عدات بعيناها علياا ساكتة.. تبسمت نحكي
انا :" كان تحب غدوة تو نهزك تذوق فطيرة "
هزتلي براسها باهي من غير حتى كلمة.. خذيت نفس طويل وبقيت نمشي ساكتة.. قلبي ضرب بقوة اول ماوصلت قدام ورشتو لي كانت ضوها يشعل لبرا وين لمحتو قاعد هو صحابو لبرا.. دورت وجهي فيسع اول ماشفتو هز راسو معايا وغزرلي..شفت مايا كيق غزرتلو ورجعت غزرتلي تحكي
مايا :" هذيكا ورشتو ؟"
انا :" امم "
مايا :" هاي بجنب الدار.. وانا ف بالي بعيدة "
انا :" لا مش بعيدة "
هزتلي براسها باهي ورجعت غزرت وين الورشة.. قحرتلها نحكي
انا :" معاادش تغزر "
تبسمت وهزتلي براسها باهي.. تنهدت بالشوي وبقيت نمشي ساكتة لقيت روحي كل مانزيد خطوة كل مانرجع نتفكر انا شنوة عشت هنا..رغم انها تبان فترة قصيرة اما عشت فيها برشة حاجات لحظتهاا لقيت روحي نخمم زعمة شنوة مازلت بش نشوف هناا وكان بش نتحمل العيشة ف الحومة هاذي لي منين ندور فيهاا نلقى عينيه ورايا.. منين نمشي نلقاه طالع قدامي اما فرد وقت تفكرت كلام مايا على جابر لي قاعد يعمل ف كل شي خاطري..ممكن هو مايستحقش اني نهرب ونبعد عليه عالاقل حتى نسمعو ونفهم منو.. فقت من سرحتي على صوتو لي نادى يحكي
يوسف :" دڤلتتتتي "
ضحكت من قلبي اول ماهزيت راسي وغزرتلو.. لحظتهاا حسيت روحي بلحق نسيت كل شي وفرحت.. لقيت انو ممكن الحومة هاذي كانت سبب بش خلاتني نتوجع هكا تو اما فرد وقت هي عطاتني صاحب وخو بش يخفف علياا وجودي هناا ومتأكدة اني كل مانحتاجلو بش نلقاه بجنبي قبل الناس لكل..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
