#لارين_يحكي
دخلت نجري لتوالات وسكرت الباب.. لحظتهاا دموعي لقاو طريقهم على خدي..تكيت بظهري عالحيط وبقيت نبكي.. حسيت قلبي وجعني من الموقف لي حطني فيه ولي اول مرة نعيشو.. عمرو ماحد حشمني بالطريقة هاذي وين حسيت روحي كرهتو.. كيفاه نجم يصيح علياا هكاا قدام الناس ويقلي سكر فمك.. وقتلي نسيت لي عملو معايا الصباح ورجعت عادي من غير حتى مايطلب السماح..اماهو ماشافش هذا بالعكس عمال يجرحني ويوجعني اكثر.. شهقت بالقوي وقربت وين الرخامة.. استندت بيديا علاها وين طرشقت بلبكا اكثر على روحي لي غاضتني خاطر وصلتها لهناا معاه.. اما هاذي غلطتي انا من الاول.. كل مرة نعدي ونقول ميسالش اماهوماحبش يرا هذا.. هزيت يدي ومسحت دموعي لي ماحبوش يكفو.. حسيت روحي تقهرت خاطرني نهون عليه بالساهل.. عمرو لا عمل خاطر لغشي ولالدموعي.. بالعكس كل مرةيزيد على قدام اكثر.. طبست راسي وبقيت نبكي خاطر حسيت روحي وحدي.. كنت نقول نحب وجودو هو بجنبي ومعندي حدمن غيرو اماكنت غالطة..مستحيل نبقى معاه اكثر خاطر وجودو صار يخنقني..عديت برشة حاجات واخرهم لي صار لبارح وليوم صباح اما انو يطيحلي قدري قدام الناس مستحيل نعديها مهما يكون هو شكون..مش خاطرني وحدي بش يتحكم فيا ويوجعني بالطريقة هاذي..حليت السبالة غسلت وجهي برشة مرات اما شي دموعي بقاو نازلين.. سكرتها وخرجت فيسع بش نبعد من هنا..خاطر معادش أنجم نشوفو ولانرا وجهو..اول ماجريت تضربت فالسرفور لي عرضني..عدا بعينيه علياا يحكي
السرفور :" madame cv ؟"
مسحت دموعي نحكي
انا :" cv.. سامحني فما باب اخر انجم نخرج منو ؟"
السرفور :" oui..من هناا "
غزرت منين اشرلي وخرجت نجري.. رغم اني مش عارفة وين نمشي تو ولا شنعمل اما لقيت الشي الوحيد لي بش يريحني اني نبعد ومستحيل نرجع حذاه ولا نسمعو..بقيت نمشي فالشارع سارحة هكاكا وحدي مش حاسة بالثنية ولا وين وصلت.. دموعي رجعو نزلو ك لقيت روحي معاد عندي حد.. نكذب على روحي ك نقول عندي عيلة خاطر قدام كل موقف نعيشو نحس روحي ماعندي حد.. ياريت نور بقات معايا راني ماعرفتهمش وماقابلت حد منهم.. راني ماعشت شي من هذاا..من لي مشات هي وانا ضايعة..وقفت فبلاصتي كحسيت ساقيا وجعتني..مسحت دموعي وعديت بعينيا عالطريق وين لقيت روحي بعدت برشة..مانعرفش كيفاه مشيت هذا لكل كنت سارحة لدرجة اني مافقتش بروحي.. قدمت بخطواتي ناحية الجنينة وقعدت عالكرسي وحدي.. بقيت نغزر قدامي ونخمم شنوة بش نعمل حتى تاليفوني بقى غادي.. اصلا حتى كان جا عندي شكون بش نكلم وانا ماعندي حد.. طبست راسي اول مادموعي رجعو نزلو من الخوف لي حسيتو الأول مرة من سنين نرجع نحس اني ضايعة هكاا.. مانعرفش قداه تعدا علياا وقت وانا قاعدة هكا نبكي مش هاممني الناس لي متعدين..قلبي ضرب بقوة على صوتو لي نادى باسمي قدامي
عيسى:" لارين "
ضغطت على يدي بالقوي اول ماهزيت راسي وغزرتلو وين حسيت روحي كارهة وجودو قدامي..سبقني قبل مانجاوبو ك قعد بجنبي وجبدني عندو.. غمضت عينيا بالقوي على كبسة يديه علياا يحكي
عيسى :"لارين خفت عليك..علاش عملت هكا علاش؟"
شهقت بالشوي وين دمعتي نزلت نحكي
انا :" ابعدني عيسى "
عالكلمة زاد كبس علياا اكثر يحكي
عيسى :" خفت كان مانلقاكش..خفت كان تصيرلك حاجة.. بقيت نلوج كالمهبول "
حطيت يدي على صدرو حاولت نبعدو نحكي
انا:" سيبني..ماعندك علاش تلوج علياا..ومدام انت بعيد علياا ماعندو مايصيرلي.."
