#لارين_تحكي
فقت من سرحتي على يد مايا لي شدتني..خذيت نفس طويل وقدمت بخطواتي ناحيتهم..جبدت الكرسي وقعدت ساكتة.. غزرت لجابر ك شدني من يدي يحكي
جابر :" شبي بنتي ؟"
تبسمت وهزيتلو براسي لا نحكي
انا :" مابياا شي جابر "
عدا بعينيه عليا يحكي
جابر :" متأكدة؟ مالا شبي عينيك ذابلين هكا ؟"
انا :" ناقصة نوم.. ليوم فقت بكري وك خرجت تعبت "
جابر :" كمل تعشى وادخل ارقد ارتاح "
هزيتلو براسي باهي وغزرت لعمتي ك عطاتني صحني تحكي
غالية :" رينو بنتي نحبك تتعشى مليح..رمضان جاي تو نحبك تهز صحتك بش مايتعبكش الصيام ياماما "
تبسمت نحكي
انا :" باهي عمتي تهنى "
اول ماتلفتت ريتو ك غزرلي وطبس راسو ياكل.. خذيت طرف خبز وبقيت ناكل ساكتة نسمع فيهم يحكيو.. هزيت راسي على صوت سميحة تحكي
سميحة :" هذا لي يعمل عليكم الزوز.. عمتك عطاتك ليستة متاع قضية مشيتو ورجعتو وماشريتو شي.. عقلكم وين مافهمتش "
قحرتلها وغزرت لعمتي نحكي
انا :" عمتي والله نسيت سامحني.. تو غدوة نخرج بكري نقضيلك انا كل شي "
ريتها ك قحرت لسميحة ورجعت غزرتلي.. تبسمت تحكي
غالية :" ميسالش ياماما.. لمهم تفرهدتو هذا المفيد عندي "
ماايا :" اي عمتي تفرهدناا.. مشينا للاسواق وتعدينا لقهوة ف المدينة العربي مع Joseph "
سميحة :" مالا قولولي كملتو لفلوس متاع القضية ؟"
لطخت لمغرفة وحليت عينيا على وسعهم فيهاا نحكي
انا :" فلوووس شنوة لي كملناااهم ؟ فبااالك بيناااا قاعدين لفلوووس قضيييتك ؟"
غزرت لجابر لي علا ف صوتو بالقوي يحكي
جابر :" وانت شيهمممك ف الفلووس..وحتى كان صرفووو فلوس بوهم وهوما أحرار "
عدات بعيناها علينا وغزرتلو تحكي
سمحية :" انا ماقصدت شي.. ونعرف فلوس بوهم اما سألت وكهوو قلت بالك شراو حاجات من الأسواق ولا خلصو على يوسف حاجة "
رسيت على سنيا بالقوي نحكي
انا :" اولااا يوسف مش قاعدلك وماهوش يطلب بش نخلصوو عليييه.. من وقت لي جيت لتونس وهو لي يصرف علياا ويخلص علياا كل خرجة خاطرو ماهوش جيعان.. ثانيااا.... "
تنطرت من بلاصتي نحكي
انا :" فلوسك موجودين تو نجيبهم "
غزرت لجابر ك وقف وشدني من يدي يحكي
جابر:" ماعندك ماتجيب.. هاذوكم فلوسك.... "
قصيت عليه نحكي
انا :"ماهمش فلوسي..فلوس مرتك وانا بش نرجعهم تو "
جبدت يدي منو جريت فيسع للبيت.. مديت يدي لي كانت ترعش وهزيت ساكي بش نجبد لفلوس.. تهزيت وتحطيت على صوتو لبرا ك سمعتو يعارك فيها.. رميت الساك بعد ماجبدت لفلوس ورجعت حذاهم وين شفتهم كلهم واقفين كان هي وبنتهاا قاعدين.. رميتهم قدامهاا نحكي
انا :" شد فلوسك.. والمررررة الجاي اعرف شتخرج من فمك معاياا بااااهي.. مانيش مادة يدي لفلوووس قضيتك لا انا ولا ماايااا "
غزرت لمايا ك شدتني من يدي تحكي
مايا :" رينو يزي هياا خليناا ندخلو للبيت "
