#يوسف_يحكي
فقت من سرحتي على صوت ماياا.. ريتها كيف مسحت يداها وغزرتلي تحكي
مايا :" Joseph ياخي فما تواليت هنا ؟"
هزيتلها براسي اي نحكي
انا :" اي اي..اهيكا لمقابلة..امشي وهاني نعس عليك "
ضحكت وقامت من بلاصتها.. بقيت نتبع فيها بعينيا حتى دخلت وسكرت الباب وراها.. لحظتهاا غزرت للارين وين شفتها تحرك ف المغرفة بلا ماتاكل نحكي
انا :" شبي دڤلتي متقلقة ؟"
هزت راسها وتبسمت.. عدات بعيناها عليا تحكي
لارين:" مانيش متقلقة بالعكس انا فرحانة خاطرني حذاك تو "
شديتها من يداها نحكي
انا :" مالا شبيك ساكتة ؟ مش عوايدك تسرح وانت معايا "
لارين :"مانيش ساكتة.. قاعدة نسمع فيك انت ومايا "
تبسمت وكبست على يداها نحكي
انا :" تعرف لي انا توحشتك برشة وانك خليتي علياا بلاصة كبيرة "
لارين :" حتى انا توحشتك.. وهاني رجعت حذاك "
عديت بعينيا عليها نحكي
انا :" لارين شبيك ؟ وماتقليش حتى شي خاطر ظاهر عليك لقلق.. صارت حاجة؟ سميحة كلمتك تو خاطرك خارجة ؟"
هزتلي براسها لا تحكي
لارين:" لا..وحتى كان تكلمت سميحة مانحسهاش "
قمت من بلاصتي وقعدت عالكرسي بجنبها نحكي
انا :" مالا تعاركت مع عيسى ؟ هو السبب مش هكا ؟"
غمضت عيناها ورجعت حلتهم.. هزتلي براسها اي من غير حتى كلمة.. عديت بعينيا عليها نحكي
انا :" شعملك ؟"
دارتلي بكلها وتبسمت تحكي
لارين:" فك علينا منو ومن سيرتو تو.. مانحبش نحكي عليه "
انا :" باهي ميسالش.. المهم ماتقلقش روحك وشيهمك فيه.. المفروض راك تعودت عليه "
عدات بعيناها علياا وغزرتلي درا كيفاه.. خذات نفس وضحكت تحكي
لارين :" اي قلي شعملت ف غيابي ؟"
انا :" شي والله.. قرايا ودار.. دخلت نترانا زادة.. قاعد نحضر للباك سبور "
هزيت يدي وضحكت نحكي
انا :" ماكش قاعدة تشوفي ف عضلاتتي ولت عندي بونية صحيحة.. نهار لي يقلقك شكون نجي نغفصو "
ضحكت تحكي
لارين :" ههههه مسكين لي بش يطيح ف يدك"
هبطت يدي وتبسمت نحكي
انا :" الله خير.. خلى واحد يوصل يكلم دڤلتي شطر كلمة والله مايلقاني ف وجهو.. راك الحب ياحب "
شدتني من يدي وضحكت تحكي
لارين :" ربي يخليك ليا Joseph..تصدقني ك نقلك انا رجعت على خاطرك انت اكثر واحد "
انا :" ويخليك لياا انت زادة.. وصدقني انت كان زدت بطيت علياا راني بلحق تغششت.. تي رمضان مازالو 7 ايام.. خفت لا ماتجيش وتفوت الجو لي محضرهولك"
ضحكت تحكي
لارين :" شبيني مهبولة انا بش نفوت جو معاك "
انا :" اي حضر روحك فرمضان عناا طهور فالحومة "
عقدت بحواجبها تحكي
لارين :" ياخي يطهرو ف رمضان؟"
ضحكت نحكي
انا :" اي يطهرو ليلة النص يعني ليلة 15 ولا ليلة 27"
لارين:" اممم اوكي.. وطهور شكون ؟"
انا :" زين ولد احلام..لي بقيتي بجنبها فعرس فيصل "
