#لارين_تحكي
حطيت العصير على جنب ونفخت بالشوي..غزرتلو نحكي
انا :" عيسى ميسالش ناقفو ف الاستراحة الجاية؟"
وطى ف صوت لغناء يحكي
عيسى :" علاش ؟"
عضيت على شفايفي نحكي
انا :" هكاا.. تعبت نحب نرتاح شوي "
كبس عالفولون يحكي
عيسى :" ك نوصلو ارتاح.. من غير مانتعطلو "
فركت يديا ف بعضهم من الحشمة كيفاه بش نقلو نحب ندخل لتوالات وهو مخو مسكر مايفهمش.. قربتلو شوي نحكي
انا :" عيسى امان شوي برك.. أقف درج "
تنهد بالشوي يحكي
عيسى :" لارين كان تعبت تكا ولاوخر الكرسي ارقد.. واسكت "
قحرتلو نحكي
انا :" قتلك نحب نهبط ف الاستراحة.. مانفهم شي "
قحرلي يحكي
عيسى :" علاش ناوية تشري لمجة اخرى؟"
ذبلت عينيا فيه نحكي
انا :" اي نحب دبوزة ماء وشيبس "
رجع غزر قدامو وهمس يحكي
عيسى :" فر/خة "
ضربتو بمرفقي على كتفو نحكي
انا :" سمعتك "
رجعت غزرت قدامي نعدي ف قلبي انو ياقف..للحظة غزلت من روحي قبلو مانعرفش علاش شربت العصير انا.. بقيت نغزر للطريق ونشوف ف اي استراحة.. حليت عينيا ك لمحت وحدة.. اشرتلو بصبعي تحكي
انا :" اهيكا.. أقف أقف "
عيسى :" صبرني يارب.. صبرررني "
تبسمت اول ماوقف الكرهبة قدامها.. غزرلي يحكي
عيسى :" طرس هناا.. نشريلك ونجي "
حليت عينيا على وسعهم كيفاه ماحبش يفهم هذا.. حليت الباب ونزلت معاه.. لف ناحيتي وقحرلي يحكي
عيسى :" شمهبطك ؟"
عديت بلساني على شفايفي وغزرتلو نحكي
انا :" عيسى انا نحب ندخل لتوالات.. بش نغسل وجهي "
عدا بعينيه عليا يحكي
عيسى :" امشي "
تبسمت ودخلت معاه للاستراحة لي كانت مطعم صغير.. غمضت عينيا بالقوي و رجعت حليتهم على ريحة الدجاج المشوي.. غزرتلو نحكي
انا :" عيسى ياخي مش ناوي تشريلنا فطور ؟ بش نوصلو قريب 18 رانا.. لازمنا نفطرو لا ندوخو "
عيسى :" كلمة اخرى.. مانلفك هناا ندوخك.. تحركي لتوالات خلي نمشي "
انا :" باهي ايجا معايا "
حل عينيه فيا يحكي
عيسى:" شنوة؟"
انا :" تي ايجا أقف قدام الباب.. شوف المطعم كيفاه مليان.. نخاف شكون يدخل ولايسكر علياا الباب من برا.."
