#لارين_تحكي
اول مامشى خالد.. حليت باب التيراس وخرجت وين الشط لي كان مقابلني.. بقيت نتمشى ونخمم ف كلامو وين حسيت دقات قلبي قوات.. فكرة انو عيسى يغير علياا خلاتني ندخل بعضي.. رغم اني زلقت بيها لكلمة بكري اماقلتها على اساس بش نستفزو ماتوقعتش حتى خالد بش يلاحظ هذا.. تبسمت من غير مانشعر ك تفكرت كلام خالد بالحرف.. كيفاه عيسى متبدل على خاطري.. عضيت على شفايفي وبقيت نخمم زعمة شنوة نوع الغيرة لي يحس فيها ناحيتي واصلا علاش حتى يغير علياا.. لحظتهاا لقيت روحي نسأل ف نفس السؤال لياا انا.. ياخي انا طلعت غايرة عليه.. اما علاش حتى نغير عليه.. ف بالي تصرفاتي عادية حتى خالد خلاني نغزر للأمور بشكل اخر.. ف اللحظة هاذي حسيت روحي عذرت عيسى.. يعني تصرفاتو طلعت عادية خاطر انا قاعدة نتصرف كيفو اما بلا مانحس.. عديت بعينيا عالشط وبقيت نخمم شنوة نوع الغيرة لي نحس فيهاا انا.. خوات عمري لاحسيت عيسى كيما خوياا.. صحاب ممكن يعني من وقت لي عرفتو وانا حسيتو صاحبي اما احساسي ناحيتو غير Joseph لي هو نفسو صاحبي.. مع عيسى نحس روحي مرتاحة اكثر وفرحانة.. نحس بالأمان معاه ننسى الخوف نحس روحي فحمايتو.. اصلا وصلت معاه ننسى الدنياا لكل..فوجود نتصرف على طبيعتي.. قدامو هو انجم نوري ضعفي ودموعي بلا مانحشم.. ساعات نحسو يفهمني من غزرة عينيا.. وجودو بجنبي نحسو يقويني.. خذيت نفس طويل وبقيت نسترجع ف لي صار معاه الفترة هاذي لكل غير الحاجات لي حسيت بيهم اتجاهو.. استغربت روحي ك تفكرت كيفاه نحبو يبقى بجنبي حتى وقت نومي..كيفاه كل مرة نتكا على كتفو وين نحس راحتي..كيفاه صرت نحب ريحتو وندخل بعضي قدام غزرتو.. مسحت دمعتي الي نزلت من الخوف لي حسيتو قدام الأفكار هاذم لكل ولي خلاو دقات قلبي تزيد تقوا اكثر.. فقت من سرحتي على صوتها وراياا تحكي
جيهان :" صغرونة "
ضغطت على يدي بالقوي وتلفتتلها نحكي
انا :" تفضل ؟"
عدات بعيناها علياا وغزرتلي درا كيفاه تحكي
جيهان :" كنت تبكي ؟"
انا :" شيهمك "
جيهان :" شكون بكاك؟ عيسى ؟"
رسيت على سنيا بالقوي نحكي
انا :" ماتفهمش شيهمك ؟"
قربتلي شوي وعدات بعيناها علياا تحكي
جيهان:" ياخي فما حاجة بيناتك انت وعيسى ؟"
انا :" حاجة كيما شنوة ؟"
تبسمت على جنب تحكي
جيهان :" شنوة ؟ على اساس مفهمتنيش؟"
نفخت بالقوي نحكي
انا :" جيهان برا ابعدني "
جيهان:" مش قبل ماتجاوبني..انت وعيسى مع بعضكم؟ بيناتكم relation d'amour؟"
عديت بعينيا عليها نستوعب ف كلمتهاا..للحظة حسيت دقات قلبي بش تخرج من صدري وين لقيت روحي نتخيل ف كلامهاا كان جا صحيح وانا وعيسى على علاقة.. للحظة تمنيت كان لي قالتو صحيح.. مانعرفش كيفاه قربتلها وتبسمت نحكي
