#عيسى_يحكي
خرجنا من الجامع بعد ماكملنا صلاة التراويح.. تلفتت لخالي ك قربلي يحكي
جابر :" عيسى مشيت شفت خوك؟"
تنهدت بالشوي وهزيتلو براسي اي نحكي
انا :" اي خالي.. ووصيتو بش يروح بعد "
ضرب على كتفي بالشوي يحكي
جابر :" باهي عيش ولدي "
عدا بعينيه علينا وغزرلي يحكي
جابر :" ماشيين للورشة تو ؟"
ادم :" اي عم جابر "
جابر :" باهي براو.. انا هاني ماشي مع الحج محمود بش نبقى حذاه شوي "
انا :" باهي خالي "
غزرتلو ك شد الثنية مع عم محمود العطار.. تلفتت للادم يحكي
ادم :" هياا خلينا نمشيو "
شديت الثنية معاه ساكت.. تلفتت على صوتو يحكي
ادم :" ياخي شكنت تحكي بكري مع عمك كمال التاكسيستي ضربت قريب ربع ساعة معاه ؟"
عديت بيديا على شعري نحكي
انا :" حتى شي.. كنت نسأل فيه التاكسي متاعو مريڤلة ولا لا "
ضربني ببونية على كتفي يحكي
ادم :" شنوة عندك شك ف خدمة الديزل؟"
تبسمت نحكي
انا :" الله خير عاد..لازمني نسأل وشوف وشوف "
ادم :" ساقط "
قحرتلو نحكي
انا :" الليلة السحور حذاياا.. اطلع نتسحرو مع بعضنا ونمشيو نصليو الفجر جميع "
ادم :" لا لا برا روح على روحك.. انا بش نروح نرقد وتو نتقابلو ف الجامع.. يزي نشق فطري كهو نزيد السحور برشة.. كان صاحبك عسل "
عقدت بحواجبي نحكي
انا :" وعندك تتسحر وحدك؟"
ادم :" تمر وكأس حليب وفيه لبركة.. هاني ماشي تو بش نضربلها كسكروت كفتاجي مشخشخ بالتن ودوبل جبن.. نحب نجيبلك معايا ؟"
هزيتلو براسي اي نحكي
انا :" اي برا جيب.. اما انا نحب طابونة كبدة من عند أنيس.. اخطف روحك جيبلي واحد حار وبزايد بصل "
حل عينيه فيا يحكي
ادم :" علاش تحبني نضربهاا لغادي.. حرام عليك "
ضربتو على كتفو نحكي
انا :" براا ويزي بلا تخرنين وانت ك العزايز نهار كامل"
قحرلي يحكي
ادم :" هاني ماشي يجعلو لربي.. خيري عليكم لكل "
هزيت بحاجبي نحكي
انا :" برا برا لا نسبك.. وجيب ڤازوزة باردة معاك "
قحرلي عطاني بظهرو يحكي
ادم :" جبتك ونسيتك "
تبسمت وغزرتلو ك قص من النهج الثاني.. خذيت نفس طويل وكملت طريقي للورشة..اول ماوصلت شفتها كيفاه محلولة والضو يشعل وعبوة لبرا يخدم.. قربتلو نحكي
انا :" صحة شريبتك عبودة "
هز راسو معايا وتبسم يحكي
عبودة:" يعطيك الصحة معلم.. صحة شريبتك انت زادة "
جبدت كرسي من داخل حطيتو لبرا وقعدت.. عديت بعينيا عالكرهبة لي كانت قدامو نحكي
انا :" اا شنوة الخدمة ماشية ؟"
عبودة :" اي معلم تهنى.. الكرهبة هاذي قريب تكمل وغدوة مولاهاا جاي لوقيت هذاا بش يهزها "
هزيتلو براسي باهي نحكي
انا :" باهي يعطيك الصحة.. اسمع عبودة نحي لي ف يديك وبرا جيبلناا زوز كابوسان "
تبسم ومسح يديه يحكي
عبودة:" حاضر معلم.. جرية ونجي "
