#لارين_تحكي
حليت عينيا على نهار جديد.. هزيت روحي شوي وغزرت للوقت وين لقيت 10فاتت.. رجعت تسطحت وحشيت راسي ف المخدة.. حسيت روحي ماعينيش نقوم ليوم من بلاصتي ولانخرج..تنهدت بالشوي وقمت من بلاصتي دخلت لسالدوبان نحيت حوايجي عملت دوش خفيف وخرجت لبست الكابدوبان متاعي ورجعت للبيت.. جبدت روبة خفيفة طويلة لبستها ولميت شعري لفوق وهزيت تاليفوني وخرجت.. اول ماسكرت الباب وقدمت لبيتو بش نشوفو اذا فاق ولا لا.. وقفت عالصوت لي سمعتو تحت..عقدت بحواجبي مستغربة الحس ونزلت طول وين قابلني خالد وصحابو يفطرو.. عديت بعينيا عليهم وين مالقيتش عيسى معاهم.. وخرت بخطواتي بش نطلع نشوفو اما وقفت على صوت خالد يحكي
خالد :" بونجور لارين "
غزرتلو وتبسمت نحكي
انا :" بونجور خالد "
قرب ناحيتي ووقف قدامي يحكي
خالد:" سافا ؟ لبارح ك جيت لقيتك راقدة ؟"
هزيتلو براسي اي نحكي
انا :" اي سافا "
عدا بعينيه عليا يحكي
خالد:" لارين سامحني علي لي صار لبارح.. مافيباليش فما حد بش يقلقك هكاكا "
تبسمت نحكي
انا :" ماعندك علاش تطلب ف السماح خالد.. انت خاطيك والله "
خالد :" ك هكا علاش قلت لعيسى تحب تروح غدوة؟ صدقني انا جيت على خاطركم.. حبيت نعملو جو مع بعضناا ونعديو وقت محلاه "
عضيت على شفايفي نحكي
انا :" نعرف خالد والله.. اما انا حسيت روحي تقلقت وزيد حشمت من لي صار لبارح "
خالد:" ماعندك علاش تحشم انت زادة ماعملت شي.. وماعندك علاش تتقلق لي صار لبارح مستحيل يتعاود ولي قلقك انا طردتو والله "
عديت بعينيا عليه نحكي
انا :" مرسي خالد "
تبسم يحكي
خالد:" بش تزيدو نهارين مش هكا ؟"
تنهدت بالشوي نحكي
انا :" مانعرفش خليني نخمم.. ديجا احنا مازلنا ليوم "
ضحك يحكي
خالد :" ليوم وغدوة وبعدو زادة.. ساعة شوف صحابي جاو قلنا نعملو petit dej كلنا مع بعضناا "
غزرتلهم ورجعت غزرتلو نحكي
انا :" ياخي عيسى وينو ؟ مافاقش ؟"
تبسم وغزرلي درا كيفاه يحكي
خالد :" سي عيسى ظاهرلي مازال راقد.. ايجا انت ابدا افطر وانا تو نطلع نفيقو ونجيبو بالسيف "
ضحكت نحكي
انا :" ننصحك رد بالك على روحك خاطر عيسى يخوف الصباح "
ضيق عينيه فيا يحكي
خالد :" الصباح كهو ؟"
قربت ناحيتو ووشوشت نحكي
انا :" و ف الليل زادة.. اما تقلوش "
ضحك يحكي
خالد :" هههه مانيش بش نقلو.. بش نخليه سر بيناتنا "
ضحكت وهزيتلو براسي اي.. اشرلي بعينيه يحكي
خالد :" برا افطر مدام انا جيت "
انا :" باهي "
قربت لتيراس وين كانو صحابو وعديت بعينيا عليهم وين اطمنت انو لخرى مش معاهم.. خذيت كاسة عصير وقربت وين الدربوز.. بقيت نشرب فيها ونغزر للبحر قدامي وين حسيت روحي فقت شوي وعصابي هدات من نسمة الصباح.. تلفتت ورايا وين شفت خالد قربلي يحكي
خالد :" هاني خليتو بش يهبط.. السيد نلقاه مازال راقد "
تبسمت نحكي
