#عيسى_يحكي
عديت بعينيا عليها وبقيت نغزرلها لين غفات..غطيتها مليح وبقيت بجنبها نخمم كيفاه بش نخلاها تنسى لي شافتو ليوم وترجع عادي..على قد ماحبيت نطمنها مانجمتش.. شوفتها وهي خايفة هكاا وماتحبش تخرج خلاتني حاير مش عارف شنعمل معاهاا.. تنهدت بالشوي وقمت.. طبست استويتلهاا مخدتهاوغطيتهاا..خليت الضو يشعل وخرجت بش نعمل قهوة.. اول مانزلت عرضني خالد طالع.. هز راسو معايا وغزرلي يحكي
خالد:" كنت جايك تو.. شحالها لارين ؟"
عديت بيديا على وجهي ونزلتلو نحكي
انا :" خير شوي.. خليتها راقدة تو "
عدا بعينيه عليا وهز بحاجبو يحكي
خالد :" شبيك متقلق ؟"
انا :" حسب رايك انت؟"
اشرلي بعينيه يحكي
خالد :" ايجا خلينا نقعدو شوي فالتيراس.. الجماعة مشاو للشط بش يعومو خلينا نبقاو وحدنا نحكيو "
انا :" استنى نعمل قهوة.. راسي بش يتكسر "
خالد:" باهي برا هاني سبقتك "
هزيتلو براسي باهي وعطيتو بظهري.. مشيت طول للكوجينة وبقيت نحضر ف القهوة ختر كملت..هزيت الفنجان وخرجت حذاه وين شفتو قاعد ومتكي بظهرو لتالي.. قعدت بجنبو وعملت رشفة من الفنجان بش نصحصح شوي.. غزرتلو ك تلفتلي يحكي
خالد:" تحب نحضرلك بيت أخرى مدام لارين راقدة ف بيتك ؟"
هزيتلو براسي لا نحكي
انا:" لا بش نبقى حذاهاا..تو نرقد عالفوتاي "
عدا بعينيه عليا وغزرلي درا كيفاه يحكي
خالد :" اي ميسالش خليك معاها "
غزرتلو على جنب نحكي
انا :" فكك من لارين تو واحكيلي شعملت ؟"
استوا ف قعدتو وتلفتلي يحكي
خالد:" كلمت سام بكري.. وصيتو انو جاك مايتعداش من الميناء.. قتلو خَبر لي غادي لكل..هو يعرفهم خاطر ولي بش يرا جاك بش يشدو ومايخليهوش يتعدا "
حطيت الفنجان وهزيت بحاجبي
انا :"باهي وتصور هو مش ناوي يرجع وقاعد هنا متخبي.. شعملنا وقتها ؟"
خالد:" كيفكيف وصيت صحابي لي هناا لكل..بش يدورو الوتلة لكل ويشوفوه.. وانا غدوة بش نخرج نعمل دورة فبلايص نعرفهم مليح.. عيسى قتلك تهنى ورحمة بابا وامي لاني بش نعديهالو بالساهل.. لارين كيما اختي وانت خويا وجيتو حذايا مالا حسابو معايا الطحان..تو نوريه شمعناها يحط يدو على خواتي "
عديت بيديا على وجهي نحكي
انا :" عيشو خالد وعارف انك بش تلقاه..اما كيما وصيتك نحبك تخبرني رد بالك تخبي عليا "
خالد:" وانا قتلك تهنى.. بش نخبرك ونجيبو لعندك ياسيدي.. المهم انت وسع بالك "
تنهدت بالشوي وهزيتلو براسي باهي.. حسيت روحي ماقدامي حتي حل آخر كان اني نستنى خالد خاطرني مربوط ب لارين لي مانجمش نخلاها وحدها وزيد لبلاصة هناا كبيرة وانا مش عارف الطحان وين عندو يمشي مالا بش نستنى وكهو رغم انها ماتحبش تبقى هناا اما مجبور مانسمعهاش المرة هاذي..مستحيل نتحرك من هنا ولا نبرد قبل مانحاسبو ونوريه شمعناها يحط يدو علاهاا.. فقت من سرحتي على صوت خالد يحكي
