#عيسى_يحكي
لطخت الباب وراهاا وبقيت ننهج على بلاصتي من لعصب.. عديت بيديا الزوز على وجهي لي فور من لغزول من وراء كلامهاا.. قربت وين لمراياا فيسع وغزرت لرقبتي.. رسيت على سنيا بالقوي ك ريت التراس لي فوقي.. لحظتهاا مديت يدي وطحيت كل شي كان عالكوافوز وين سيبت فيهم غشي.. ترميت عالفوتاي وبقيت نرعش بكلي على قد ماحاولت نهدي روحي مانجمتش لي خلاتو لخرى كملتو هي.. رغم اني ماحبيتش هذا لكل يصير اما هي استفزتني وقت طيحت لقدر..على قد ماحاولت نوسع بالي معاها مانجمتش لحظتهاا ماعرفتش كيفاه جاوبتها هكاكا بش تفهم روحها وتعرف شنوة تحكي معايا..كيما لقيت روحي باهت من ردة فعلها كيفاه واقفة قدامي تعلي فصوتها وتحاسب فياانا شنعمل وشنوة مانعلمش على اساس شنوة.. مافهمتش شنوة فعقلها اما مهما كان لي تخمم فيه مستحيل يصير على هذاكا لي صار تو جا فوقتو واحسن حاجة صارت بش هي تبعد علياا ونرجعو كيما كناا بالقدر.. قمت من بلاصتي دخلت لسالدوبان غسلت وجهي برشة مرات بش نبرد شوي وفرد وقت مسحت خمج لخرى من رقبتي.. سكرت السبالة وخرجت طول من البيت بش نفض ** لحكاية هاذي ونخلي ***** لخرى تقلب وجهها من هناا قبل مانعمل مصيبة نهار ليوم.. دخلت لبيت خالد بلا ماندق.. عديت بعينيا عالبيت وين لقيتها فارغة.. وخرت بخطواتي لتالي وخرجت فيسع لبرا وين لمحتو عالشط لحظتهاا كرزت منو هو اكثر واحد خاطر جاب الملهط هذيكاا معاه.. اول ماقربتلو غزرتلو ك رد على تاليفونو.. هديت عليه نحكي
انا :" خااااالد "
هز يديه ف وجهي وحل عينيه يحكي
خالد :" باهي هاني جاااي..اي اي هزوه غادي"
قربتلو بالوقت وحليت عينيا فيه نحكي
انا :" شفماااا ؟"
علق عالتاليفون وغزرلي يحكي
خالد :" سام وجون شدو جااااك.. لبهيم خرج على اساس متنكر بش يدور ياخي جون عقلو.. بقاو يتبعو فيه حتى استفردو بيه وركبوه فالكرهبة "
كبست عالبونية متاعي بالقوي نحكي
انا :" وين هزووه ؟"
خالد :" لدار جون ماهيش بعيدة برشة.. درجين من هناا بالكرهبة.. تحب نمشيو توو ولا نخليوو...."
