#لارين_تحكي
عديت بعينيا عليه وخذيت من يديه رسوماتي بعد ماكملنا تفاهمناا ف كل شي.. تبسم يحكي
نزار :" مالا نستناك نهار الجمعة مع 13 "
قمت من بلاصتي نحكي
انا :" اي انشالله "
قام بعدنا وعدا بعينيه عليا.. خذا ملف وعطاهولي يحكي
نزار :" لارين هناا تلقى التفاصيل لي حكينا فيها بكري.. ك تروح اعمل عليه طلة "
خذيتو من يديه نحكي
انا:" باهي نزار تهنى.. نخليوك تو مانعطلوكش اكثر "
عدا بعينيه علينا يحكي
نزار :" استناو تو نوصلكم انا ماتبقاوش تستناو ف تاكسي "
انا :" لا ميسالش ماتعطلش روحك على خاطرناا.. تو ناقفو قدام الشركة نشوفو تاكسي "
نزار :" باهي على راحتك "
خرجنا من حذاه بعد ماودعناه.. كبست عالرسومات لي ف يدي من الفرحة لي كنت حاستها داخلي.. تبسمت وغرزت لمايا نحكي
انا :" مايا مانيش مصدقة الأمور مشات احسن من لي توقعت "
ماياا :" الحمدالله انت تستاهل هذا رينو.. المهم نحبك تركز "
انا :" اي اي اكيد بش نركز متخافش.. اما ماتوقعتش الخدمة بش تكون كبيرة هكاا من اول مرة "
مايا :" حتى انا.. اما انت قدهاا انا متأكدة وزيد هاو عندك وقت ماتخافش وماتتوترش "
انا :" اي لباس "
خذيت نفس طويل اول ماخرجنا من الشركة.. وقفت بجنب ماياا وعديت بعينيا عالطريق.. عوجت شفايفي نحكي
انا :" افف وينهم التكسيات "
ضحكت تحكي
مايا :" رينو اصبر تو مازالنا ك خرجنا "
انا :" تعبت والله ودخت بالجوع..نستنى وقتاه نوصل لدار ونرقد.. اصلا احنا بطينا شوي "
مايا :" اي حتى عمتي ك طلبت بكري قتلي شبيكم بطيتو.. نلقاها متحيرة "
انا :" ماسالتش عليا ؟"
ماايا :" سألت قتلهاا تحكي مع شكون..تهنى "
هزيتلها براسي باهي ورجعت غزرت للطريق.. تبسمت ك ريت تاكسي جاية ناحيتنا..عقدت بحواجبي مستغربة اول ماقربت وريتها نفس التاكسي لي جابتنا.. تلفتت على صوت ماايا تحكي
ماياا :" ياخي مش هذا لي جينا معاه؟"
هزيت بكتافي ومديت يدي وقفتو.. حليت الباب وطلعت بعد ماياا.. حطيت الرسومات فوق حجري وغزرتلو نحكي
انا :" سلام "
كمال :" سلام "
ماياا :" ملا صدفة..ياخي مش انت لي جينا معاك بكري؟ لي ركبنا من باب سويقة تفكرتنا ؟ "
غزرلناا من لمرايا وعدا بعينيه علينا يحكي
كمال :" اي اي نتفكركم.. هياا مزية ريتكم مالا هبطت كورسة قريب منكم وكنت مروح طول للحومة نوصلكم ف ثنيتي "
هزيتلو براسي باهي نحكي
انا :" يعطيك الصحة "
تكيت بظهري لتالي وغزرت لمايا لي غزرتلي درا كيفاه.. قربتلها شوي نحكي
انا :" شبيك تسأل فالراجل ؟"
ماياا :" خاطر استغربت "
انا :" هاو طلع يخدم "
عدات بعيناها علياا وغزرتلي درا كيفاه تحكي
مايا :" ممكن "
