#لارين_تحكي
رجعت شعري لتالي وبقيت نلم ف الفتفات لي ماحبش يوفى وحتى ماياا لتو ماطلعت مانعرفش شبيها بطات ولا راهي عاونتني.. نفخت بالقوي ك ريت الباب تحل.. قلبي ضرب بقوة اول ماهزيت راسي وغزرتلو.. عديت بعينيا عليه نغزرلو كيفاه طلع فالجبة لي كانت الطويلة وكحلة..للحظة حسيت روحي مش منجمة نهبط عينيا من عليه رغم انو كان متغير خاطر اول مرة نراه بلبسة هكاا اما كان محلاه.. ربع يديه وغزرلي يحكي
عيسى :" لتو واحلة ف شوي فتفات ؟"
قحرتلو وقمت من بلاصتي.. نفضت يدي نحكي
انا :" شيهمك فياا انت.. برا اهبط وابعدني "
شهقت بالقوي اول ماهد علياا وشدني من مرفقي.. هز بحاجبو يحكي
عيسى :" مالا صحابك توانسة ودزيرية طلبوك بكري ؟"
تبسمت على جنب نحكي
انا :" اي "
عيسى :" باهي اعمل كيما تحب تو.. هاني قاعد نعدي بكيفي.. مالا رد بالك مني نهار لي نهبل "
نطرت مرفقي منو نحكي
انا :" ماعندك ماتعمل.. وبرا هدد حد غيري خاطر انا معادش نخاف منك "
عدا بعينيه عليا وغزرلي درا كيفاه يحكي
عيسى :" مفماش حد غيرك.. وتو نشوفو تخاف ولا ماتخافش "
قحرتلو ورجعت طبست على ركايبي نلم.. ريتو دخل لدار وخلا الباب محلول.. نفخت بالقوي من الفدة لي حسيتها منو كيفاه كل مايرا وجهي يقوم يهدد ويسأل على اساس انا بش نجاوبو ولا نخاف منو.. ريتو كيف خرج وف يديه مكنسة ومسحة.. حطهم قدامي يحكي
عيسى :" شد وقوم من على ركايبك "
طبست راسي نحكي
انا :" ماجيتش نشكيلك.. انا مرتاحة هكاا "
سمعتو ك نفخ بالقوي يحكي
عيسى :" انا نهبط قبل مايطرشقلي عرق الليلة "
دوب تبسمت وقت ريتو سكر الباب وهبط.. دورت راسي وين شفتو بعد علياا لحظتهاا قمت فيسع نفخت ركايبي وشديت المكنسة بقيت نكنس ف لي بقى من الفتفات ونحط فيهم ف المسحة.. عوجت شفايفي ك لقيتو عالاقل عرف يخمم ف حاجة خاطر ساعات نشك مخو مايعرف شي كان الصياح والعياط.. اول ماكملت هزيت المسحة والباكو من القاعة وهبطت.. دخلت لدار وتعديت طول للكوجينة وين لقيت عمتي ومايا واقفين.. اول ماتلفتتو غزرولي مستغربين الزوز وعداو بعيناهم علياا..غزرت لعمتي ك قربتلي تحكي
غالية :" شنوة هذا؟ شصار ؟"
قربت للبوبال طيشت فيها لوسخ لي ف المسحة نحكي
انا :" عمتي وانا طالعة ضربو الفوشيك..ياخي من الفجعة طيحت الباكو "
غزرت لمايا ك ضحكت تحكي
مايا :" والله حتى انا تفجعت وخرجت نجري نسأل ف عمتي "
غالية :" ماتخافوش..الصغار هكا يلعبو ديما تو تستانسو "
هزيتلها براسي اي وقربت حطيت المكنسة على جنب.. غزرتلي تحكي
غالية :" ياخي منين جبتهم هاذم ؟ "
بلعت ريقي نحكي
انا :" ماني تفجعت قدام باب دارك.. عاد عيسى سمعني وهو عطاني المكنسة "
غالية :" فهمتك.. اياا شدو التاي هاو طاب واطلعوا "
تنهدت بالشوي وغزرت لماايا نحكي
انا :" ماياا ميسالش نبقاو.. والله لعظيم حاسة ركايبي مازالو يرعشو "
ماايا :"اي ميسالش..اصلا الوقت تأخر تو خلينا وكهو "
غالية :" مالا براو للصالة اسهرو هاني خالطة عليكم "
انا :" نمشي نغسل يدي ونجي "
خرجت فيسع غسلت حالتي وريقلت أموري ومشيت للصالة وين سمحية متكية كالعادة تتفرج ف التلفزة..