جابر :" ماعندكم وين داخلين.. بش تكملوو عشاكم الزوز.. والموضوع هذاا انا تو نتصرف فيه.. اقعدوا"
بقيت واقفة ننهج على بلاصتي من لعصب لي حسيتو منهاا.. للحظة كان لقيت راني شديتهاا فرغت فيها غشي متاع شهور.. غزرت لعمتي ك قربتلي تحكي
غالية :" رينو كان تحب عمتك اقعد "
هزيتلها براسي باهي وقعدت بجنب مايا..اول ماهزيت راسي ريتو ك قحر لسمحية ورجع غزرلي وين شفت وجهو هو زادة لي كان مقلوب وظاهر عليه الغش.. دورت وجهي فيسع وغزرت لجابر ك ضرب بيديه عالطاولة يحكي
جابر :" هوووما كلمتييين ليكم لكل هناا.. لارين وماياا بناااتي.. كيفهم كيفكمممم.. حبلكم ربي نسمع واحد فيكم يحاسب فيهم على اي حاجة..هوما عندهم باااي فالدار والفلوس وكل شي..وانت سميحة راني مااازلت نوسع ف بالي معااك ونعدي بكييفي..قسما بالله العلي العظيم تصرف اخر منننك مايعجبنيييش مانوصلك انا لدااار بوووك.. غالية هات لفلوس لي قدامهاا "
ريت عمتي ك مدت يداها هزتهم وعطاتهملو..خذاهم من يداها وغزرلي يحكي
جابر :" لفلوس هاذم متاعي انا.. ماهمش متاع مرتي.. وقت نقلك انا هاتهم تمشي تجيبهم.. حد آخر غيري ماتسمعووش.. وااضح ؟"
عديت بعينيا عليه من غير حتى كلمة.. للحظة خفت كان نحل فمي ونتكلم نلقى شهقتي سبقت كلامي.. هزيتلو براسي باهي وطبست راسي.. سمعت عمتي تحكي
غالية :" الله يهديك ياسميحة.. علاش كل عشا لازم يمرار هكاا علاش؟"
سميحة :" انا ماقصدت شي..هي لي تتحسس من كلامي فيسع "
ضغطت على يدي بالقوي وسبقت جابر لي قحرلها.. عليت ف صوتي شوي نحكي
انا :" كلامك ماتحكيهوووش معاياا.. انااا نبدااا نتجنب فيييك وانت بااقي وراياا.. ماافهمتتتش شتحب مننني "
سمحية :" ياخي انا شقلت بش تعملو هذا لكل.. كلمة وزرفت من فمي "
جابر :" ماااعندك حتى كلااام معااهاا.. اخرر مرة نسمعك تدخل فيهااا ولا تقووللهاا اي حاااجة.. وااضح ؟"
ريتها ك قحرتلي ورجعت غزرتلو.. هزتلو براسها باهي ودورت وجهها.. شديت دمعتي بالسيف وغزرت ليديه لي شدتني يحكي
جابر :" رينو بنتي كمل عشاك..وانت مايا تعشي بنتي "
جبدت يدي منو وطبست راسي نحرك ف المغرفة ف الصحن بلا ماناكل.. حسيت بيد مايا كيف تحطت فوق فخذي وطبطبت علياا لحظتهاا تلفتتلها وتبسمت.. رجعت طبست راسي ساكتة حاسة بغصة شدتني فحلقي خنقتني من وراء لي صار.. اول مرة كنت نتقلق ونعدي اما تو مانجمش خاطر المرة هاذي ماياا معاياا.. نحس روحي وليت ك نتوجع نتوجع علياا وعلاهاا كيما لقيت روحي خايفة من غش ماياا اكثر من غشي انا مهما جابر وعمتي يعملو حاسة اني خايفة نخسر ماياا من جرة سمحية.. وكان تعملهاا وقتهاا مستحيل نسامحها ولانعديهالهاا بالعكس وقتها بش نخلاها تشوف وجه آخر مني عمرتهاا لا شافتو وتتمنى اصلا ماتشوفوش.
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