انا :" اكيد راو تاعب "
عدا بعينيه عليا وغزرلي درا كيفاه يحكي
خالد :" ولا ممكن ساهر يخمم "
انا :" ف شنوة ؟"
هز بكتافو ووقف بجنبي غزر قدامو للبحر يحكي
خالد:" مانعرفش.. انا قلت ممكن "
انا :" اي ممكن "
خالد:" شرايك بعد لفطور نهبطو للبحر.. انت ماعمتش من لي جيت "
رجعت شعري لتالي وغزرتلو نحكي
انا :" انا مانعرفش نعوم "
خالد :" هاو عيسى معاك تو يعلمك "
تلفتت على صوتو ورانا يحكي
عيسى :" شعندي نعلمها ؟"
بلعت ريقي ك ريتو عدا بعينيه علينا وقحرلي.. تبسمت بالسيف نحكي
انا :"خالد قلي كان تحب تعوم.. عاد قتلو مانعرفش قلي تو عيسى يعلمك "
غزر لخالد يحكي
عيسى :" ماعندها وين تعوم "
خالد:" باهي كيما تحب "
عديت بلساني على شفايفي وغزرتلو نحكي
انا :" عيسى شبيك لتو راقد ؟"
قحرلي يحكي
عيسى :" رقدت مخر لبارح "
انا :" باهي "
خالد :" حكيت مع لارين بكري.. وتفاهمناا لي انتوما بش تزيدو نهارين اخرين "
جمدت فبلاصتي من غزرتو لي شافني بيهاا.. طبست راسي من غير حتى كلمة.. سمعتو يحكي
عيسى :" وعلى شنوة تفاهمتو اخر؟"
خالد:" تفاهمناا بش تنقص من غشك "
ريتو كيف قحرلو ساكت.. خذيت نفس طويل وهزيت راسي معاه وغزرتلو نحكي
انا :" عيسى وقتاه بش نخرجو ؟"
عيسى :" مفماش خروج "
عديت بعينيا عليه نحكي
انا :" علاش ؟ مش تفاهمناا من لبارح بش نخرجو ليوم مع بعضنا.... "
تهزيت وتحطيت وقت صق علياا وعلا ف صوتو يحكي
عيسى :" قتتتلك مفماااش زفت خروج "
ضميت على شفايفي شديت دمعتي وغزرت لصحاب خالد لي غزرو ناحيتنا.. حطيت كاسة العصير ودخلت..مانعرفش كيفاه طلعت نجري فالدروج.. قلبي ضرب بقوة ك سمعت صوتو وراياا يحكي
عيسى:" اقففف "
جمدت فبلاصتي اول ماطلعت وريتو طلع وسبقني.. وخرت بخطواتي لتالي اول ماقرب ناحيتي.. شهقت بالقوي كيف قربلي ف لحظة وشدني من زنودي حل عينيه فيا يحكي
عيسى :" ماتسمعش أقف... "
قصيت عليه نحكي
انا :" مانسمعش ومانحبش نسمعك وماناقفش "
عيسى :" لاارييين ماتهبلننيشش..غالطة وتحل ف فمك..شوف الي صار تومايتعاودش ومانحبش كلامي يتعاود "
هزيت بحاجبي نحكي
انا :" وكان تعاود كلامك شنوة عندك تعملي بش توقفني بالسيف ولا بش تصيح علياا كيف ماعملت قدام لعباد "
علا ف صوتو يحكي
عيسى :" لاااارين ماتكرزنيييش.. "
قصيت عليه نحكي
انا :" ساعة تنجم تفسرلي تصرفاتك مسيو عيسى.. الي عملتو وت لبارح وقت حكيت شوي مع خالد والي صار تو لداخل قدامو..كل ماتراني معاه تتقلب..الي يراك يقول تغيير عليااا منو "
رخف يديه من زنودي وغزرلي درا كيفاه.. عديت بعينيا عليه وقربتلو شوي هزيت راسي معاه وتبسمت على جنب نحكي
انا :" ماتقليش غاير ؟"
عدا بعينيه عليا وغزرلي درا كيفاه ساكت..هزيت بحاجبي وبقيت نستنى ف إجابة منو تبررلو الي يعمل فيه...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
