#لارين_تحكي
تبسمت وانا نغزر لJoseph كيفاه جاي ناحيتنا والطبق ف يديه.. حطو قدامناا وضحك يحكي
يوسف :"مدام انا موجود حد مايسربي لدڤلة والعسلة بخلافي "
مايا :" امم مابنهاا ريحة القهوة.. تصدق الريحة هاذي عمري شميتهاا "
قعد بجنبي ودور بيديه علياا يحكي
يوسف :" هاذي قهوة عربي فيها قطرة زهر.. تعمل ستة وستين كيف "
غزرتلو ك هز الفنجان وعطاهولي يحكي
يوسف :" شد عمر مخك دڤلتي..وفيق صحصح معانا"
خذيتها من يديه وعملت رشفة منهاا.. هزيت بحاجبي نحكي
انا :" امم والله بنينة.. بصراحة انت بش نسميك
Joseph bon plan "
ضحك يحكي
يوسف :" مازال يابنتي.. انا الباك متاع وذني مليهني.. خلي تجي العطلة برك.. تو ندوركم تونس كاملة "
ماياا :" ياخي وقتاه تعدي الباك ؟"
يوسف :" الجمعة الثالثة ف رمضان "
شديتو من يديه وغزرتلو نحكي
انا :" Joseph الفترة هاذي نحبك تركز.. ميسالش حتى كان مانتقابلوش.. مانحبش نلهيك امان.. كمل عدي وتو نصير نتقابلو كل يوم.. هانا موجودين هناا على طول احنا "
عدا بعينيه علينا وغزرلي يحكي
يوسف :" يعني سايي قررتو تستقرو هنا؟"
غزرت لماايا لي غزرتلي ورجعت غزرتلو نحكي
انا :" اي حالياا قررنا هكاا.. ناوين نستقرو هناا "
ضحك يحكي
يوسف :" هكاا لواحد يعمل جوو ف العطلة.. نمشيو نبحرو.... "
قصيت عليه نحكي
انا :" ياا حقها.. انا وماياا ك جايين من المطار شفنا كيما مدينة الالعاب.. ميسالش نمشيو ؟"
يوسف :" هذاكا دحدح.. وبالطبيعة تو نمشيو خليناا نلعبو شوي.. هاو جاي العيد الصغير تو نهزكم العبوا وشيخو كيما تحبو "
غزرت لمايا ك ضحكت تحكي
مايا :" ههه ربي يخليك لينا...وقول لعزة تمشي معانا "
غزرلي وضحك يحكي
يوسف :" اي اي تو تمشي عزة زادة "
ضربتو على كتفو وقربتلو نحكي
انا :" مسقطك.. قلها شكون عزة علاش هكا ؟"
هز بحاجبو وتبسم على جنب يحكي
يوسف :" تؤ تمشي هي زادة تشوفها كيما انت شوفتيها.. وردي بالك تقوليلها عزة شكون "
قحرتلو نحكي
انا :" باهي برك "
عقدت بحواجبي مستغربة ك ريتو حط الفنجان ودارلي بكلو يحكي
يوسف :" اي احكيلي كيفاه تعاركتي مع رقية ؟"
رجعت شعري لتالي وحطيت الفنجان نحكي
انا :" ماعندي مانحكي.. ماني قتلك وقفتني ف الشارع وبقات تهز وتصبط بالكلام "
يوسف :" الكلبة كان مشات لقات حل لولدها خير "
انا :" شبيه البهلول زادة؟"
يوسف :" ماو ماعيطولوش للتدريب الثاني.. اهوكاا بقى يتهومل ف الشارع لا خدمة لا صنعة.. اكا ليلة انا ساهر قدام الدار وهكاكا نسمع فواحد يعيط طلع بوه شادو ومروح بيه ويكفر عليه كيفاه لقاه تحت الحيظ مع لولاد "
عوجت شفايفي نحكي
انا :" عيلة مريضة والله.. تخيلني انا معرسة بيه البهلول هذاا "
