#لارين_تحكي
اول ماسكرت الباب وراياا..عديت بعينيا عالبيت وين حسيت روحي بلحق خفت وحدي..حطيت يدي على قلبي لي بقى يدق بالقوي وخذيت نفس..حاولت نهدي روحي شوي..امامانجمتش بقيت نخمم ف لي صار بكري.. للحظة خفت كان تصير مشكلة كبيرة ولا عيسى يتضر..غير فكرة انو بش يتغشش ويدور علياا وحدهاا خلاتني نرعش ونندم اني خرجت..كركرت ساقياا بالسيف ناحية الفرش..حطيت ساكي على جنب ونحيت روبتي.. دخلت فيسع لسالدوبان غسلت حالتي وريقلت أموري وبدلت بيجامتي.. بقيت ندور وحاسة دقات قلبي عمال تقوا مش فاهمة علاش.. اصلا مانيش فاهمة انا علاش خايفة هكاا وقتلي لحكاية وفات وعيسى موجود لبراا قريبلي..اما شي حاسة بحاجة غريبة داخلي مخليتني خايفة كانو ممكن تصير حاجة.. رجعت غسلت وجهي برشة مرات وخرجت فيسع بش نشوف عيسى.. حليت الباب وقربت لباب بيتو..دقيت مرتين نحكي
انا :" عيسى ؟"
شوي وحلي الباب..عديت بعينيا عليه وين لقيتو هو زادة بدل حوايجو.. غزرلي يحكي
عيسى :" كنت جايك تو "
هزيتلو براسي باهي من غير حتى كلمة..خرج وسكر الباب وراه..عدا بعينيه علياا يحكي
عيسى :" هيا امشي لبيتك "
سبقتو للبيت ودخلت.. قربت للفرش وتسطحت.. ريتو ك دخل وخلا الباب المحلول..قرب ناحيتي وقعد على طرف الفرش مقابلني يحكي
عيسى :" ايا غمض عينك وارقد.. هاني حذاك "
عنقت عروستي متاع نور وغزرتلو نحكي
انا :" كلمك خالد ؟"
عيسى:" اي "
انا :" شقلك؟"
عدا بيديه على وجهو يحكي
عيسى :" قلي شوي ويروح "
هزيت روحي شوي وعديت بعينيا عليه نحكي
انا :" ماهوش متغشش ؟"
عيسى:" علاش بش يتغشش ؟"
هزيت بكتافي نحكي
انا:" مانعرفش.. باهي ماقلكش الراجل هذاكا شنوة بش يعمل ؟"
حل عينيه فيا يحكي
عيسى:" لارين فاش تحكي ؟ شعندو يعمل ؟"
انا :" مانعرفش عيسى مانعرفش.. نسأل وكهو "
تنهد بالشوي وقربلي يحكي
عيسى :" لارين اغزرلي..ماتخمم ف شي وماتخاف من شي.. ماعندو مايعمل لا هو ولا غيرو.. مفهوم ؟"
هزيتلو براسي باهي من غير حتى كلمة.. اشرلي بعينيه يحكي
عيسى :" ايا ارقد "
رجعت تسطحت وغزرتلو نحكي
انا :" شرايك نكملو غدوة ونروحو ؟"
عدا بعينيه عليا يحكي
عيسى :" انت تحب تروح "
انا :" اي..انا مذابياا مانبقاش حتى غدوة "
عدا بعينيه عليا ومسح على شعري يحكي
عيسى :" لارين علاش هذا لكل ؟.. ماصار شي بش يخليك تخاف هكاا..واحد ماهوش متربي وحاسبتو.. ومعادش بش يدور بيك..مالا علاش الخوف هذا "
انا :" مانعرفش عيسى.. انا مانيش خايفة منو.. اما خايفة "
عيسى :" مانحبكش لا تخاف منو ولا من غيرو ولا من حتى حاجة.. انا مستحيل نخلي حد يقربلك..خلي واحد يخمم يمسك برك مانطلع بروحو "
تبسمت نحكي
انا :" ميسالش تجي بجنبي "
هزلي براسو باهي ووقف..قعد بجنبي وغزرلي يحكي
