#لارين_تحكي
وقفت على جنب وعديت بعينيا عالحومة لي كانت ضاوية بكلها وين لقيت روحي بلحق ماتوحشتهاش وكان لقيت ف اللحظة هاذي راني مشيت من هناا.. تنهدت بالشوي وانا نغزر للحضبة والناس الملمومة على خاطرو وين حسيت روحي بلحق كاني غريبة بيناتهم وانو لبلاصة هاذي مش متاعي.. تبسمت ك تلفتت وشفت مايا تصفق وحدهاا نحكي
انا :" عجبك الجو ؟"
ضحكت تحكي
مايا :"ياخي فما عرس؟"
انا :" لا هاذي حفلة استقبال على خاطر لآخر.. على طريقتهم هوما "
ماايا :" عجبني الجو والله "
انا :" هياا خلينا نطلعو.. ساقياا وجعتني "
هزتلي براسها باهي وهزيت فاليزتي وحدي ودخلنا للعمارة.. اول ماطلعت اول درجات.. تبسمت ك شفت عمتي هبطت تجري.. عديت بعينيا عليها وين حسيت روحي اني كنت فاقدتها ومتوحشتها.. لقيت روحي فرحت ك شفتها قدامي اول وحدة وين تفكرت هي كيفاه كانت معايا وحنيتها علياا.. تبسمت وطلعت فيسع نحكي
انا :" عمتتتي "
قربتلي ودورت بيداها علياا.. عنقتني بالقوي تحكي
غالية :" روح عمتك انت..توحشتك ياماما "
كبست علاهاا بالقوي نحكي
انا :" حتى انا توحشتك عمتي "
بعدت علياا وحاوطتلي وجهي تحكي
غالية :" اول ماسمعت صوت الطبال ضرب عرفتكم وصلتو.. هبطت نجري بش نشوفك مانجمتش نبقى نستنى "
انا :"عيشك عمتي..حتى انا طلعت طول بش نشوفك "
قريت باستني من خدي تحكي
غالية :" عيشلي بنتي "
عدات بعيناها علياا وغرزت ورايا وين ماياا.. ضحكت تحكي
غالية:" انت ماياا ؟"
طلعت شوي ووقفت قدامي.. ضحكت تحكي
مايا :" اي انا "
غالية :" خمسة وخميس محلى زين بنتي..ايجا عندي "
تبسمت ك شفتها عنقت ماياا واستقبلتهاا كيفي انا.. بعدت علاها شوي تحكي
غالية :" مرحبا بيك ف دارك ماياا.. نورتو "
مايا :" عيشك تاتا "
غالية :" اسمي عمتي غالية.. مش تاتا "
ضحكت تحكي
مايا :" باهي عمتي "
عدات بعيناها علينا واشرتلنا تحكي
غالية :" هياا اطلعوا.. الجماعة يستناو فيكم "
هزيتلها براسي باهي وغزرتلها كيف سبقتنا.. تلفتت لمايا كيف شدتني من مرفقي تحكي
مايا :" تهبل عمتك.. محلاهاا وصغيرة زادة "
انا :" اي ريت محلاهاا..وتو تزيد تحبها أكثر "
هزتلي براسها باهي وكملنا طلعنا.. بدني رعش اول ماوصلت قدام الباب وين حسيت بساقياا كانهم ثقلو ومانجمتش نتحرك..خذيت نفس طويل وين مديت الخطوة.. قلبي ضرب بقوة اول ماريتهم لكل قدامي كاني هاذي اول مرة نشوفهم..ريتو كيف ضحك وقربلي فيسع يحكي
جابر :" ضي جابر.. نورت دار بوك "
غمضت عينيا بالقوي على يديه لي جبدتني وعنقتني..
بقيت منزلة يدي مانجمتش لانهزها ولانبادلو التعنيقة..
