#عيسى_يحكي
تبسمت ك ريتها غفات عندي.. بقيت نغزرلها ماحبيتش نبعدها علياا.. هزيت يدي وعديت بكف صوابعي على خدها وفرد وقت نخمم ف لي صار ليوم.. للحظة استغربت تصرفاتي وشنوة انا حسيت ليوم.. عمري ف حياتي ماخفت على حد بالطريقة هاذي ولا خممت على غش حد كيما خممت على غشها هي.. الفر/خة خلاتني نبرر ف تصرفاتي ونرضي فيهاا خاطر لقيت روحي مش متحمل لابكاهاا ولاغشهاا.. اصلا فكرة انها ضاعت ليوم وممكن تكون صارتلها حاجة خلاتني نخرج من عقلي..الثواني لي عديتهم نلوج علاهم تعداو كانهم سوايع حسيت كاني فقدت حاجة مني.. تنهدت بالشوي اول ماتفكرت كلامهاا متاع بكري.. كيفاه خليتها تحس انها وحدها وضايعة وقتلي انا وعدتها بش نبقى معاها اما فسدت كل شي ف لحظة غش..غير انها كرهتني الكلمة وحدها نحسها ثقيلة على قلبي ك نسمعها منها.. ليوم وين فهمت معنى كلمة ندم اكثر من اي وقت..على هذاكا حبيت نصلح هذا لكل وقررت نهزها وين تحب تمشي.. بش نحاول نتحكم ف عصابي معاها ونحكي بالسياسة كيما تحب هي.. المهم لي صار ليوم مايتكررش مرة اخرى.. حطيت يدي وراء ظهرها وقمت بالسياسة.. طبست هزيتها بين يديا وقمت.. تبسمت ك شفت شعرها غطالها وجهها.. احساس غريب حسيتو اول ماحطت راسها على صدري ودورت بيداها على رقبتي.. انفاسهاا السخونة لي ضربتني خلاتني نكبس علااها اكثر ونزيد نقربها لياا.. عديت بعينيا عليها نخمم ف شنوة انا قاعد نعمل تو وعلاش مركز معاها لهدرجة..
علاش معاها هي بالذات قاعد نتنازل على برشا حاجات وبكيفي انا.. علاش معاها هي قلبي يخمم قبل عقلي.. لقيت روحي قاعد نفوت فخطوط بيناتناا وين بديت نحسها حاجة تابعتني انا..خاصة بعد ماحطتني اني كل عيلتهاا..بعد الكلمة هاذي مستحيل نخمم نسيبها ولا ونخلاها وحدها..رغم المدة لقصيرة لي عرفتها فيها هي احتلت بلاصة كبيرة ف حياتي..حتى تصرفاتها لي كانت توترني صرت ساعات نشيخ علاهم.. تنهدت بالشوي وقربت وين فرشها.. طبست سطحتها واستويتلها مخدتهاا.. غطيتها مليح وقمت.. عديت بعينيا عليها وين شفتها كيفاه تملمت تبسمت من غير مانشعر ك ريتها خرجت ساقيها من لغطاء.. رجعت غطيتها وطفيت الضو.. هزيت الطبق وخرجت سكرت علاها الباب ونزلت بالوقت بش نشوف خالد.. حطيت الطبق ف الكوجينة وقدمت لجنينة وين لمحتو قاعد.. قربتلو نحكي
انا :" هاك ساهر ؟"
هز راسو معاياا وضحك يحكي
خالد :" نستنى فيك "
قعدت مقابلو وغزرت قدامي ساكت.. تلفتت على صوتو ك رجع يحكي
خالد :" حكيت مع لارين ؟"
انا :" اي "
خالد:" شحكيتو ؟ وافقت تمشي؟"
انا :" اي "
خالد:" يعني هي معادش متغششة.. رضيتها؟"
انا :" اي "
هز روحو شوي وقحرلي يحكي
خالد:" ياااازحيي.. بصراحة ربي يصبرها لي بش تاخذك.. هي تبدأ تحكي تحكي لين ريقها يشيح وانت تخسر علاهاا كان اي "
قحرتلو نحكي
انا :" ك تجي تشكيلك حل فمك "
رجع تكا وضحك يحكي
خالد:" هههه ساعة على هذاكا انا نحل ف فمي تو "
قحرتلو نحكي
انا :" خااالد فاش تخرف "
ضحك يحكي
خالد :" هههه شوف بش نتفاهمو ف حاجة..مدامنا ماشين غدوة مانحبش نراك مكشبر.. غادي كان الجو والزهو.. نحب صاحبي يكون فرفوش "
قمت من بلاصتي نحكي
انا :" كلمة اخرى ونبطل *** امها المشية "
هز راسو معاياا وضحك يحكي
خالد:" والله هكا شوف شكون يفضهالك مع لارين.. عندك كان ربي سبحانه كهو ينجم يعاونك "
دوب تبسمت نحكي
انا :" انا ماشي نرقد "
خالد:" الصباح كيما تفاهمناا 9 نقصدو ربي.. لمسافة بعيدة شوي "
هزيتلو براسي اي نحكي
انا :" نعرف..المهم كيما قتلك 4 ايام مانفوتش.. من غير ماتشد صحيح غادي وتمرج والدياا "
قحرلي يحكي
خالد:" ينعمبو لي يحبك ويحب صحبتك "
ضحكت نحكي
انا :" سبيت روحك وحدك "
خالد:" هههه ارحم من تسبني انت "
طبست ضربتو ببونية على كتفو نحكي
انا :" تصبح على خير "
قحرلي يحكي
خالد:" وانت بخير ياعم تايسون "
تبسمت وخليتو قاعد.. طلعت طول للبيتي ودخلت.. نحيت مريولي رميتو على جنب ودخلت طول لسالدوبان نحيت باقي حوايجي وعملت دوش خفيف.. اول ماكملت لفيت نصي بالمنشفة وكملت ريقلت أموري ورجعت للبيت.. لبست سروال وطفيت الضو وتسطحت.. حطيت يدي وراء راسي وبقيت نغزر للسقف.. رغم اني مش حابب علاها المشية هاذي اما كان هذا بش يطيب خاطرها ويخلاها تنسى لي صار انا موافق نمشي.. ايامات ويتعداو المهم هي تتفرهد..غمضت عينيا حاولت نرقد شوي خاطر تعبت نهار ليوم.. شوي وقت وغفيت..
حليت عينيا على صوت الباب لي دق.. غزرت للشباك وين شفت النهار طلع.. عديت بيديا الزوز على وجهي وهزيت روحي غزرت للوقت وين لقيتها قريب 8.. عقدت بحواجبي مستغرب ك سمعت الباب دق مرة اخرى.. تبسمت ك سمعت صوتها هي تحكي
لارين:" عيسى.. عيسى فيييق.. ياااا عيسى "
حكيت على جبيني وقمت خذيت مريولي وبقيت نلبس فيه وفرد وقت نسمع فيها كيفاه تحكي
لارين :" راقد لتو بلعاني بش يفوتنا الوقت.. مستانس تسري من 6 تاع الصباح.. ليوم هبط عليك النوم "
تبسمت وقربت حليت الباب..عديت بعينيا عليها اول ماهزت راسها معاياا..ضيقت عينياا ك ريتها بقات تغزرلي ساكتة..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
