#عيسى_يحكي
بقيت نتبع فيها بعينيا حتى غابت علياا ودخلت.. تبسمت ك تفكرت وجها لي حمار وعيناها لي زغللو من ربثة وين لقيت روحي عامل جو علاها خاصة ك تدخل بعضها وتضيع لكلام.. رجعت غزرت قدامي وبقيت نخمم فسؤالهاا..رغم اني فهمتها شتقصد وعلى شكون تسأل امامافهمتش شمذكرها فالحكاية وعلاش لتو تخمم فيهاا..رغم اني حفظتها وحفظت تفكيرهاا اما ساعات نلقاها تغدرني بسؤال ولاموضوع تخليني مستغرب مخهاا..تنهدت بالشوي ك رجعت تذكرت عزيز ومخو شنوة قلو حتى يحكيلها لحكاية هاذي ويخليها تخمم هكاا وتتقلق..مانعرفش قداه بقيت هكاا وانا تفكيري لكل فيهاا هي وف لي نحس فيه انا تو معاها..فترة صغيرة كانت كافية بش تخلاها تاخذ بلاصة كبيرة عندي..كل لحظة تتعدا وهي قدام عينيا نحسها تزيد تقرب مني اكثر ورغم اني ساعات نخمم ف القرب هذاا على انو مايجيش اما قدامهاا ننسى كل شي ومانخمم كان اني نرا ضحكتها..طبست راسي وغزرت للماعون لي خلاتو الفر/خة ودخلت.. نفخت بالشوي وقمت هزيتو ورجعت للدار.. اول مادخلت تعديت طول للكوجينة حطيت الماعون ورجعت للشط..كملت لميت كل شي وروحت..حطيت الملحفة لبرا ف التيراس ودخلت.. اول ما سكرت الباب تلفتت على صوتها تحكي
لارين :" خليتني نروح بش تكمل سهرية وحدك "
عديت بعينيا عليها وين شفتها غيرت حوايجها وشعرها مبلول يقطر.. نحكي
انا :" برا نشف شعرك لا ترجع تمرض "
عوجت شفايفها تحكي
لارين :" حطيت السشوار بش انشفو ياخي لبريز متاع بيتي طلع مايخدمش "
انا :" ياخي فما بريز واحد ف دار كاملة؟برا للصالة "
لارين:" لاا ايجا شوفو..مالا انا وين بش نحط تاليفوني يتشرجى "
عديت بعينيا عليها نحكي
انا :" 3:00 تو كان مافيبالكش يامن حيا لغدوة تو نشوفو "
لارين:" باهي غدوة ماتنساش "
تنهدت بالشوي نحكي
انا :" ميسالش ندخل انا زادة ندوش ونبدل حوايجي"
اشرتلي بيداها عالبيت تحكي
لارين :" ادخل ياخي انا شديتك "
قحرتلها ودخلت طول للبيت.. سكرت الباب ودخلت طول لسالدوبان عملت دوش خفيف وريقلت أموري لكل ورجعت للبيت بدلت حوايجي على اساس بش نرقد اما وقفت على صوت السشوار قدام بيتي.. كبست عالبونية متاعي وخرجت وين شفتها قاعدة فالقاعة مقابلتني تنشف فشعرهاا.. رسيت على سنيا بالقوي نحكي
انا :" ياخي لباس ف مخك ؟"
علات ف صوتها تصيح
لارين:" شنووووة مااااانيييش نسمممع فييييك "
قربت فيسع جبدت الخيط من لبيريز نحكي
انا :" طرش انشالله.. شنوة لي عاملتو هذاا ؟ تعرف قداه الوقت تو ؟"
قامت من بلاصتها ووقفت قدامي تحكي
لارين :" هكاكا تجبد لبيريز.. تخيل تحرقلي السشوار.. بش تاخذلي انت واحد "
عضيت على شفايفي نحكي
انا :" لارين يهديك ربي برا نشف بالمنشفة خليني نرقد هالليلة.. علاش هكاا مخليتني مصبح معاك "