غصة شدتني كيف حسيتو مسح على شعري يحكي
جابر :" توحشتك رينو.. الدار مخيبهاا بلا بيك "
حليت عينيا وهزيت يدي بالسيف..حطيتها فوق ظهرو نحكي
انا :" عيشك جابر.. هاني رجعت "
بعد علياا شوي وطبس باسني من راسي يحكي
جابر :" الحمدلله على سلامتك "
انا :" الله يسلمك "
غزرت لمايا شديتها من يداها وقربتهاا بجنبي نحكي
انا :" جابر هاذي ماايا.. مايا هذا جابر "
مدت يداها وتبسمت تحكي
مايا :" عسلامة عم جابر "
ضحك ومد يديه سلم علاها يحكي
جابر :" يسلمك عيش بنتي.. مرحبا بيك حذانا "
مايا :" عيشك "
جابر :" اياا ادخلو.. علاش واقفين هكاا "
هزيتلو براسي باهي وكبست على ساكي.. رسيت على سنيا بالقوي كيف ريتها قربتلي.. عدات بعيناها علينا تحكي
سميحة :" مرحباا بيكم.. شرفتوناا وانستوناا "
عديت بعينيا عليها نحكي
انا :" عيشك "
مايا :" عسلامة "
ريتها كيف هزت وحطت ماياا بعينااها.. وقربتلها مدت يداها تحكي
سميحة:" انا سميحة مرت عمك جابر.. انت مايا مش هكا ؟"
ريت مايا كيف غزرتلي ورجعت غزرتلها.. مدت يداها سلمت علاها تحكي
مايا :" اي انا "
سميحة:" شه شه تهبلي "
مايا :" شنوة؟"
ريت عمتي كيف ضحكت وقربت حذانا تحكي
غالية:" قصدها محلاك "
مايا :" اا اوكي "
نفخت بالشوي وتلفتت لرانية لي كانت واقفة على جنب.. تبسمتلي وقربت ناحيتي تحكي
رانية :" اهلا رينو.. مرحبا بيك "
انا :" شعاملة رنوش لباس عليك؟ "
رانية :" الحمدالله وانت لباس ؟"
انا :" لباس "
غزرت لمايا نحكي
انا :" مايا هاذي رانية.. رانية هاذي ماياا "
ماياا :" عسلامة رانية "
رانية :" اهلا مايا "
تلفتت لجابر يحكي
جابر :" يابناتي أدخلو وكملو سلمو.. علاش واقفين هكاكا راكم تاعبين "
شديت مايا من يداها ودخلنا للصالة.. قعدت عالفوتاي وهي بجنبي.. عديت بعينيا عليهم لكل كيف قعدو قدامي وعمتي بجنبي من الناحية لخرى.. تلفتت لجابر يحكي
جابر :" عيسى وينو شبيه ماطلعش معاكم ؟"
كبست على يد مايا لي سبقتني تجاوب.. تحكي
مايا :" عيسى بقى اللوطة.. حذا الطبال "
ضحك يحكي
جابر :" ملا مخ عند اكا ادم.. كيفاه جات لبالو حكاية الطبال "
غالية :" خلاهم يفرحو.. تعرف ادم وعيسى خوات مش صحاب.. والمرة هاذي عيسى غاب برشة وخلى بلاصتو ف الحومة "
عديت بعينيا عليها من غير حتى كلمة.. تلفتت لسميحة تحكي
سميحة " اي احكيلنا لارين.. كيفاه كانت سفرتكم؟ عملتو جو؟"
عديت بعينيا علاهم لكل نحكي
انا :" ميسالش ندخل نرتاح وبعد تو نحكيلكم "
قام من بلاصتو وغزرلي يحكي
جابر :" اي بنتي.. بالطبيعة هاو مازال قدامنا برشة وقت..ادخل ارتاح انت وصاحبتك حتى يتحط لعشاء"
هزيتلو براسي باهي وخرجت انا وماياا.. ريتو كيف سبقني وين البيت وحط يديه عالبواني يحكي
جابر :" ضي جابر.. انشالله بيتك جديدة تعجبك "
قلبي ضرب بقوة اول ماتحل الباب وشفت الموبيليا الجديدة.. غريبة كيفاه موقف واحد منو خلا كل شي فياا يتقلب.. من لي كنت متمنية جابر يبدلها وماينساش وعدو لياا لقيت روحي تو مش منجمة نفرح بحتى شي يخص الدار هاذي ولا ناسها..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