ضحكت تحكي
لارين:" اي اي..ياسر محلاها اكا لمرا وعندها بنوتة تهبل "
انا :" اي ليليان ام لسان طويل.. والله تفكرني فيك ساعات.. طولها تحت ركبتي ولسانها أطول مني "
لارين:" أنت لا سالمين منك كبار لا صغار "
ضحكت وتلفتت لمايا لي رجعت..نفخت تحكي
ماايا :" ياسر صغيرة التوالات.. ووين نغسل يدي لبرا نلقاها مليانة بقيت نستنى "
ضحكت وغزرتلها كيف قعدت نحكي
انا :" ااا لازمك تستناس عسلتي.. هناا لازمك تفكي بلاصتك ف كل شي "
مايا :" اي هاني نحاول "
ريت لارين كيف شدتها من يداها تحكي
لارين :" كان تقلقت تو نروحو "
مايا :" لا رينو ماتقلقتش والله.. هانا ساهرين شوي "
انا :" صحفتك بردت.. تحب نجيبلك صحفة اخرى ؟"
هزتلي براسها لا وتبسمت تحكي
مايا :" لا مازالت سخونة والله.. عيشك Joseph "
انا :" صحة وبالشفاء "
خذيت صحفتي حطيتها قدامي ورجعت ناكل ونحكي معاهم وفرد وقت نغزرلها وين شفتها خير من بكري.. اول ماكملنا قمت من بلاصتي نحكي
انا :" نخلص ونمشيو "
ريتها كيف وقفت وقربتلي تحكي
لارين:" شد هاذم وبلاهي ماتقولش لا "
هبطتلها يداها لي كانو فيهم فلوس نحكي
انا :" ماعزك يا بلاهي..شنوة دڤلتي ياخي بش نرجعو لموال قبل.. مدامك معايا انا نخلص "
تبسمت تحكي
لارين:" اما هكا برشة عليك "
قرصتها من خشمها نحكي
انا :" مفما حتى شي برشة عليك "
خليتهم واقفين ودخلت فيسع خلصت وخرجت وين شفتهم واقفين على جنب يحكيو.. قربتلهم نحكي
انا :" هياا الساعة وفات من بكري عم جابر تو يهد علياا لدار "
ضحكت تحكي
لارين :" ههههه يعملها والله "
انا :" نمشي ضحية من جرتكم "
مايا :" احنا خاطيين انت لي بطيت "
حليت عينيا على وسعهم نحكي
انا :" شوف كيفاه دارت عليا العسلة ف عوض ماتقلي اللطف عليك "
دورت بيداها على مرفقي تحكي
مايا :" اللطف عليك Joseph "
تلفتت يمين شفت لارين تلفتت يسار شفت مايا.. ضحكت نحكي
انا :" والله كأني السلطان سليمان.. وينك ياعزة راهم خطفوني منك "
ضحكت تحكي
لارين :" معانا احنا مفماش بلاصة لعزة سايي "
عضيت على شفايفي نحكي
انا :" لكلام هذا بيناتناا قدامها ماتقوليهوش "
مايا :" هههه طلعت خواف خسارتك "
انا :" لي خاف نجا بنيت عمي.. كلو الا المدام "
لارين :" كلمة اخرى على عزة نخليك خاطرني نغير "
طبست علااها شوي وهمست ف وذناها نحكي
انا :" وهو فما وحدة تغير من بنتهاا "
حلت عيناها فيا وضربتني على كتفي تحكي
لارين :" ساااقط "
ضحكت رجعت غزرت قدامي.. بقينا نتمشاو ونضحكو حاولت على قد ما انجم بش نخليهاا تروح مش متقلقة رغم اني مش عارف شنوة سبب غشهاا من عيسى اما حسيت روحي تقلقت معاها وانا نشوف فيهاا كيفاه متغيرة..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
