#عيسى_يحكي
طبست راسي وغزرتلها كيفاه تمشي بجنبي ساكتة.. عديت بعينيا عليها نغزر لملامح وجهها لي قاعدة تتغير وحدها كاني قاعدة تتصارع من افكارهاا..مرة تتبسم مرة تكشبر..رغم اني مش عارف شنوة ف بالها تو اما لقيت روحي شايخ علاهاا.. تنهدت بالشوي وغزرت قدامي وين حسيت روحي قلقت من لبلاصة هاذي اماماحبيتش نظهرلها بش مانكسرش بخاطرها.. يكفي اني غششتها الصباح وخليتهاا نهار كامل متقلقة ورغم اني عارف هذا اما مانيش منجم نستعرف بيه خاصة ك نتفكر الشي لي وصلني نعملو.. للاول مرة نحس روحي داخل بعضي هكاا.. من جهة نقول لي صار معادش يتعااود كيما كل مرة نقول اما من جهة ك نراهاا ب لبسة هكااكا نحس روحي نخرج من عقلي..غير لحكاية لي طلعت تووقربها من خالد لي وترني.. فكرة انها ديما معايا خلاتني نحسها صارت حاجة مني انا..مانحبش غيري يقربلهاا..احساس غريب علياا قد مافكرت ف تفسير ليه مالقيتش.. فقت من سرحتي على صوتها تحكي
لارين :" عيسى جعت "
تبسمت نحكي
انا :" حتى انا استغربت كيفاه بقيت لتو "
قحرتلي تحكي
لارين :" شنوة تو من لبستي بش تتحكم ف معدتي؟"
هزيت بحاجبي نحكي
انا :" مش عاجبك؟"
لارين:" مش عاجبني.. لبستي نعداها اما كرشي لاا..ك نقلك جعت وكلني "
حكيت على جبيني نحكي
انا :" امشي قدامي خليني نوكلك "
عضت على شفايفها تحكي
لارين :" خالد قال بش يهزنا لريستو ماكلتو بنينة "
نفخت بالشوي نحكي
انا :" باهي "
لارين :" شبيك تقلقت ؟ ماتحبش نمشيو ؟"
انا :" لا تو نمشيو عادي "
هزتلي براسها باهي وخرجنا مع بعضنا.. ريتها ك ضحكت تحكي
لارين :" شوف مسكين كيفاه واقف عالكرهبة يستنى فيناا "
غزرتلو من غير مانجاوبها.. هز راسو معانا اول ماقربنالو يحكي
خالد:" الحمدالله انا قلت هاذم ضاعو لداخل "
قحرتلو نحكي
انا :" يزي بلا ضمار واطلع "
لارين :" والله انا حبيت نزيد ندور اما... "
قص علاها يحكي
خالد :" اما الحوت خرجك مش هكاا "
ضحكت تحكي
لارين :" لا عيسى خاطيه.. اما انا جعت"
خالد:" ايا اطلعوا مالا حتى انا جعت "
طلعنا ف الكرهبة مع بعضنا وشدينا الثنية.. تلفتت على صوتو يحكي
خالد :" الريستو مش بعيد من هناا.. درج ونوصلو "
عديت بيديا على وجهي نحكي
انا :" خلينا نفطرو ونروحو طول بش نحضرو روحنا "
عقد بحواجبو يحكي
خالد:" لشنوة ؟"
انا :" للمرواح.. كهومدام كملت خدمة غدوة نسافر "
خالد :" بش نحسب روحي ماسمعتكش "
تنهدت بالشوي نحكي
انا :" خالد... "
قص علياا ك شد فران وغزرلي يحكي
خالد :" اهبط تو نحكيو لداخل "
هزيتلو براسي باهي ونزلت.. ريتها ك نزلت ودخلنا مع بعضنا..عديت بعينيا عالمطعم لي كان مليان شوي.. قعدنا على طاولة على جنب وين السرفور جانا بالوقت عطانا القائمة ومشى.. غزرتلها كيفاه قاعدة بجنبي وخذات القائمة حلتها.. تبسمت وعدات بعيناها علينا تحكي