خالد:" انت غدوة خرج لارين شوي.. امشيوا لريستو افطرو وهزها للشط تبدل شوي الجو "
تنهدت بالشوي نحكي
انا :" لارين ماتحبش تخرج.. بقات خايفة من لبلاصة قد ماحاولت معاها شي "
خالد :" مالا بش تبقى محصورة فالبيت؟ هكا توتتعب اكثر "
حطيت الفنجان بعد ماعملت رشفة وغزرتلو نحكي
انا :" مانعرفش.. قاعد نخمم نهزها ونمشي من هناا.. نشوف وتيل ف بلاصة هناا نبقاو فيه المهم يكون بعيد عالشط هذا "
حك على جبينو وغزرلي يحكي
خالد :" انساها حكاية لوتيل..عندي فكرة ماخير "
انا :" سمعني "
خالد:"شوف اناعندي شاليه صغرون..نقولو دار ف Tamaricciu.. يبعد على هذا بالكرهبة 20دقيقة.. خذيتو خاطر ناوي نحل فرع آخر لريستو.. هو مش حاضر مليح لحق.. اما فيه اللازم.. وموقعو باهي عالشط زادة.. شرايك تهز لارين وامشي انت وهي.. ابقاو نهارين غادي "
عديت بيديا الزوز على وجهي نحكي
انا :" مانعرفش.... "
قص علياا يحكي
خالد:" ياولدي اسمع كلامي..علاش الطفلة مسكينة من وقت ماجات وهي فالبيت..هزها خلي تبدل الجو.. لبلاصة غادي تهبل وفارغة مستحيل يلقاكم حد.. يعني ماتخافش علاهاا.. ومتاكد هي بش تعجبها لبلاصة.. وزيد غادي هي تكون تحت عينك اكثر من لوتيل"
عديت بعينيا عليه ومطيت شفايفي نخمم ف كلامو وين حسيت انها فرصة بش تتفرهد نهارين وزيد غادي فارغة هكاكا تتصرف على راحتهاا.. خذيت نفس طويل نحكي
انا:" اي وك نمشي ونبقى غادي كيفاه بش نعرف كان شديت الكلب لاخر ولا لا "
نفخ بالقوي يحكي
خالد :" ينعمبو ام الكلب لاخر.. ياولدي تونطلبك ولا تو نجيبهولك.... "
قصيت عليه نحكي
انا :" وين عندك تجيبو ؟ كلمني وانا تو نجي "
خالد :" باهي تو نكلمك "
انا :" باهي مالا "
خالد :" يعني ماشي ؟"
قحرتلو نحكي
انا :" اي.. تونهزها ونمشيو نعديو نهارين "
ضرب على كتفي بالشوي يحكي
خالد :" احسن ماتعمل وبلاهي لا تبدأ قالب وجهك.. ماتغششهاش كيف ليوم "
قمت من بلاصتي وغزرتلو نحكي
انا :" تلهى ف روحك "
ضحك يحكي
خالد :" هههه هذا كفوياا يعني "
دوب تبسمت نحكي
انا :" تصبح على خير "
خالد :" مخليني وحدي؟"
قحرتلو نحكي
انا :" مالا بش نبقى شادلك جنبك "
خالد:" ههههه شبيه جنبي مايعجبش ؟"
ضربتو ببونية على كتفو بالقوي وخليتو..طلعت طول للبيت.. اول مادخلت قريت ناحيتها واطمنت انها راقدة.. هزيت حوايجي ودخلت لسالدوبان عملت دوش خفيف وخرجت.. بدلت حوايجي وريقلت أموري ورجعت للبيت.. هزيت مخدتي وطفيت الضو..تكيت عالفوتاي وبقيت نغزرلها.. رغم اني بلحق فادد ومش متحمل شي لقيت روحي وافقت عالمشية لي اقترحها خالد على خاطرهاا هي..المهم انها ترجع كيما كانت وتتفرهد شوي..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