قصيت عليه وقت عليت فصوتي شوي نحكي
انا :" مااانيييش بش نستنننى.. نحب ** لحكااااية هااذي توفى ليييوم وغدووة نرووح "
عدا بعينيه عليا يحكي
خالد:" باهي باهي هياا "
عطيتو بظهري وسبقتو للكرهبة طلعت وحطيت يدي فوق ركبتي لي بقات ترعش من لعصب لي ناوي نسيبووو ف الكلب لاخر.. كانو كلهم تفاهموو ليوم بش يطلعولي الدم هكااا.. تلفتت لخالد لي طلع وخدم الكرهبة يحكي
خالد :" ياخي شبيك هادد علياا بكري ؟"
رسيت على سنيا بالقوي وغزرت قدامي بش مانكفرش عليه نحكي
انا :" سوووق تو..خلي لحكاااية هااذي توفى وبعد فمااا كلااام اخر بيناتنااا "
خالد :" عيسى لباااس ؟"
انا :" مااانيش لباااس.. وماااتزيييد معاياا حتى كلللمة توو "
عدا بعينيه عليا وغزر قدامو يسوق ساكت.. عديت بيديا على شعري وكبست على رقبتي نغزر للطريق.. هزيت راسي مع الكرهبة لي وقفت قدام دار لي كانت ف بلاصة مقطوعة عالبحر.. نزلت بالوقت وتلفتت لخالد نحكي
انا :" هوو هناا ؟"
غزر للكرهبة لي كانت واقفة قدامناا ورجع غزرلي يحكي
خالد :" اي وصلوو... "
سبقتو نجري ناحية الباب لي كان مردود.. حليتو بالوقت وين شفت زوز واقفين عاطيني بظهرهم قربت اكثر وين شفت سام لي وصلنا فاليخت نحكي
انا :" وينوو "
حسيت بخالد ك قربلي يحكي
خالد :" عيسى بالشوي.... "
قصيت عليه وقت عليت ف صوتي بالقوي نحكي
انا :" مااااجيتش هناا بش تقليي بالشوووي.. الم**** هذااكاا وينوو "
دخلت نجري للبيت لي اشرلي علاها سام..دمي غلى فعروقي اول ماشفتو قدامي وين استرجعت لي عملو فيهاا لكل وللحالة لي وصلها ليهاا.. لحظتهاا هديت عليه وشديتو من مريولو ومن غير مانفكر ولا نحاول نسمعو بقيت نضرب فيه بالبونية على وجهو وراء بعضو لين خشمو تطرشق بالدم..وقفتو من مريولو ودزيتو عالحيط وين شفتو ينهج ويحاول يتكلم.. خنقتو بالقوي نحكي
انا :" فكرني مالااا شقلتلهاا ؟؟ حلللللل فمممك واحكي انت شعمممملت ؟؟"
كح بالقوي وهز يديه حطها على صدري بش يبعدني لحظتها رخفت يدي منو ولفيتو بكف على قوة جهدي وين طاح ف القاعة.. قربتلو وحطيت ساقي فوق رقبتو نحكي
انا :" كيف ماهي تخنقت من الماء لي انت رميتهاا فيه.. انا بش نخنقك ونطلع روحك بساقيااا "
للحظة حسيت الدنيا ظلامت قدامي وماعدتش نخمم فشي كان فلي عملوو هو ولي صار ليوم لكل وين لقيت روحي فرغت همي لكل.. حسيت بيد خالد لي جبدتني يحكي
خالد :" *** مهبوووول انت ناوي تموت الراجل "
دزيتو بالقوي ورجعت هديت عليه.. طبست عليه وهزيتو بالوقت.. خنقتو نحكي
انا :" مداااام مفهمش رووحو اول مرة بالضرب.. خليننني نموتوو بش يعرففف الله حق "
كح بالقوي وين الدم تنطر على مريولي يحكي
جاك :" سامحني..والله خاطيني جيهان هي لي حرشتني بش نعمل هكاكا..انا ماحبيتش اصلا نغزرلها حتى اول مرة جيهان بعثتني بش نتبولد علاها مافيباليش هي تابعتك..."
رخفت يدي منو وعديت بعينيا عليه وين حسيت قلبي ضرب بقوة وقت عرفت انها معاها تو ووحدهم.. غزرت لخالد لي قربلو وشدو من رقبتو يحكي
خالد :" تكذب على شكوون انت ؟ جيهان علاش حتى تقلك هكا ؟"
جاك :" جيهان غزلت منها خاطر الطفلة قتلها راني انا وعيسى نحبو بعضنا ابعد عليه غير عملت الطيارة... "
طبست راسي نغزرلو ك طاح فالقاعة دايخ.. كبست عالبونية متاعي بالقوي نحكي
انا :" الق****.. ليوم ڤاتل **** "
خرجت نجري من غير مانسمع خالد لي بقى يعيطلي.. طلعت فكرهبتو ودورت لمفاتح لي خلاهم فوسطها.. خدمتها وطرت لدار بش نلحق لارين لي بقات وحدهاا معاهاا..
VOUS LISEZ
#مُتمردة_العيسى ❤️🔥 (الستاتي الثاني)
Romansa#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
