#لارين_تحكي
غمضت عينيا بالقوي و رجعت حليتهم على يديه لي تحطت فوق خدي.. مسحلي دموعي يحكي
جابر :" دموعك هاذم نحسهم يحرقوني من داخل.. ك نشوفك هكا تبكي ولامتقلقة نحس ظهري يتقسم خاطر نرا روحي انا المذنب الوحيد واني انا سببهم..
ياريتني كان انجم نعمل اي حاجة..اي حاجة بش نخليك ترتاح ومعادش تبكي هكا.. ياريتني كان انجم نبدل هذا لكل راني عملت كل شي على خاطرك "
تنهدت بالشوي نحكي
انا :" كلمة ياريت ماترجع شي ياجابر.... "
قص علياا يحكي
جابر :" نعرف اما انجمو نصلحو لي بقى "
عديت بعينيا عليه نحكي
انا :" ساعات نحس فات الوقت.. خاطر مابقى شي بعد نور.. ممكن على هذاكا انا لتو نقول مانحب نسمع شي.. خاطر نحس انو مهما نسمع شي ماهو بش يتبدل.. نور مشات شنوة الفايدة اني نسمع لحقيقة ولا نعاتب "
جابر :" الفايدة انك تصدقني وتحبني.. وتعتبرني بوك بالفم والملا..الفايدة انك تتقرب مني وتخليني نعوضلك حتى شوي..الفايدة اني نسمع كلمة بابا منك "
خذيت نفس طويل نحكي
انا :" مانحبش تو خاطرني بلحق مانيش حاضرة.. انا مازلت قاعدة نحارب بش نتقبل خسارة نور.. مانحبش نزيد حمل آخر فوقي..جابر خليني على راحتي أمان "
مسح على شعري يحكي
جابر :" باهي ياضي جابر.. بش نخليك على راحتك مازال قدامنا الوقت "
هزيتلو براسي باهي من غير حتى كلمة.. وقف من حذايا يحكي
جابر :" هياا قوم كمل شقان فطرك "
هزيت بكتفي نحكي
انا :" مانحبش "
جابر :" ترضى بوك يبقى بلا عشاء ومازلت ماشربتش دواء الدم متاعي.. لهدرجة تكرهني ؟"
مسحت دموعي وغزرتلو نحكي
انا :" علاش انا شدخلني؟"
جابر :" كان انت ماتتعشاش انا مش بش نتعشى.. خلينا الزوز هكا"
عوجت شفايفي نحكي
انا :" جابر ماتعملش هكا امان برا اشرب دواك.. انا تو ناكل بعد "
طبس شدني من يدي يحكي
جابر :" ساقي على ساقيك..مكانش هاني بش نكمل صيامي حذاك ومش لازم منو الدواء "
قمت من بلاصتي نحكي
انا :" لا لا.. لازمك تشرب دواك.. هياا نو نخرج معاك "
دور بيديه علياا وجبدني عندو.. باسني من راسي يحكي
جابر :" ربي يخليلي بنتي لحنينة "
دوب تبسمت وبعدت عليه نحكي
انا :" هياا "
هزلي براسو باهي وخرجنا مع بعضنا وين شفتهم ك هزو ريوسهم وغزرولناا.. جبدلي الكرسي يحكي
جابر :" ايا اقعد "
تبسمت وقربت قعدت.. غزرت لعمتي تحكي
غالية :" رينو خير شوي بنتي ؟"
هزيتلها براسي اي نحكي
انا :" اي عمتي.. وسامحني خاطر حيرتك هكا "
عطاتني صحن فيه سلاطة مشوية وبريكة تحكي
غالية :" كان تحبني نسامحك كمل صحنك لكل "
خذيتو من يداها نحكي
انا :" باهي عمتي "
اول ماغزرت قدامي ريتو ك عدا بعينيه عليا وغزرلي درا كيفاه.. خذيت نفس طويل وغزرت للادم نحكي
انا :" ادم سامحني بكري ماسلمتش عليك "
تبسم يحكي
