#جيهان_تحكي
عديت بيديا على وجهي وبقيت نتبع فيهم حتى دخلو للدار.. الفر_خة حسيتها بدأت تلعب على عصابي وحسيت روحي معادش أنجم نتحملهاا ولانتحمل قباحتهاا لياا.. انا من ربي نغزل منها لتو ومابردتش من حكاية الطيارة حتى لي عملو فيها جاك حسيتو مابردنيش كان لقيت راني انا دزيتها وبقيت نغزرلها كيفاه تبقبق ف الماء وحدها..على هذاكا قمت ليوم على اساس بش نبقى معاهم ف الشاليه غادي بش نوترهاا اما تصدمت ك عرفت انهم جاو هناا وقاعدين نهارين زادة وين حسيت روحي غزلت منها اكثر كيفاه وحدة مطروشة كيفها تجي هناا ومع واحد كيما عيسى ولا كل مرة تاقف قدامي وتحط عيناها ف عينيا..اما ميسالش كيما قتلها النهار مازال طويل كان مانربيهاش انا من جديد ونخلاها تندم على لي عملتو ف الطيارة و على على كلامها معايا اكا نهار وليوم انا مش جيهان.. مانيش بش نبقى نستنى ياسر مدام جاتني فرصة بش جيت هناا لازمني نستغلها.. قربت لخالد ودورت بيديا على رقبتو نحكي
انا :" خالودي شرايك ندخلو.. الشمس قوات برشة "
هزلي براسو باهي وعدا بيديه على شعرو يحكي
خالد :" اي هياا.. حتى انا تعبت من العومان "
قربت بستو من خدو وبعدت عليه نحكي
انا :" خالود عيشك خاطر جبتني معاك.. انت احلى صاحب انا عرفتو "
تنهد بالشوي يحكي
خالد :" من غير مزية "
تبسمت وخرجت معاه.. هزيت الكاش مايو متاعي لبستو وبقيت نمشي بجنبو مستغربة وجه خالد ومعاملتو معايا ليوم..ماهوش متعود يكون بارد هكاا ومايحيكش معايا وين عرفت انو الفر/خة زادة وراء الشي هذاا.. اول ما وصلنا للدار عديت بعينيا عليها وين لقيتها فارغة والحس بايت.. تلفتت لخالد نحكي
انا :" ظاهرلي الجماعة دخلو يقيلو "
حك على جبينو يحكي
خالد :" خليني حتى انا ندخل نرتاح بش نحضر المشوى بعد "
هزيتلو براسي باهي وغزرتلو ك دخل لبيتو.. عديت بعينيا عالبيوت الزوز وركزتهم على بيت عيسى لي ريتو بكري خارج منها.. تبسمت على جنب وقربت لبيتي.. دخلت وسكرت الباب ورايا.. تعديت طول لسالدوبان عملت دوش خفيف وخرجت ريقلت أموري ورجعت للبيت.. قربت وين ساكي جبدت روبة خفيفة وقصيرة لبستها وقعدت عالكوافوز عملت مكياج خفيف وروج غامق ففمي وقمت.. قربت للفرش تكيت بظهري لتالي وقعدت بش نعدي الوقت وفرد وقت نخمم ف الفكرة لي قاعدة تدور ف مخي اذا نقدم علاها ولا لا.. اصلا انا ف الحالات لكل مانيش بش نخسر شي.. عكسها هي لي اي حركة مني انجم نخلاها تخسر كل شي ونخلي لسانها هذاكا يتقص كيما قصتلي شعري بالضبط.. قمت من بلاصتي اول ماسمعت حس لبرا.. قربت للباب دوب حليتو شوي وطليت وين شفت خالد خرج من التيراس.. عضيت على شفايفي وسكرت الباب ورايا وقربت فيسع لشباك بيتي بش نشوفو علاش مارقدش كيما قال.. تبسمت ك شفتو خرج للشط وبعد شوي وين الطاولة حط كعبات الحوت وبقى يحضر فالشواية وين حسيت انها فرصتي مدامو ماهوش ف الدار..لحظتهاا حسيت روحي سايي وصلت لقرار.. قربت نجري للكوافوز جددت الروج متاعي ورشيت شوي برفان وخرجت فيسع.. بقيت نمشي على طراطيش صوابعي حتى وصلت لباب بيتو.. حطيت يدي عالبوني ودورتهاا.. عضيت على شفايفي اول ماحليت الباب وطليت وين قابلني راقد عالفرش.. دخلت وسكرت الباب بالسياسة.. حليت عينيا على وسعهم اول ماقربتلو وشفتو راقد عريان من فوق.. قعدت على طرف السرير وبقيت نغزرلو وين حسيت بوجهي فور وقلبي دق بقوة.. ف اللحظة هاذي بلحق غزلت اكثر وانا نتخيل فيهاا الفرخة معاه..عديت بعينيا عليه مستغربة كيفاه واحد كيفو ينجم يتحمل وحدة مهبولة كيفها ويبقى معاها نهارين هناا.. عضيت على شفايفي وقربتلو اكثر خذيت نفس من ريحتو وين حسيت روحي بلحق اشتهيتو وبش نهبل ونقرب منو.. هزيت يدي شوي وعديتها على شعرو المبلول كان فوق جبيتو.. طبست عليه اكثر وطبعت بوسة خفيفة على رقبتو وين الروج متاعي خلى ترأس وين حسيت روحي ترهوجت اكثر.. ف اللحظة ماعدت نخمم ف شي كان اني نعمل كل شي المهم مايرفضنيش..قمت فيسع اول ماحسيت تحرك.. حطيت ساق على ساق وين روبتي تشمرت شوي وعديت بعينيا عليه.. وهزيت يدي عديت بصوابعي على صدرو نحكي
انا :" صحة النوم "
حل عينيه فيسع وهز روحو تنطر وعدا بعينيه علياا وحلهم على وسعهم يحكي
عيسى :" *** انت شتعمل هناا ؟؟؟"
عضيت على شفايفي ومن غير حتى كلمة قربتلو فيسع ودورت بيديا على رقبتو..حطيت شفايفي فوق شفايفو وين حسيت ببدني لكل فور اكثر ورغبتي ليه زادت.. ف اللحظة هاذي نسيت حتى الفر/خة لخرى ماخممت ف شي كان فيه هو وانو يكون بين يديا تو...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