قص علياا يحكي
عيسى :" نعرف روحي غلطت ك تصرفت هكاكا..اما ورحمة بابا لاقصدت... "
نزلت يدي ك حسيت روحي تعبت ومانجمتش نبعدو.. حشيت راسي عندو وطرشقت بالبكاء.. قصيت عليه نحكي
انا :" ديما تقول هكا.. ديما تحلف اما انت كذاب..انت تقصد مدامك ترجع تعمل هكاا كل مرة يعني تقصد "
مسح بيديه على شعري يحكي
عيسى :" باهي سامحني..نوعدك مانرجعش نعمل هكا"
حليت عينيا على كلامو.. للحظة ماصدقتش انو هو طلب السماح.. غمضت عينيا بالقوي نحكي
انا :" مانيش بش نسامحك.. ابعدني "
طبست راسي اول مابعد عليااشوي..حط يدو على دقنونتي وهزلي راسي وين شفتو قدامي.. عدا بعينيه علياا وحط يديه على خدي مسحلي دموعي يحكي
عيسى :" ماتبكيش..مانحملش نشوف دموعك "
عديت بعينيا عليه نحكي
انا :" اما انت لي بكيتني "
عيسى :" من غير مانقصد..صدقني نادم خاطر حكيت معاك هكاكا..نعرف روحي غالط اما تصرفت هكاكا بلا قصد "
بعدت وجهي نحكي
انا :" امشي عيسى مانحبش نراك "
عيسى:"وين عندي نمشي؟مستحيل نخليك هناوحدك "
شهقت بالقوي من الغصة لي غلبتني نحكي
انا :"وانا مستحيل نمشي معاك..معادش نحب نشوفك ولا نكلمك..والمرة هاذي نحكي بلحق..خاطركل مرة نسامحك ونقول ميسالش اناماعندي حد من غير عيسى امالقيتك انت اكثر واحد توجع فيا..كل مانقول نحب نبقى معاك ونحبك تبقى بجنبي تخليني نندم.. عمرو ماحد جرحني كيفك..اناكنت نسامحك بلا ماتطلب السماح..اماالمرة هاذي حتى بكلمة سامحني مانيش بش نسامحك ومانيش بش ننسى لي عملتو بكري..انت وجعتني خليتني نحس روحي وحدي وخليتني نخاف..انت عملت فياا هذاا لكل وقتلي انا ماعملت شي..."
قص علياا ك رجع جبدني عندو وعنقني..لحظتهاا غمضت عينيا وطرشقت بالبكاء..كبست على شوميزتو نحكي
انا :" نكرهك عيسى.. نكرهك برشة "
حشيت راسي عندو وبقيت نبكي وين حسيت روحي مش فاهمة انا شنعمل عندو تو..للحظة حسيت كاني هاربة منو ليه..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
