#ادم_يحكي
خذيت الساشيات من يد عيسى وطلعنا مع بعضنا.. اول ماوصلناا قدام الباب غزرتلو يحكي
عيسى :" ادخل انت حط هاذم واخلط عليا "
قحرتلو نحكي
انا :" تو تفكرتهم لكراسي ك ريت منظري "
تبسمت ك ريتو قحرلي وطلع طول.. حكيت على جبيني وحليت الباب لي كان مردود.. اول مادخلت تبسمت على جنب ك قابلتني هي أول وحدة تحضر ف الطاولة وسارحة لدرجة انها مافقتش بيا ك دخلت.. عديت بعينيا عالدار وين مالقيت حد لحظتهاا قربتلها بخطوات خفيفة ووقفت بجنبها.. طبست وزفرت بالشوي ف وذناهاا.. طبست راسي نغزر للمغارف لي طاحو من يداها ك تفجعت.. رجعت غزرتلها وين شفتها كيفاه حلت عيناها فيا مصدومة وبعد قحرتلي ساكتة.. هزيت بحاجبي نحكي
انا :" فجعتك مش هكا ؟"
عدات بعيناها علياا وهزت يداهاا ف وجهي تحكي
ماياا :" ياخي نورمال انت ف مخك ؟ هكاكا تفجعني "
انا :" اللطف عليك يا لغنجة.. مافيباليش قلبك عاليمين بش تتنطري هكاا "
عضت على شفايفها تحكي
ماياا :" شتعمل انت هناا؟ شمجيبككك ؟"
هزيت الساشيات قدامهاا وتبسمت نحكي
انا :" جبتلك الخبز حبيت نربح فيك أجر مرة اخرى.. ومعاهم شوي حلو ليك انت بش تحلى منطقك معايا "
نفخت بالشوي واشرتلي بيدااهاا عالباب تحكي
ماياا :" اخرج..اخرج خير والله مانعيط لعمتي تجي تتفاهم معاك يامتخلف انت "
ضحكت نحكي
انا :" هدي عصابك ياغنجة لا يتقطعلك عرق.. ياخي ماقالولكش اني بش نجي نشق فطري هناا حذاكم "
كملت كلامي وغمزتها.. عدات بعيناها عليا تحكي
ماياا :" صار يقصدوو فيك انت ك قالو صاحب عيسى.. هذا لي ناقصني تو "
قربتلها شوي وعديت بعينيا عليهاا نحكي
انا :" انشالله تكوني حضرتيلي بريكتي.. نحبها بزايد تن وكبار ونحب العظمة طايبة "
حطت يداها على صدري ودزتني تحكي
مايا :" برا تشهى بعيد عليا.. نخدم عندك ف بالك "
انا :" ميسالش هاني بش نسامحك ليوم خاطر مافيبالكش.. اما من هنا لقدام.. نحب بريكتي كيما قتلك ونحب نلقى كأس بسيسة بارد.. خاطرني بش نعدي رمضان هناا حذاكم"
نفخت بالقوي تحكي
مايا :" تي شدخلني فيك يا متخلف انت "
تبسمت على جنب وتلفتت على صوت خالتي غالية تحكي
غالية :" ادومة مرحبا بولدي "
رسيت على سنيا بالقوي ك ريتها ضحكت.. قربت لخالتي غالية نحكي
انا :" غاليوتة تربجي بياا ديزل ادومة هاذي مانحبهاش.. كبرت علاهاا "
ضحكت تحكي
غالية :" قد ماتكبرو تبقاو صغار ف عينيا "
تبسمت نحكي
انا :" مالا قوليها ك نبداو وحدناا مش قدام لعباد "
غالية :" مفما حد غريب يابابا..هاذي مايا كان ماتعرفهاش اخت رينو وكيما بنتي وبش تعيش معانا "
غزرتلها على جنب ورجعت غزرت لخالتي نحكي
انا :" لا نعرفو بعضناا وفرحت بياا زادة ك شافتني "
ريتها ك قحرتلي وطبست تلم ف المغارف.. تبسمت على جنب وغزرت لخالتي.. عطيتها الساشيات نحكي
انا :" غاليوتة هاذم شوي قضيات شريتهم انا مش عيسى.. ماحبيتش ندخل يديا فارغة "
خذاتهم من يدي وضحكت تحكي
غالية :" عيشلي ولدي.. ياخي عيسى وينوو؟"
حليت عينيا على وسعهم نحكي
انا :" نسيتوو جملااا.. طلع لفوق بش يهبط لكراسي قلي اخلط علياا.... "
قص علياا صوتو لي صاح من الدروج يحكي
عيسى :" ادددددم "
انا :" ولدك بش يبلعني ليوم.. بش يشق فطرو عليااا "
خليتها واقفة وخرجت نجري.. طلعت فيسع ك ريتو هازز زوز كراسي وهابط.. قحرلي يحكي
عيسى :" ياخي وينك مش قتلك اخلط علياا.. ساعة نستنى فيييك "
خذيت من يديه لكراسي الزوز نحكي
انا :" تي بقيت نحكي مع غاليوتة.. هاني جيتك وسع بالك "
عدا بيديه على وجهو يحكي
عيسى :" هبط هاذم "
هزيتلو براسي باهي وهبطت.. رجعت دخلت لدار وين شفتها خارجة من الكوجينة و فيداها صحن سلاطة مشوية.. ريتها ك قحرتلي وتعداتني للطاولة.. قربتلهاا وبقيت نحط ف الكراسي نحكي
انا :" عالظاهر انت لي مطيبة لعشاء مش هكا ؟"
دوب تبسمت وهزتلي براسها اي تحكي
مايا :" اي انا عملت هذا لكل ليوم علاش ؟"
حطيت الكرسي نستوي فيه ونحكي
انا :" لا خاطرو من غير ريحة عاد عرفتو من يديك انت "
ضغطت على يداهاا بالقوي وقحرتلي تحكي
مايا :" كان عجبك كول ماعجبكش برا طيب لروحك "
ضحكت على وجهها لي حمار.. ريتها ك عطاتني بظهرها ودخلت للكوجينة.. تلفتت على صوت الباب لي تحل وين شفت عيسى دخل وف يديه كرسي.. حطو وغزرلي يحكي
عيسى :"بدأ يقرأ..خليني نعيط لخالي ونمشيو لجامع "
هزيتلو براسي باهي وغزرتلو ك دخل للبيت.. خرجت قدام الباب نستنى فيهم.. هكاكا وريتها خرجت من الكوجينة وقربتلي.. عدات بعيناها عليا تحكي
مايا :" شد هاذم بعثتهملك عمتي "
خذيت القفة الصغيرة من يداها نحكي
انا :" شنوة هاذم ؟"
مايا :" دڤلة بالشامية والزبدة و3 دبابز ماء ليك انت وعيسى وعم جابر.. قتلي بش تهزوهم معاكم للجامع "
هزيتلها براسي باهي وتبسمت نحكي
انا :" باهي يعطيك الصحة "
دوب تبسمت تحكي
مايا :" من غير مزية وربي يتقبل صلاتكم "
هزيتلها براسي اي وبقيت نتبع فيها بعينيا حتى رجعت للكوجينة.. رغم انو هاذي ثالث مرة نشوفهاا فيها اما حسيت روحي بلحق نشيخ ك نراهاا خاصة ك نقلقهاا ونخليها تتوتر وتدخل بعضهاا.. فقت من سرحتي على صوت عيسى وعم جابر ك خرجو.. نزلنا مع بعضنا وشدينا الثنية للجامع..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