عدات بعيناها علياا وغزرتلي درا كيفاه.. قربتلي لين لصقت فياا وطلعت على طراطيش صوابعها.. مدت يداها وعداتها على شعري تحكي
لارين:" شعرك انت زادة مبلول.. استنى "
بقيت واقف نغزرلها كيفاه رجعت الخيط ف البريز ورجعت قربتلي.. غمضت عينيا بالقوي على وهج السشوار لي خدم ف وجهي.. بعدت علاها نحكي
انا :" راااني مااازلت موسع بااالي معاااك.. سكر عليااا الحس هذااا "
عوجت شفايفها تحكي
لارين :" وانا لي خفت عليك كان تمرض "
قربتلها فكيت السشوار من يداها نحكي
انا :" هات هناا خير مانضرب سماه عالحيط نجيبو طروف "
رجعت فكتو من يدي وقحرتلي تحكي
لارين :" سيب متاعي.. تعرف حقو هذاا ؟"
عديت بيديا الزوز على وجهي حاولت نهدي روحي شوي نحكي
انا :" هاني سيبت..ميسالش تدخل لبيتك ترقد ؟"
لارين :" باهي خليني انشف شعري والله مبلول.. مس كان تحب "
ضيقت عينياا فيها نحكي
انا :" ياخي رجعت بليتو؟ عندو ساعة وهو مبلول هكا علاش ؟"
ذبلت عيناها فيا ووطات ف صوتها تحكي
لارين :" تؤ علاش بش نبلو انا.. اما شعري يشد الماء "
عديت بعينيا نغزر لترهدينها.. غزرت لشعرها لي كان يقطر على ظهرها.. تنهدت بالشوي نحكي
انا :" نشف قدامي هاني نعس عليك وبرا ارقد "
هزتلي براسها باهي من غير حتى كلمة..ريتها كِرجعت حطتو فالبريز وبقات تنشف.. تكيت بظهري عالحيط نستنى فيهاا حسيت روحي تعبت وهي ماتعبتش لتو.. عضيت على شفايفي وانا نغزرلها كيفاه تحرك ف راسهاا وتتبسم وحدها لحظتهاا حسيت عصابي فلتت مني ومعادش متحمل.. قربت فكيت السشوار من يداها سكرتو نحكي
انا :"شنوووة لعب الصغار هذاا.. قتلك تاعب نحب نرقد وانت تنشف ف عقلك "
لارين :" سامحني ماتتغشش.. اما خاطرو سخون لازمني نعمل بالشوي خاطر نتحرق "
شديتها من مرفقها دورتها قدامي وخدمت السشوار.. بقيت نحرك فيه على شعرهاا بالسياسة حتى شاح.. اول ماسكرت السشوار تلفتتلي وتبسمت تحكي
لارين :" تعرف فكرتني ف نور.. هي زادة كانت تنشفلي شعري هكا بلا ماتحرقني "
عديت بعينيا عليها ورجعتلها قصتها وراء وذناها نحكي
انا :" اهوا شاح برا ارقد تو..وعود لفو بالمنشفة قبل "
هزتلي براسها باهي تحكي
لارين:" باهي..عيشك عيسى ربي يخليك ليا "
تبسمت على كلمتها ساكت.. خذات السشوار من يدي تحكي
لارين :" تصبح على خير.. وسامحني خليتك فايق لتو"
انا :" ميسالش.. تصبح على خير "
تبسمتلي ودخلت طول لبيتها.. اول ماسكرت بابها دخلت لبيتي..طفيت الضو وقدمت للفرش.. تسطحت وبقيت نغزر للسقف.. تبسمت من غير مانشعر كتفكرت عمايلهاا..نهار كامل عديتو وانا نتبع فتفوريخهاا.. الفر/خة على قد ماتنرفزني على قد ما نهدى فيسع قدام كلامهاا خاصة ترهدينها لي حفظتو.. تنهدت بالشوي وغمضت عينيا بش نخلط ناخذ غمضة قبل ماترجع تهد علياا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