انا :" اي.. انا وعيسى مع بعضناا عناا قداه..علاقتنا كبيرة وقوية.. يعني كان انت تخمم ف اي حاجة ناحيتو ننصحك نحيها من مخك..خاطر عيسى مستحيل يغزرلك وانا معاه.. ارتحت تو ؟"
عدات بعيناها علياا وغزرتلي بنظرة خوفتني.. تبسمت على جنب تحكي
جيهان :" ارتحت.. انشالله تبقى ديما معاه خليناا نشوفو علاقتكم وين بش توصل "
عطاتني بظهرها ومشات قبل مانجاوبهاا.. خذيت نفس لي حسيتو تقطع علياا وبقيت نغزر لخيالها لي غاب لحظتهاا قربت اكثر للشط وطلعت فوق الممر الخشبي لي كان يوصل لنص لبحر.. وقفت وطبست راسي عديت بعينيا عالماء وين سرحت انا كيفاه قلت هكاا.. كيفاه قلتلها اي زعمة عيسى بش يعرف وكان يعرف شنوة بش يقول.. قلبي وجعني وقت تفكرت الطفلة لي هومعاها ولي لتو انامانعرف علاها شي.. هزيت راسي لسما وخذيت نفس طويل للحظة تمنيت كان نهرب ونبعد من هناا بش نبقى وحدي وننسى الأفكار لي قاعدة تخبط فيا..حسيت مخي بش يتحرق وهو من فكرة لفكرة..نزلت راسي وقت حسيت بجهامة واقفة ورايا وانفاسها ضربت ف رقبتي.. بدني رعش واطرافي نملت اول ماتلفتت وشفت نفس الراجل متاع لبارح.. عدا بعينيه علياا يحكي
جاك :" bonjour bella "
بلعت ريقي بالسيف وغزرتلو كيفاه كان مضروب نحكي
انا :" Toi ? Que faites-vous ici ؟ "
قربلي اكثر يحكي
جاك :" جيت حبيت نعدي شوي وقت معاك مدامك وحدك "
قلبي ضرب بقوة اول شدني من مرفقي كتحركت يحكي
جاك :" no no.. ماعندك وين ماشية..حتى نتحاسبو "
شهقت بالشوي من الخوف لي حسيتو نحكي
انا :" laisses-moi s'il te plaît "
جمدت فبلاصتي وين دمعتي نزلت اول ماعدا صوابعو على زندي يحكي
جاك :" تعرف لي انت محلاك.. خسارة لبارح حبيت نعدي معاك شوي وقت..اما الحيوان لي معاك منعني.. اما ميسالش جاتني فرصة تو وعرض البحر "
بدني رجف وسنيا ضربو ف بعضهم من الخوف لي مكني منو ومن تصويرة لي "إلياس" لي هدت علياا وين حسيت روحي تخنقت وصوتي هرب علياا.. غمضت عينيا بالقوي و رجعت حليتهم نحكي
انا :" ا..امان سيبني "
جاك :" بش نسيبك.. اما مش هناا "
عديت بعينيا عليه مش فاهمة كلامو..قلبي ضرب بقوة ك حط يديه على كتفي ودزني ف نص لبحر يحكي
جاك :" بش نسيبك غادي "
شهقت بالقوي اول ماغطست فالماء لي بلعتو بالوقت وين النفس تسكر علياا.. هزيت يدي وبقيت نفرفط لحظتها مانعرفش كيفاه صحت بالقوي نحكي
انا :" عييييييسسسسى.... "
غمضت عينيا وقت حسيت الماء فات طولي وغطاني.. حاولت نرجع نهز راسي ماعجزت من وراء الماء لي بقى يسحب فياا لتحت.. دموعي نزلو وتخلطو مع ماء لبحر وقت حسيت روحي معادش عندي قوة بش نقاوم.. لحظتهاا استسلمت قدام عينيا لي تغمضت وبدني لي ترخف..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