قربت قعدت بجنب ماياا لي عطاتني كاسي خذيتو من يداها وبقينا نتفرجو ف المسلسل ساكتين.. مانعرفش قداه تعدا حتى سمعت صوت الباب لي تحل وصوت رانية تضحك..ريتهم ك دخلو و فيداهم برشة ساشيات.. سمعت عمتي تحكي
غالية :" شبيكم لتو ؟"
غزرتلها ك قعدت بجنب امها وضحكت تحكي
رانية :" مشينا الاسواق.. وشرينا برشة حاجات "
غزرت لسميحة ك قامت وخذات الساشيات تشوف فيهم.. تبسمت ك ريتو قرب وقعد بجنبي يحكي
جابر :" شريتلك عباية كيف رنوش بش تصلي بيهاا وسجادة وكتاب قران زادة ومعاه سبحة"
ضحكت نحكي
انا :" بلحق؟ ميسالش توريهالي ؟"
ريتو ك أشر بعينيه لرانية وين عطاتو الباكو.. مدهولي يحكي
جابر :" انشالله العباية تعجبك وتجي قدك "
خذيتها من يديه وحليتهاا.. تبسمت اول ما جبدت السجادة اول وحدة حليتها وعديت بعينيا على لونها لي كان ف الباج وفيها نقشة.. جبدت العباية بعدها ولي كانت ف نفس لون السجادة طويلة وسامبل ومعاها فولارتهاا..حطيتها على جنب وغزرت لكتاب القرآن لي كان مغلف..عديت بعينيا عليه وين حسيت روحي بلحق فرحت بيهم لكل.. نحكي
انا :" عيشك جابر.. محلاهم لكل هذا والله "
طبس باسني من راسي يحكي
جابر :" صحة لضي جابر "
تبسمت ك ريتو خذا ساشي أخرى وعطاها لمايا يحكي
جابر :" مايا وهاذي جبة تقليدية ليك انشالله تعجبك "
خذاتها من يديه وضحكت تحكي
ماايا :" عيشك عم جابر "
انا :" ترا حلها خليني نشوفها معاك "
هزتلي براسها باهي وحلتهاا.. حليت عينيا على وسعهم اول ماجبدتها وريتها قداه محلاهاا.. تبسمت تحكي
ماايا :" تهبل عيشك عم جابر ربي يخليك "
جابر :" صحة لبنتي "
تبسمت وتكيت بظهري لتالي نغزر لسمحية كيفاه مازالت تشوف ف الساشيات.. ريتو ك وقف يحكي
جابر :" انا داخل نرقد..ايا تصبحو على خير "
كلنا :" وانت بخير "
خبيت كل شي ف الباكو وغزرت لمايا نحكي
انا :" هياا خلينا نرقدو احنا زادة "
مايا :" اي هياا حتى انا تعبت "
قمت من بلاصتي وعديت بعينيا عليهاا وغزرت لعمتي نحكي
انا :" احنا داخلين نرقدو.. ايا تصبحو على خير "
كلهم :" وانتوما بخير "
خليناهم قاعدين ومشينا للبيت..دخلت بعد مايا وسكرت الباب ورايا.. حطيت الباكو على جنب وقربت للخزانة جبدت بيجامتي لبستها وتكيت بجنب مايا.. غمضت عينيا على خيال نور لي هد علياا وقت تفكرت السحور كيفاه كنت نعمل فيهاا كل فجر وقت تفيقني.. حشيت راسي ف المخدة وبقيت سارحة مع تصويرتها وصوتها حتى غفيت..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
