#لارين_تحكي
تململت شوي وحليت عينياا على صوت الalarme لي نوقزت فتاليفوني..مديت يدي سكرتها ورجعت حشيت راسي ف المخدة..حسيت روحي مازلت ناقصة نوم ومش منجمة نقوم من وراء سهرية لبارح.. بقيت ف الجنينة مع خالد قريب ساعتين نحكيو وين لقيتو انسان ضحاك وفدلاك فكرني فjoseph..كيما حسيت روحي عملت جو بالحديث معاه خاطر لقيتو يحب حاجات انا نحبهم غير معرفتو بفرنسا وين استرجعت معاه برشة بلايص زرتهم قبل وبلايص نحب نزورهم..
هزيت روحي شوي وتكيت بظهري لتالي..غزرت للوقت وين شفتها تسعة..عديت بيديا الزوز على وجهي وحاولت نصحصح..عمرت التاليفون الوقت هذا شماته ف عيسى بش نقوم نحضر روحي ونمشي معاه.. بعدت الملحفة من فوقي وقمت.. كركرت ساقياا بالسيف ودخلت لسالدوبان نحيت حوايجي ودخلت تحت الماء عملت دوش خفيف وخرجت لفيت روحي بالمنشفة ورجعت للبيت.. هزيت الفاليز حطيتها فوق الفرش وحليتهاا.. بقيت نقلب ف حوايجي نختار شنوة بش نلبس حتى شفت روبة دجين.. جبدتها حطيتها على جنب وبقيت انشف ف شعري.. اول ماكملت لبست الروبة وقربت وين المرايا بقيت نسكر ف فلس الروبة لي كانت فوق الركبة شوي ويداها بروتال.. عديت بعينيا على روحي وقربت نربط ف شعري بفولارة زرقاء فاتحة.. عملت مسكاراا وروج خفيف ورشيت شوي من برفان نور..رجعت وين لفرش نظمت الدنياا لكل ولبست بسكاتي.. هزيت تاليفوني شفت الوقت وين شفت قريب العشرة.. لحظتهاا هزيت ساكي وخرجت نجري.. قلبي ضرب بقوة اول ماخرجت وشفت باب بيتو تحل قدامي.. لحظتهاا وقفت ف بلاصتي وين دقات قلبي هي لي تسارعت.. ضغطت على يدي ك ريتو غزرلي وعدا بعينيه عليا.. خذيت نفس طويل محاولة مني بش نقوي روحي ومانتراجعش قدامو على خطوتي.. قربلي وحل عينيه فيا يحكي
عيسى :" شنوة المنظر هذا ؟"
هزيت بحاجبي نحكي
انا :" منظر شنوة ؟"
رس على سنيه وقحرلي يحكي
عيسى :" مانبداوش الصباح بتبهليلك.. شنوة لي لابستو هذاا ؟"
غزرت لروحي ورجعت غزرتلو نحكي
انا :" روبة "
بدني رجف على صوتو لي علا فرد ضربة يحكي
عيسى :" اعمممى لييك انا.. ف بالي بسماهاا روبة..."
قصيت عليه نحكي
انا :" ماتعيطش عليااا.. الناس تسمع ماناش فدارنا"
تبسم يحكي
عيسى :" ايا الحمدلله عليك ك تذكرت انو احنا ماناش فدارنا..خاطر روبتك هاذي ماهيش حتى متاع بيت "
نفخت بالقوي نحكي
انا :" شوف انا هاذي لبستي..هكا نلبس من قبل وبش نبقى نلبس هكاا "
حل عينيه فيا يحكي
عيسى :" بلاهي ؟"
انا :" ولاهي "
غمضت عينيا بالقوي و رجعت حليتهم كريتو هد علياا وحل باب بيتي.. دزني ودخل بعدي يحكي
عيسى :" البس هكاا اما ف بيتك "
شديت ف الفوتاي بش مانطيحش وعديت بعينيا عليه نحكي
انا :" شمعناها ؟"
لطخ الباب وراه وقحرلي يحكي
عيسى:" يعني مفماش خروج "
قربتلو وحليت عينيا فيه نحكي
انا :" خارجة "
عيسى :" ورحمة بابا يالارين لاتعفسي الشارع بالروبة هاذي.. ك نبدا طرطرو قدامك اخرجي قدامي عريانة هكاا "
ضغطت على يدي بالقوي نحكي
انا :" مانيش عريانة... "
قص علياا وهز بحواجبو يحكي
عيسى :" ماريتش روحك ف لمرايا ؟؟ ماريتش بدنك العريان اكثر من المغطي "
شهقت بالقوي نحكي
انا :" زايد سااا/قط "
هد علياا وحل عينيه فيا يحكي
عيسى :" ماتخلينيش نوريك التسوقيط الصح.. راني لتو مازالت متحكم ف عصابي بش مانقولش كلام اخر"
قربتلو وحليت عينيا فيه نحكي
انا :" كلام كيما شنوة؟ اني مسيبة ومانحشمش؟ شنوة بش تقول المرة هاذي؟ لبست هكا لشكون بش نخليه يخمم فياا ولا... "
قصيت على كلامي ك ريت وجهو كيفاه تقلب وحمار وصار ينهج لدرجة اني نسمع ف صوت انفاسو.. وخرت بخطواتي لتالي ورجعت نحكي
انا :" كان مقلقتك لبستي وماتحبنش نخرج هكاا معاك.. برا اخرج على روحك وانا تو نخرج وحدي "
قربلي وضربني بصبعو على راسي يحكي
عيسى :" هذاا مسكر ماهوش قاعد يفهممم ف كلامي؟ خروووج هكاا لا.. لا وحدك ولا معاياا "
انا :" يااخي انت شمدخلك فيااا ؟؟ فهمنني انت شتحب مني.. لبااارح تكركر فياا وراك ك البهيمة.. شوف مرفقي كيفاه ازرق من يدك "
طبس راسو وغزر لمرفقي لي مديتو قدامو.. رجع هز راسو على صوتي نحكي
انا :" وزيييد تصيح وتعيط علياا.. غير كلامك المرزي معاياا.. كل مرة نعديلك ونقول ميسالش ونرجع لغلط فيااا..اما لهنا ويزي..جايبنيييي معاك بش تحبسني "
عدا بعينيه عليا يحكي
عيسى:" كملت؟ الروبة هذاا تتبدل ومفماش خروج "
رميت ساكي على طول يدي وقربتلو نحكي
انا:"باهي الروبة تتبدل..امابش نخرج واختار يانخرج معاك يانخرج وحدي "
عدا بعينيه عليا وقبل مايجاوبني سكت على صوت تاليفونو لي نوقز.. جبدو وغزرلي يحكي
عيسى:"الناس تستنى اللوطة..تبدلي هذااا وتهبطي الحساب مش تو..تونوريك شمعناها تكسريلي كلامي "
رسيت على سنيا بالقوي ك ريتو خرج وخلاني نغلي وحدي..عديت بيديا على شعري وفركتو بالقوي من العصب.. قربت فيسع للفاليز حليتها وجبدت روبة طويلة ف الباج وبقيت نلبس فيهاا وانا مغزلة منو ومن كلامو ومن كل شي فيه.. من صباح ربي قام على عصابو مش عاجبو شي..مافهمتش شنوة مقلقو هو ف لبستي..ولا شدخلو اصلا..اما حتى كان تدخل وتكلم بالمعقول ممكن راني سمعتو اما تصرفو هذاا خلاني نحس كاني مجبورة بش نبدل لبستي ونمشي على كيفو هو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
