#مايا_تحكي
عديت بعينيا نغزر لوجهو كيفاه حمار وعروق رقبتو ظهرو من الغش وقت هد علاهاا وبن حسيت روحي خفت كان يعملوها حاجة وتصير مشكلة كبيرة.. لحظتهاا مانعرفش كيفاه شديتو من يديه وين تلفتلي بالوقت.. هزيتلو براسي لا نحكي
انا :" لا أمان يزي شيهمك فيهاا.. خلي تقول لي تحب "
عدا بيديه على وجهو وهزلي براسو باهي.. ريتها ك هزت قفتهاا وعدات بعيناها علينا تحكي
رقية :" حسابك انت وصاحبك مازال.. كان مانظفوش الحومة من الباندية لي كيفكم انا مانتسماش "
تهزيت وتحطيت على صوتو يحكي
ادم :" بررررر روووحي هالنهااار وابعدييييني مااااتخليينييش نكففر.. كااان مشيييتي تلهيييتي بالبووهاالي ولدك خيييرلك من الووقفة ف شاااارع نهاار كااامل تلقطييي ف الحدييييث"
ريتها ك قحرتلو تحكي
رقية :" كان نلحق عينيي.. ولدي رد بالك تجبدو على لسااانك.. عالاقل هو مش فاار حبوسااات ولا كان يتلاوح من حيط لحيط "
عقدت بحواجبي مستغربة مش فاهمة كلامهاا.. كرشي وجعتني وقت ريت وجهو كيفاه تبدل وعينيه حمارت وين حسيت روحي بلحق خفت منو خاطر اول مرة نراه هكاا حتى وقت تعاركت معاه ماصارش فيها هكاا.. عض على شفايفو ونطرلي يدي هد علاهاا وهز بيديه ف وجهها يحمي
ادم :" ورحمة باااابااا كان ماجيتيييش مراااا راني قلبتلك السلييييخة متاااعك.. اقلببببي منظررررك من قدااامي هالساااعة خييير مانورييييك فاار لحبوسااات شيعمل.... "
قص عليه صالح ك جبدو ووقف بيناتهم يحكي
صالح :" يزي يا ادم يزي صلي عالنبي يكون منك لعقل عيش ولدي.. ماتاخوش علاهااا "
نطر مرفقو منو وعدا بيديه على وجهو.. ريتها ك قحرتلناا ومشات تجري.. عضيت على شفايفي وقت غزرت للنساء لي كانو واقفين يتفرجو وين حسيت روحي حشمت وندمت خاطر جبتو مافيباليش لحكاية بش توصل هكااا.. بلعت ريقي بالسيف وقربتلو نحكي
انا:" ادم امان نحب نروح "
نفخ بالقوي وهزلي براسو باهي من غير حتى كلمة.. غزرت لصالح كيف قربلنا يحكي
صالح :" ايجا بنتي خوذ شتحب "
اول ماقربت شدني من مرفقي وجبدني.. علا ف صوتو شوي يحكي
ادم :" ماعندهااا ماتاااخذ.. خلي عندك ماكثر ربي كان اللبانة "
جبدني معاه اول ماتحرك وبقى يكركر فياا.. ضربتو على يديه نحكي
انا :" بالشوي يامتخلف انت بش نطيح "
وقف ونطرلي مرفقي.. وقف قدامي وحل عينيه فيا يحكي
ادم:" شوفي انت مدااامك جديدة هنااا معااادش تخرجي وحدك.. ابعدي عالمشاااكل "
انا :" شبيك تصيح عليا انت ؟ وزيد انا ماحبيتش نجي اما عمتي بعثتني وانا مانحبهاش تتعب "
عدا بيديه الزوز على وجهو يحكي
ادم :" مانيش نصيح اما نوصي فيك..هوما هناا مايعرفوكش مالا بش يبقاو يقلقو فيك كل مرة.. وكان تجبرتي تهبطي بش تقضي ولا حاجة كلميني تو نجي معاك "