عدا بعينيه عليا يحكي
يوسف :" المهم دڤلتي انت رد بالك منهم.. راهم بلحق عيلة مريضة كيما قلتي.. وهو تو صار فاسد يعني تجنبيهم خاطر ممكن يعرضك فالحومة "
ماياا :" وبرا كان عرضها.. حبلو ربي يمسهاا ولا يدور بيهاا تو نفهمو انا قدرو "
ضحك بالقوي يحكي
يوسف :" ويوااا على شورب ف زمانوو "
عضيت على شفايفي نحكي
انا :" ماعندو علاش يعرض فيا..وزيد انا بعيدة علاهم والله.. امو هي وقفتني "
شدني من يدي يحكي
يوسف :" نعرف دڤلتي نعرف انا نوصي فيك برك.. وكيما قالت مايا حبلو ربي يدور بيك انا نوريك فيه "
دوب تبسمت نحكي
انا :" عيشك Joseph "
هزيت فنجان قهوتي بقيت نشرب ونخمم ف كلام Joseph لي حسيتو حيرني وخوفني.. بقيت نسمع فيهم الزوز كيفاه يحكيو ويضحكو.. فقت من سرحتي على صوت تاليفوني لي نوقز وين شفت جابر يطلب.. رديت عليه نحكي
انا :" وي جابر؟"
جابر :" رينو وينكم بنتي لتو ؟ المغرب قريب "
عضيت على شفايفي ك غزرت فيسع للوقت وين لقيت تعداو أكثر من ساعتين واحنا لبرا.. نحكي
انا :" سامحني جابر.. خذانا لوقت.. هانا مروحين تو "
جابر :" يوسف معاكم ؟"
انا :" اي اي معانا "
جابر :" اياا باهي طمنت تو.. قلو هو يوصلكم قدام الباب "
تبسمت نحكي
انا :" باهي جابر تو نقلو "
جابر :" اياا ماتبطاوش "
علقت عليه وغزرت لJoseph يحكي
يوسف :" شبيه عم جابر ؟"
انا :"قلي قول ليوسف هو يروح بيكم ويوصلكم قدام الباب "
ضحك يحكي
يوسف :" هههه قلو يتهنى من غير مايوصي..هيا فزو "
قمنا معاه بعد مادخل خلص وشدينا الثنية بين النهوجات والزناقي بش نوصلو فيسع.. شوي وقت وكناا فالحومة.. اول مادخلنا للنهج قلبي ضرب بقوة ك ريتو واقف قدام الورشة.. عدا بعينيه علياا وغزرلي درا كيفاه لحظتهاا طبست راسي وكملت الثنية حتى وصلنا قدام العمارة.. تلفتت لJoseph نحكي
انا :" عيشك Joseph محلاها الخرجة معاك "
ضحك يحكي
يوسف :"انا على ذمة دڤلتي وعسلتي وقت تحبو تخرجوو كلموني "
ضحكت وغزرت لمايا تحكي
ماايا :" عيشك djo "
اشرلناا بعينيه بحكي
يوسف :" اياا اطلعوا خلوني نطمن عليكم "
هزيتلو براسي باهي وتبسمت نحكي
انا :" بونوي.. وبيناتنا تاليفون "
هزلي براسو اي يحكي
يوسف:" اي دڤلتي.. غدوة نكلمك انشالله "
هزيتلو براسي باهي وشديت ف مرفق ماياا ودخلناا للعمارة.. طلعنا ف الدروج دبة دبة وفرد وقت نحكيو على خرجة ليوم مع Joseph ولي صار ليوم مع ادم وين لقيت روحي شخت على ماياا لي رجعت تغششت مرة أخرى اول ما اسمو تذكر..
VOUS LISEZ
#مُتمردة_العيسى ❤️🔥 (الستاتي الثاني)
Roman d'amour#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