عيسى :" اياا يزي بلا حديث وارقد "
هزيتلو براسي باهي وغمضت عينيا.. رجعت حليتهم وغزرتلو كيفاه مازال بجنبي.. هزيت راسي وعديت بعينيا عليه نغزرلو كيفاه متكي براسو لتالي..للحظة تمنيت كان يبقى ديما بجنبي هكاا حتى وقت نومي مايبعدش..طبس راسو وغزرلي يحكي
عيسى:" مازلت فايقة ؟"
تبسمت نحكي
انا :" اي "
هزيت روحي وتقعدت بجنبو.. عديت بعينيا عليه نحكي
انا :" انت جاك النوم ؟"
عيسى :" لا "
هزيتلو براسي باهي نحكي
انا :" شرايك غدوة مانبقاوش هناا؟"
عدا بعينيه عليا يحكي
عيسى:" وين تحب تمشي ؟"
انا :" اي بلاصة.. نمشي انا وانت كهو.. مانبقاوش هنا"
عيسى:" باهي "
تبسمت نحكي
انا :" ونعديو نهار كامل زادة.. نرجعو كان وقت النوم"
عقد بحواجبو يحكي
عيسى :" علاش هذا لكل ؟"
انا :" هكا.. امان عيسى حاسة روحي مانحبش نبقى هناا غدوة "
تنهد بالشوي يحكي
عيسى :" باهي كيما تحب.. غدوة تو نخرجو "
تكيت براسي على كتفو وغزرت قدامي نحكي
انا :" تعرف انا شنوة قررت ؟"
عيسى :" انشالله خير "
انا :" قررت نعود نسمع كلامك "
عيسى :" كسبة "
بعدت عليه وضحكت نحكي
انا:" مش ف كل شي راو.. اما نقصد كيما حكاية السفر.. ك قتلي لا..المرة جاي تقلي لانوافق طول.. خاطر ندمت "
عيسى :" تو نشوفو "
تبسمت ورجعت تسطحت..تغطيت وغزرتلو نحكي
انا :" انا نكرهها جيهان "
طبس راسو وعقد بحواجبو يحكي
عيسى:" يابنتي شمذكرك ف جد والدين امها "
انا :" مانعرفش..جات ف مخي ياخي قلت هكا "
نفخ بالشوي يحكي
عيسى :" أرقدي الليلة علاش هكاا "
قحرتلو نحكي
انا :" ياخي نجيب النوم بالسيف..وزيد الضو يشعل مانجمش نرقد عليه..قوم طفيه "
قحرلي وقام من بلاصتو طفاه ورجع.. قعد مقابلني يحكي
عيسى:" غمض عينك تو يجيك النوم "
غمضت عينيا بالقوي وكبست علاهم.. شوي ورجعت حلتيهم نحكي
انا :" ماجاش "
قحرلي وعلا ف صوتو شوي يحكي
عيسى:" لارررين "
انا :" باهي باهي نفدلك معاك..حبيت نبدل الجو بش ننسى الخوف "
عيسى :" وانا مانحبش التفدليك "
انا :" تو يجيك نهار وتتوحشو تفدليكي "
عيسى :" مالقيت ما نتوحش "
رجعت تقعدت غزرتلو ف عينيه نحكي
انا :" ترا عيني ف عينك.. يعني انا كان نمشي ونبعد عليك مش بش تتوحش كلامي وتفدليكي ؟"
عدا بعينيه عليا وغزرلي درا كيفاه يحكي
عيسى :" لا "
عضيت على شفايفي نحكي
انا :" بلحق ؟ يعني مانيش بش نخلي بلاصة عليك ؟"
عيسى :" ارقد "
رجعت تسطحت وقحرتلو نحكي
انا :" مالا انشالله نبعد عليك جملا تو وقتها تحس ب بلاصتي.. وبرا لبيتك معادش نحبك تونسني "
عطيتو وتغطيت بكلي.. غمضت عينيا وباقي مازال قاعد وراياا.. رغم اني غزلت منو اما ماحبيتش نزيد نقلو امشي خاطرني باقي مستوحشة..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