عديت بعينيا عليه نغزرلو كيفاه هدا فجأة وصار يحكي بالسياسة كانو مش نفسو لي يعارك بكري.. هزيتلو براسي باهي نحكي
انا :" باهي معادش نهبط وحدي "
ادم :" باهي و ك تروح احكي لخالتي غالية شنوة صار ماتخليهاش تعرف من برا "
هزيتلو براسي باهي وعضيت على شفايفي نحكي
انا :" باهي تو نحكي.. وانت عيشك خاطر دافعت علياا.. وسامحني عمتلك مشكلة مع جيرانك "
قحرلي يحكي
ادم :" جيرة كلبة "
انا :" تقصد فياا مش هكا ؟ مالا خليني نفكرك لي انت دخلت روحك انا ماقتلكش ايجاا... "
قص علياا يحكي
ادم :" يابنتي لسانك هذاا اخرتو ملوخية معايااا.. اسكتييي "
انا :" تسبني ونسكت "
عض على شفايفو وقحرلي يحكي
ادم :" شوفي كلمة اخرى مانسيب غش رقية فيك وردي بالك من غشي "
نفخت بالشوي نحكي
انا :" منين بش نجيب ڤوتة انا تو.. علاش ماخليتوش يعطيني ؟"
ادم :" نهار ازرڤ عالڤوتة.. إيجي فما واحد آخر يبيع وخير من لي عند صالح "
تبسمت نحكي
انا:" باهي هياا "
خذيت نفس وبقيت نمشي بجنبو حتى وصلنا لمحل آخر كان ف الطرف الثاني للمرشي.. وقف وغزرلي يحكي
ادم:" تحبي ڤوتة كهو؟"
انا :" لا وجبن موزريلا زادة "
هزلي براسو باهي وقدم وين الكونتوار.. بقيت نتبع فيه بعينيا كيفاه طلب من الراجل.. اول ماخذا الساشي جبدت لفلوس وعطيتهالو نحكي
انا :" شد لفلوس "
قحرلي وهبطلي يدي.. ريتو ك جبد فلوس من جيبو وخلص هو..اول ماكمل عطاني الساشي يحكي
ادم :" شدي وطول لدار تو "
خذيتها من يديه نحكي
انا :" باهي شد فلوسك "
ادم :" بررر روحي.. شيحتيلي ريقي نهار "
قحرتلن وبقيت نمشي بجنبو حتى رجعنا للحومة.. عضيت على شفايفي وقربتلو نحكي
انا :" مرسي ادم وسامحني مرة أخرى "
عدا بعينيه عليا وغزرلي درا كيفاه يحكي
ادم :" ماعملت شي..اما كان تحبيني نسامحك حضريلي بريكتي نحبهاا بتن والبطاطا المسموطة "
انا :" معناش بطاطا حقك شريت لروحك تو "
هزني وحطني بعينيه يحكي
ادم :" زايد مايثمرش فيكم.. خيري مغرقك "
شديت ضحكتي بالسيف نحكي
انا :" أطلب عمتي وقلها شهوتك.. انا فما شكون قلي ماكلتك من غير ريحة "
ضيق عينيه فيا يحكي
ادم :" نعرفو لي قال هكاا واحد يفهم ماظلمكش يا لغنجة "
رسيت على سنيا بالقوي نحكي
انا :" ابعدني "
ضحك وبعد من قدامي.. قحرتلو ومشيت طول للعمارة.. اول مادخلت شدني الضحك وقت تفكرتو وتفكرت كلامو.. رغم اني ليوم تفاجأت بشكلو وقت تغشش خاطر ماتوقعتوش يخوف هكاكا اما حسيت روحي ماخفتش منو بالعكس حسيتو كبر ف عينيا وقت سألني علاش متقلقة ومشى دافع علياا قدامهم كيما وارتحت بوجودو معاياا رغم انى مانعرفوش عندي برشة اما يكفي الجماعة لفوق يعرفوه وهذا لي خلاني نرتاحلو اكثر ونحكيلو بكري شصار.. رغم انو ساعات يوترني بالتفدليك المتخلف متاعو أما فرد وقت يضحكني..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