هزيتلها براسي اي وحليت الشباك بجنبي.. تبسمت من غير مانشعر اول ماطبست راسي وغزرت للملف لي كان ف يدي..للحظة هاذي مانيش مصدقة اني بديت نخدم سايي ف الحاجة لي انا نحبهاا وبش نولي نخلص..عندي قداه ماحسيتش روحي فرحانة هكاا خاظرني كنت بلحق خايفة اني نجي هناا ومانعمل شي لانخدم ولانقرأ ونلقى حياتي ضاعت مني وقتلي كنت نحلم نعمل برشة حاجات.. اما صدفة وحدة خلات كل شي يتبدل لقيت روحي ف ليلة ونهار قدام فرصة كبيرة وخدمة ماتوقعتش اني نخدمها عالاقل تو وانا مازلت صغيرة هكاا.. كبست عالملف اكثر وقت تفكرت كلام نزار.. رغم اني ساعات نحس بالخوف خاطرني قدام مسؤولية كبيرة اما ك نتفكر كلام نور لياا قبل وشنوة هي علمتني نحس روحي نطمن خاطرني متأكدة هي بش تكون معايا حتى لو كان غايبة عليا تو اما كلامهاا تشجيعهاا لياا وخدمتهاا مازالو معاياا.. مازلت مستحفظة على كل شي يخلصها داخلي وهذا هو لي بش يعاوني.. تبسمت اول ماتلفتت وشفت مايا بجنبي..وين تفكرت كلام نزار ليهاا اول مرة خفت كان تتعطل من حكاية لفلوس اما وقت عرفت انو عندي شهرية اطمنت هكاا مايا تنجم تقرأ من غير ماتخمم ف شي وبعدهاا تحل مشروع متاعهاا.. قلبي ضرب بقوة وقت تخيلت حياتنا كيفاه ممكن تصير وين حسيت روحي تحمست اكثر للفترة الجاية وقت نرا خدمتي كيفاه بش تطلع ونرا ماياا رجعت تخدم.. فقت من سرحتي عالتاكسي لي وقفت فالحومة.. جبدت لفلوس وحاسبتو نحكي
انا :" يعطيك الصحة.. شاهية طيبة "
كمال :" وانت بالامثل "
غزرت لمايا لي نزلت بعدي ونفخت بالشوي تحكي
مايا :" افف خضني كيفاه يجري "
انا :" انا ماحسيتش بيه..طريق كامل عديتو سارحة.."
قص علياا صوت تاليفون ماياا.. ريتها ك جبدتو تحكي
مايا :" عمتي تطلب "
انا :" هز علاهاا "
هزتلي براسها باهي وردت علاهاا.. بقيت نتبع فيها بعينيا كيفاه تحكي معاها وفرد وقت نغزر للحومة لي فيها حركة خفيفة كان النساء ماشين جايين عالمرشي.. تلفتت لمايا تحكي
مايا :" عمتي تحب شوي ڤوتة وجبن من المرشي قالتنا كان تنجمو جيبو معاكم "
قلبت شفايفي نحكي
انا :" انا شوي وندوخ والله الشمس كملت علياا "
مايا :" اعطيني لفلوس واطلع انت.. تو نمشي انا فيسع "
انا :" لا لا مانخليكش... "
مايا :" رينو مانيش بش نضيع.. لي يبيع نعرفو مشيت مع عمتي اكا لمرة ليه "
انا :" اما... "
مايا :" يالارين هات عمتي تستنى فالڤوتة "
هزيتلها براسي باهي وجبدت لفلوس.. خذاتهم من يدي تحكي
مايا :" ايا اطلع..انا نمشي فيسع ونجي "
انا :" رد بالك على روحك "
عطاتني بظهرها ومشات من ناحية المرشي.. بقيت نغزرلها حتى غابت علياا وين لقيت روحي تحيرت علاها فيسع ومانطمن حتى هى ترجع.. تنهدت بالشوي ودخلت للعمارة.. بقيت طالعة ف الدروج دبة دبة مم الفشلة لي ضربتني خاطر سايي بلحق تعبت وراسي وجعني..حليت عينيا على وسعهم اول ماسمعت صوت خطوات نازلين من فوق وين عرفت ممكن يكون هو لحظتهاا جريت وطلعت فيسع بش مانشوفوش..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