ادم :" عادي ماتقلقش روحك "
حسيت بيد مايا كيف تحطت فوق فخذي وطبطبت علياا.. قربتلي شوي تحكي
مايا :" رينو حيرتني عليك والله "
انا :" سامحني ياروحي.. اما والله شي أقوى مني "
مايا :" نعرف وحاسة بيك والله.. المهم تعشى وتو نحكيو بعد "
هزيتلها براسي باهي وهزيت بريكتي ناكل فيهاا ساكتة.. تلفتت على صوتو يحكي
جابر:" لبنات كان تحبو اخرجو الليلة تو عمتكم تخرجكم "
عملت رشفة من كاسة الماء وغزرت لجابر نحكي
انا :" لا انا بش نرقد بكري الليلة خاطر خارجة غدوة "
عالكلمة ريتو من لي كان يحكي مع ادم تلفتلي بالوقت.. دورت وجهي وغزرت لجابر يحكي
جابر :" وين ماشية ؟"
انا :" فما معرض فوسط لبلاد لقيتو عالانترنات بش نهز نوريهم رسوماتي "
جابر :" فهمتك.. وقتاه ماشية ؟"
عديت بعينيا عليه نخمم وقتاه لازمني نخرج بش نخلط ف الوقت خاطرني بلحق مانعرفش.. عوجت شفايفي نحكي
انا :" نخرج 10 هكاكا "
جابر :" باهي ك هكا تو نوصلك انا مالا "
هزيتلو براسي لا برشة مرات نحكي
انا :" لا لا من غير تعب روحك وتفيق بكري معاايا وانت صايم.. تو ناخذ تاكسي وهاي مايا معاياا "
مايا :" اي عم جابر انا ماشية معاها ماتخافش "
عدا بعينيه علينا يحكي
جابر :" باهي المهم ردو بالكم على بعضكم وكلموني ف حال مالقيتوش تاكسي وقت المرواح تو نجيكم "
دوب تبسمت نحكي
انا :" باهي جابر عيشك "
على تلفيتلي ريتو ك هز بحاجبو وعدا بعينيه عليا وغزرلي بنظرة خلاتني ندخل بعضي.. دورت وجهي فيسع وغزرت لعمتي تحكي
غالية :" رينو بش تنجم تفيق بكري بنتي ؟ هاك ليوم عديتو داهشة "
تبسمت نحكي
انا :" لازمني نفيق ياعمتي ماعنديش حل آخر "
غالية :" المعرض هذا مهم لازم تمشيلو غدوة؟"
عضيت على شفايفي وغزرت لمايا لي غزرتلي هي زادة..رجعت غزرت لعمتي نحكي
انا :" اي عمتي مهم برشة ولازم نمشي غدوة زادة مانجمش نضيع وقت "
غالية :" فهمتك ياماما.. امشي وانشالله ربي يفتحلك ابوابو ويعرضلك ولاد لحلال ف طريقك "
ضحكت نحكي
انا :" عيش عمتي "
خذيت نفس طويل ورجعت ناكل وانا مرتاحة شوي وقت تفكرت مشوار غدوة لي ينجم يخلصني من هذا لكل.. هزيت راسي وبقيت نغزرلو كيفاه يحكي مع ادم وجابر عالخدمة ومرة على مرة يهز راسو معاياا.. شوي وريتهم ك وقفو الثلاثة.. تلفتت لجابر يحكي
جابر :" صحة ليكم.. احنا هانا قاعدين ف الصالة حتى يأذن لعشاء "
غالية:" باهي سيدي خوياا "
بقيت نتبع فيهم حتى دخلو للصالة.. ريت عمتي ك وقفت زادة تحكي
غالية :" هيا خليونا يد يد نلمو الطاولة ونمشيو نسهرو حذا الجماعة "
هزيتلها براسي باهي ووقفنا كلنا..هزيت الاصحنة للكوجينة وبقيت واقفة انا حذا التاي لي حطتو عمتي يطيب لجماعة لبرا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