هزيتلو براسي باهي وغزرتلو ك مشى لقهوة عمك حبيب لمقابلة.. جبدت تاليفوني بش نشوف إذا فما حد كلمني خاطر حاطيتو صامت ف الجامع.. رسيت على سنيا بالقوي ك ريت الساقط خالد باعثلي ميساج.. حليتو بالوقت وعديت بعينيا عليه
خالد [ وينك العم الحوت ليك وحشة.. رمضانك مبروك صاحبي.. نلقاك طالبني قداه من مرة مافقتش بيك لاهي النهارين هاذم مع جمال..كان كلمتني على موضوع جيهان حبيت نقلك راو تفض سايي.. جاك ربيتو انا من اول وجديد وجهو معادش باين فيه ملامح واكا الملهط كيفكيف كلات ضرب مني ماكلا لبهيم نهار العيد واهيكا رجعت لتونس مدڤدڤة.. وكان كلمتني على موضوع آخر نحكيو فيه بعد العيد انشالله ك نجي حذاك.. اهوكا حضر روحك شهر وشوي ونكون عندك يالحوت.. غير سايس علياا خدي مش قد البونية متاعك.. باي ياوحش ]
كبست عالتاليفون لي كان فيدي من لعصب لي حسيتو منو الساقط.. عقدت بحواجبي مستغرب علاش جاي هذاا بعد شهر مش عوايدو مستانس يجي كان وقت الشتاء..طلبت النومرو بالوقت بش نفهم منو لحكاية رسيت على سنيا بالقوي ك لقيتو مسكر.. الطحان غير يجي برك كان مانربيهوش انا عالفازات متاع التفوريخ هاذم.. فقت من سرحتي على صوت عبودة ك رجع.. حط الكاس قدامي ورجع يخدم.. عملت رشفة منو وبقيت نقرأ ف ميساجو مرة اخرى مافهمتش شيقصد بموضوع آخر اما خلى لي ف بالي يطلع صحيح كان ماندموش على حطة ساقيه ف تونس انا مانيش الحوت.. مانعرفش قداه تعدا وقت وانا هكاا حتى ريت ادم كِرجع.. رمى الساشي قدامي وقعد بجنبي يحكي
ادم:" المرة جاي ك تتشهى تشهى حاجة قريبة..ساقياا تكسرت"
قحرتلو وحليت الساشي.. جبدت الكسكروت وبديت ناكل ونحكي
انا :" غدوة ماتنساش تفيق بكري.. برا انت تلهى بالشحنة يرحم بوك "
ادم :" اي تهنى..غدوة 12 انشالله نمشي 15 نبدأ ف الحومة نكلمك "
انا :" عيشو الديزل "
تعدات قرابت ساعتين واحنا ساهرين نحكيو من كلمة لكلمة.. غزرتلو ك تثاوب يحكي
ادم :" يا خليني نروح نرقد شوي لوقت السحور.. غدوة نفيق بكري "
قمت من بلاصتي بعدو نحكي
انا :" اي كهو وقيت.. حتى انا نحب نرتاح.. عبودة اياا سكر وبرا روح انت زادة "
هزلي براسو باهي وقرب يدخل فالكراسي.. شديت الثنية مع ادم حتى وصلت للعمارة.. طلعت طول على اساس بش نطلع لدارناا اما وقفت ك مالقيتش مفتاحي فجيبي وامي اكيد راقدة اللوطة..نفخت بالشوي وحليت باب دار خالي لي يبدا مردود بش نشوف مفاتحي وين لقيت الدار ظلمة وامي رقدت.. تنهدت بالشوي ودخلت طول للصالة لوجت فوق الطاولة مالقيتهمش.. على خرجتي بش نشوف فطاولة لفطور طبست راسي ووقفت على جهامتهاا لي ضربت فياا وين وخرت لتالي.. شديتها فيسع بش ماتطيحش وبقيت نغزرلها كيفاه داهشة بالنوم وعيناها حمر..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