نفخ بالقوي وسبقني.. خلطت عليه ودخلت لتوالات.. سكرت الباب وخليتو هو واقف.. ريقلت أموري لكل وغسلت يدي وحالتي وخرجت وين شفتو متكي عالحيط ومربع يديه.. قربتلو نحكي
انا :" سامحني خليتك واقف "
عيسى :" ميسالش هياا "
خرجت معاه وين شفتو قرب للراجل..غزرلي يحكي
عيسى :" اطلب لفطور لي تحب عليه واشري شنوة تحب "
تبسمت وغزرت للراجل طلبت لفطور وقربت خذيت 4 شيبس 3 ماء.. بقينا واقفين شوي حتى الدجاج حضر.. خذيتهم من الراجل خلصنا وخرجنا.. تبسمت نحكي
انا :" عيشك عيسى "
طلع ف الكرهبة وين طلعت انا بجنبو.. حطيت كل شي وقف حجري وغزرت لخالد نحكي
انا :" ياخي صاحبك شبيه راقد لتو ؟"
خدم الكرهبة وغزرلي يحكي
عيسى :" شيهمك فيه "
انا :" ياخي بش تسوق انت 10سوايع برشة عليك "
نفخ بالشوي يحكي
عيسى :" جيت نشكيلك "
انا :" كفوياا نخمم فيك "
عيسى:" كول واسكت "
قحرتلو ورجعت حطيت الغناء وحليت الساشي..تلفتت على صوتو يحكي
عيسى :" رد بالك توسخ الكرهبة "
انا :" باهي "
حطيت منديل فوقي وجبدت الدجاج وبقيت ناكل.. غزرتلو نحكي
انا :" تحب تاكل ؟"
عيسى :" صحة "
انا :" اما انت لتو على قهوة الصباح لازمك تاكل حاجة "
غزرلي ورجع غزر قدامو يحكي
عيسى :" تو ك نبدل مع خالد ناكل "
انا :" خالد ظاهرلي دخل فغيبوبة...."
قحرلي وقص علياا يحكي
عيسى:" يابنتي احشمي كان يسمعك "
بلعت اللقمة وغزرتلو نحكي
انا :" مايسمعنيش وذنيه مسكرة.. وانت لازمك تاكل "
عدا بيديه على وجهو يحكي
عيسى :" لارين يهديك ربي كولي انت.. انا شبعان الحمدلله.. المهم اسكتي "
استويت ف قعدتي نحكي
انا :" والله انا الغالطة خاطر نخمم فيك.. اما باقيها تاكل ولا تقعد انا شدخلني "
تنهد بالقوي من غير مايجاوبني..مسحت يدي بعد ما شبعت ولميت كل شي.. تكيت بظهري لتالي وحليت باكو الشيبس وبقيت ناكل ساكتة.. تبسمت ك ريتو مد يديه بش ياكل معاياا.. قربتلو شوي وحطيت الباكو بيناتنا نحكي
انا :" شد "
غزرلي ودوب تبسم.. خذا شيبس وبقى ياكل معايا ويسوق.. غزرتلو نحكي
انا :" عيسى ؟"
عيسى :" نعم ؟"
انا :" تو انت بش تعلمني نسوق كيما قال خالد ؟"
غرزلي يحكي
عيسى :" ماعنديش مشكل كان انت تحب نعلمك "
هزيتلو براسي اي نحكي
انا :" اي نحب "
عيسى :" باهي مالا.. ك نتفاضى ونلقى وقت تو نعلمك"
غزرتلو على جنب نحكي
انا :" تعلمت بكري مالا "
تبسم وبقى ياكل حتى الباكو وفى..غزرتلو نحكي
انا :" تحب حاجة أخرى؟ عندي شكلاطة وكيك وعصير "
غزرلي وحل عينيه فيا باهت يحكي
عيسى :" ياخي علاش هذا لكل؟ اصلا منين جبتيه "
فركت يديا ف بعضهم نحكي
انا :" آنجيلا عطاتهملي "
عيسى :" لحكاية لكل 10سوايع جايبة معاك ماكلة متاع جمعة "
قحرتلو نحكي
انا :" ياخي تحسبلي ف اللقمة.. كان توجعني كرشي مانوريك"
قحرلي ورجع غزر قدامو.. حطيت لي فيدي على جنب وغزرت للطريق لي مازال طويل.. وين حسيت روحي فديت خاطر هو ساكت ومايحبش يحكي ولا يفدلك.. وزيد تعبت من لكرسي مانعرفش خالد وقتاه بش يقوم بش نمشي انا ف بلاصتو..نفخت بالشوي وتكيت براسي لتالي..غمضت عينيا حاولت نرقد شوي بش مانحسش بالثنية..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