لارين :" انا بش ناخذ سباقيتي وsalade de césar"
انا :" خوذ لي تحب "
لارين :" مالا تو نزيد حلو اما بعد مانكمل هاذم "
خالد :" مشات معاك.. خلينا نعبيو كرشنا قد قد "
ضحكت وغزرتلي تحكي
لارين:" شنوة بش تطلي عيسى ؟"
انا :" مانعرفش "
عدات بعيناها علياا تحكي
لارين :" شرايك نطلبلك انا ؟"
تبسمت نحكي
انا :" اي اطلبلي انت "
رجعت طبست راسها تحكي
لارين:" بش نطلبلك ستاك والسلاطة هاذي "
انا :" ميسالش "
ريت السرفور لي رجع وين عطيناه الطلبية متاعناا.. تلفتت لخالد يحكي
خالد :" هياا ياسيدي خلينا نحكيو مدام لماكلة جات "
استندت بيديا عالطاولة وغزرتلو نحكي
انا :" سمعني "
ضحك وحك على لحيتو يحكي
خالد :" مش انا عملت مشروع ؟"
انا :" اي قتلي بكري.. اما مشروع شنوة ؟"
خالد :" مشروع سياحي "
تبسمت نحكي
انا :" تحكي بجدك.. احكيلي بالتفصيل "
قربلي وعدا بعينيه علينا يحكي
خالد :" مش انا عندي شاليه قريب من سانتا جوليا.. عاد حليت مطعم غادي عالشط سبيسال للماكلة التونسية والفرنسية "
ضحكت نحكي
انا :" مبروك سي خالد.. والله فرحتلك "
تكا بظهرو لتالي يحكي
خالد :" يبارك فيك صاحبي.. على هذاكا نحبك تأجل السفرة بش نهزكم للشاليه تشوفو المطعم متاعي "
غزرتلها ك ضحكت تحكي
لارين :" ياا بلحق.. ياريت والله بحر سانتا جولياا يهبل كنت نراه ف التصاور رغم اني نعيش ففرنسا عمري لا مشيتلو"
رسيت على سنيا بالقوي نحكي
انا :" خلي مرة اخرى خالد "
خالد :" علاش؟ساعة تو وقتو مدامنا فالصيف وديجا صحابي لكل غادي توانسة وفرنسيس.. محضرين جو هبال "
نفخت ك سمعتها تحكي
لارين:" امان عيسى خلينا نمشيو "
قحرتلها وغزرت لخالد يحكي
خالد:" يزي بلا مساطة عيسى.. ساعة انا نستنى فيك من وقت سمعت بيك جاي قلت بش نهز الحوت معايا.. نعملو غطسة ويذوق الماكلة غادي "
ضغطت على يدي بالقوي نحكي
انا :" خالد صدقني لازم نرجع لتونس.. عندي قداه تو وانا مسلم فالخدمة وف امي "
لارين :" عيسى امان نمشيو نهارين برك.. الخدمة اهوكا جابر لاهي بيهاا وكان على عمتي توانا نكلمهاا.. امان نحب نمشي لشط هذا نشوفو هو ومشروع خالد... "
قصيت علاهاا ك ضربت الطاولة نحكي
انا :" سكرتش فممك.. قلللت لااا "
عدات بعيناها علينا وعالناس لي فالمطعم لي غزرولنا وين وجهها حمار.. قامت من بلاصتها تحكي
لارين:" ا..انا ماشية لتوالات "
ضغطت على يدي بالقوي ك ريتها جرات من قدامي.. للحظة حسيت عصابي سايي فلتت.. مانعرفش كيفاه عملت هكاا قدام الناس.. اما شديت شديت معادش أنجم من صباح وانا متحمل لين حسيت روحي بش نطرشق..كاني كنت ناقص وجودي هناا بش نزيد نهزهاا للبحر والشاليه..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
