#لارين_تحكي
خذيت نفس طويل وقعدت عالفوتاي.. رديت عليه فيسع وين سمعت صوتو يحكي
نزار :" الو عسلامة "
رديت النفس على فرد ضربة نحكي
انا :" bonsoir Mr nizar "
نزار :" bonsoir.. تفضل شكون معايا "
حطيت يدي فوق ركبتي لي ترعش نحكي
انا :" معاك لارين.. لي قعدت بجنبك ف الطيارة كان تتفكرني... "
قص علياا وضحك يحكي
نزار :" bien sur نتفكرك.. سافا لارين ؟"
تبسمت نحكي
انا :" الحمدالله سافا وانت ؟"
نزار :" انا زادة سافا.. ساعة قبل كل شي رمضانك مبروك "
انا :" عيشك وانت زادة رمضانك مبروك "
نزار :"désolé تو وين شفت التاليفون ولقيتك طالبتني..ليوم عديتو نهار خدمة وقضيات ماتفاضيتش نشوف حتى التاليفون "
قمت من بلاصتي وخرجت للبلكونة..عديت بعينيا عالحومة نحكي
انا :" ميسالش مسيو نزار... "
قص علياا يحكي
نزار :" نزار مش قلنا من غير القاب ؟"
انا :" اي قلنا "
نزار :" اي وينك انت ؟ انا قلت هاذي مش بش تكلمني ونسات احنا شنوة حكينا "
عضيت على شفايفي نحكي
انا :" لا مانسيتش والله.. اما الايامات لي تعداو كنت لاهية مع الدار.. وبقيت أنظم ف أموري "
نزار:" فهمتك.. المهم كملت تو كل شي وامورك مريڤلة ؟"
انا :" اي اي كملت كل شي على هذاكا طلبتك ليوم "
نزار :" نتمنى انك طلبتني بش تقلي خبر باهي ؟"
بدني رعش على كلمتو لي حسيتها طمنتني شوي.. بلعت ريقي نحكي
انا :" لخبر الباهي نتمنى نسمعوو منك ك تقلي انو العرض مازال قائم "
ضحك يحكي
نزار :" عندك شك انت ؟"
انا :" مانعرفش.. نقصد لا يعني انا بقيت برشة بش كلمتك قلت ممكن لقى بديل لياا "
نزار :" صعيب بش نلقى بديل ليك لارين.. اصلا ماخممتش اصلا بش نشوف غيرك خاطرني بلحق بقيت نستنى فيك وكنت حاسس انك بش تكلمني "
ضحكت نحكي
انا :" نزار فرحتني برشة.. ليوم خفت ك ماهزيتش علياا.. قلت ضيعت الفرصة من يدي "
نزار :" انت خممت هكاا خاطر مازلت ماتعرفنيش.. انا مدام وعدتك بالفرصة هاذي مستحيل كنت نجبد بيك ولا نخليك تخسرها..وصدقني حتى كان طلبتني بعد عام بش تلقى عرضي مازال قائم خاطر ماعنديش استعداد نضيع طفلة كيفك من يدي "
حطيت يدي فوق الدربوز وضحكت نحكي
انا :" عيشك وانشالله نكون قد الفرصة هاذي ومانخليكش تندم "
نزار:" ماعنديش شك ف هذا.. العبد الخدام يبان.. وانت خدامة وموهوبة"
خذيت نفس مرتاح من كلامو لي رجع فياا الروح بعد نهار خنقة وتخمام نحكي
انا :" يعني انجم نبدأ خدمة ؟"
نزار :" اكيد تنجم.. اما مش غدوة.. كان تنجم تجي بعد غدوة للعنوان لي مكتوب ف الكارط عندك مع 12.. نقعدو مع بعضنا نحكيو ونتفاهمو على كل شي.. تنجم تجي ف الوقت هذاكا ؟"
هزيتلو براسي باهي برشة مرات كانو يشوف فياا نحكي
انا :" اي اي اكيد انجم نجي.. انشالله 12 بالضبط نكون عندك "
نزار :" تفاهمناا مالا.. نستناك وبناتها تاليفون "
تبسمت نحكي
انا :" انشالله "
نزار:" لارين كان تنجم جيت رسوماتك لكل نحب نشوفهم كان تحب بالطبيعة "
انا :" اكيد نحب مفما حتى مشكل "
نزار :" باهي مالا ملتقانا بعد غدوة وفرحت برشة انك كلمتني وصدقني انت خذيت القرار الصحيح.. نتمنى الخدمة معايا تعجبك "
انا :" حتى انا فرحت برشة ومتأكدة بش نرتاح ف الخدمة "
نزار :" انشالله.. ايا نخليك تو "
انا :" بونوي نزار "
نزار:" بونوي "
اول ما علقت عليه حسيت قلبي ضرب بقوة من الفرحة لدرجة اني حسيتو بش يخرج من بلاصتو.. رجعت غزرت للتاليفون كاني حبيت نصدق انو لي صار تو حقيقة مانيش نتخيل لحظتهاا نڤزت على بلاصتي ودخلت نجري للبيت وانا باقي نضحك من الفرحة.. للحظة حسيت كأني الدنيا والبيبان لكل تحلاو قدامي بالفرصة هاذي.. لقيت انو حياتي بش تبدأ تو بلحق وقت نعمل على روحي ونعمل الحاجة لي نحبها ونخلي الناس لكل ترا خدمتي وخدمة نور.. حسيت اني بش نرتاح وقت نبعد شوي ونتخلص من التفكير فيه.. تلفتت على صوت الباب لي تحل وين شفت مايا دخلت تحكي
مايا :" حكيتو ؟؟"
جريت ناحيتها وترميت علاهاا.. عنقتهاا بالقوي نحكي
انا :" اي اي حكيناا وقلي ايجا بعد غدوة.. قلي العرض مازال وانو كان يستنى فيااا "
دورت بيداها علياا وضحكت تحكي
مايا :" يااا بلحق.. مبروك رينو فرحتلك ياروحي "
بعدت علاها وشديتها من يداها نحكي
انا :' ماياا حاسة قلبي بش ياقف.. حاسة روحي فرحانة فرحانة برشة "
كبست على يدي وضحكت تحكي
مايا:" انشالله ديما فرحانة ياروحي.. ريت ريت ظ قتلك بش يكلمك.. بش المرة جاي تسمعننني"
هزيتلها براسي اي نحكي
انا :" اي اي المرة الجاية نسمعك خاطر انت تقول كان الحاجات الباهية"
طبست باستني من خدي تحكي
ماياا :" هياا خلينا نخرجو؟.. اسمع قبل..عم جابر سألني قلي شكون كلمهاا قتلو صحابنا من فرنسا "
انا :" اي خير.. خاطر مانيش ناوية نخبرهم تو.. بعد مانحكي مع نزار ونتفاهمو نقلهم "
مايا :" اي خير هكاا.. شوف امورك بعد خبرهم"
هزيتلها براسي نحكي
انا :" اي هياا خلينا نرجعو نسهرو شوي.. حاسة النوم طار علياا "
ضحكت وحلت الباب.. خرجنا مع بعضناا ورجعت حذاهم وضحكتي مازالت على وجهي.. ريتو ك هز راسو معاياا وغزرلي غزرة تخوف.. دورت وجهي فيسع ماحبيتش نركز معاه بش مانفسدش فرحتي خاطر نعرفهاا غزرتو هذيكا مليح اما معادش يهمني فيهاا صارت آخر همي غزرتو لياا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
